Laŋhɛzɩyɛ yɔɔ keɣa
Yee ŋmaɣzɩɣ se mʋʋyʋʋ kɩla hɔzʋʋ ɖoŋ,
Yee ŋtisaa se nandaka cɛlʋʋ wɛ ɖoŋ,
Yee ŋmaɣzɩɣ se ɛyaa nɩɣna ɖama mbʋ pɩ-yɔɔ yɔ pɩcɛyaa pɩkɩlɩ mbʋ piyozuu-wɛ yɔ,
Yee ŋnawa se ɛyʋ ɛ́wɛ ndɩ nɛ lalaa pɩkɛna ñɩm, pɩdɛkɛna kɩdɛkɛdɩm,
Yee ŋna ɛyʋ lɛlʋ nɛ ŋmaɣzɩ-ɩ cɔnaʋ nɛ sɔɔlɩm,
Yee lidaʋ ɛwɛ-ŋ ɖeu pɩkɩlɩ tɩkpaʋ nɛ lalaa,
Yee ŋmaɣzɩɣ se ña pɩwɛna se ŋɖɔ ŋwobina lalaa yɔɔ, taaɖaŋgɩ se paba ɛkɔmɩnana ñɔ-yɔɔ,
Yee pɛɣa ɛcɔŋna-ŋ nɛ ñɛ-ɛsɛ ɖʋ kɛ-ɛsɩndaa nɛ pɩhɔzɩ hɔzɩŋ ña-laŋgɩyɛ taa,
Yee ña-taabalʋ taa ɛwɛ leleŋ nɛ ŋsɩna-ɩ ɛ-taa leleŋ nɩʋ,
Yee ŋkpaɣ ɛgɔm se ɛkɛ ño-koobu nɛ ɛnʋ pʋpɔza-ŋ,
Yee ŋpɩzɩɣ se ŋkʋ ña-alɩwaatʋ pazɩ falaa nɛ sɔɔlɩm,
Yee ŋpɩzɩɣ ŋtisi se nɔɔyʋ ɛlabɩ-ŋ tʋmɩyɛ,
Yee ŋpɩzɩɣ ŋcozi ñe-tindine yɔɔ ŋha ɛyʋ nɛ ŋcɩɖɩ ña-laŋgɩyɛ kɩbanɖɛ yɔɔ ŋtɩnɩ pʋ-yɔɔ,
Yee ŋmaɣzɩɣ se kpeɣu woki poliŋ pɩkɩlɩ kɩmɩyɛkpzʋ,
Yee ŋnɩ lalaa koboyaɣ taŋ nɛ ŋtee wendu ŋsam’-wɛ nɛ ŋpaa pa-laŋhʋlʋmɩyɛ payɛ,
Yee ŋtisiɣ se pɛkpɛɛna-ŋ nɛ pɩwazɩ-ŋ, ɛlɛ ŋŋkɔʋ pana ɖɔɖɔ lɛ pɩɩwɩzɩɣ-ŋ nɛ ŋkaɖɩna weyi ɛkpɛɣna-ŋ yɔ,
Yee ña-naʋ taa lɛ, ɛyʋ lɛlʋ kɛna koobu kajalaɣ taa,
Tee páná ɛkɛna-ŋ ɛjandʋ, nɛ aawɩlɩɣ se ɖoŋ ŋkɩlaa,
Yee ŋtisiɣ se pɩkpɩlɩna-ŋ nɛ pɩdaakɛ se ñomulina ɛyʋ lɛlʋ,
Yee ŋnawa se sɔɔlɩm ɖeke kɛnɩna ɖoŋ weyi ɛwakɩ lɛlʋ yɔ,
Yee ŋmaɣzɩɣ se laŋhɛzɩyɛ pɩzɩɣ ɖɩkɛ toovenim tɔm,
Ɖɩnɛ lɛ,laŋhɛzɩyɛ wɛ nɩmaʋ.
[[Category:!Main category]]
This site is not affiliated with or endorsed in any way by the Wikimedia Foundation or any of its affiliates. In fact, we fucking despise them.
|
