Yesu pazɩ yɔɔdʋʋ nɛ eheyi-wɛ se:”Ɩwɛɛnɩ lidaʋ Ɛsɔ yɔɔ. Toovenim lɛ, meheyiɣ-mɩ se yee nɔɔyʋ eheyi pʋʋ kʋnɛ se: ’Pʋʋ ña, kpɛzɩ nɛ ŋwolo ŋtɔlɩ teŋgu taa’ nɛ yee ɛwɛnɩ lidaʋ se ndʋ ɛyɔɔdaa yɔ tɩlakɩ nɛ ɛtapʋtɩ ɛ-taa yɔ, pɩlakɩ mbʋ ɖɔɖɔ. (Maark 11: 22-23).
Wɩlɩyʋ wɩlɩɣ Maarkɩ 11:23 taa, mbʋ lidaʋ keekee kɛnaa nɛ mbʋ kɩlakɩ yɔ: kiyeki nɛ ɛyʋ tisi Ɛsɔ yɔɔ nɛ ɛyɔɔdɩ! Ɛyɔɔdʋʋ se: mbʋ pɩtɩŋa pʋwɛ-mɩ liu yɔ, pɩkaɣ-mɩ talʋʋ yee ɩyɔɔdʋʋ mbʋ itisiɣ pʋyɔɔ yɔ pʋ-tɔm yɔ. Pʋ-tɔbʋʋ se itisi pʋ-yɔɔ nɛ ɩyɔɔdʋʋ mbʋ Ɛsɔ tɔm yɔɔdʋʋ mɩ-yɔɔ yaa mi-wezuu caɣʋ yɔɔ yɔ. Lidaʋ tɔbʋʋ tɛkɛ se ɛyʋ ɛmʋ Ɛsɔ tɔm ɛ-laŋɩyɛ taa ɖeke. Ŋcɔnɩ camɩyɛ yɔ, lidaʋ lakɩ nɛ ɛyʋ yɔɔdɩ.
Lidaʋ ‘lakɩna nɛ mbʋ pɩtaawɛɛ yɔ, pʋwɛɣ’ (Room 4:17). Yee mbʋ yɔ, pʋwɛɛ se ŋyɔɔdɩ se ñɔ-yɔɔ cɛba, se ŋwɛnɩ ña-alaafɩya, se pɩtɩŋa pʋɖɔŋ camɩyɛ nɛ se ŋwaba. Ɩtaasu yem. Ɛyʋ ɛwɛnɩ lidaʋ nɛ pɩlakɩ tʋmɩyɛ yɔ, ɛmʋ Ɛsɔ tɔm. Yee mbʋ, pʋwɛɛ se ɛyɔɔdɩ: “Ɛzɩma mbʋ ɖɩwɛnɩ lɩmaɣza kʋɖʋma ɖe-lidaʋ wɛnaʋ taa ɛzɩ pamaʋ Ɛsɔ tɔm takayaɣ taa yɔ: mɛwɛnɩ lidaʋ yɔɔ mɔyɔɔdaa! Ɖa ɖɔɖɔ ɖɩwɛnɩ lidaʋ, pʋ-yɔɔ ɖɩyɔɔdʋʋ” (2Kɔrɛntɩ 4:13). Kajalaɣ lɛ, ɩwɛnɩ lidaʋ se mbʋ ɩsɔɔlaa yɔ pʋwɛɛ. Pʋwayɩ lɛ, ɩyɔɔdɩ pʋ-tɔm.
Peeɖe ɛyaa nabɛyɛ ɩɩnɩɣ lidaʋ tɔm taa camɩyɛ : paayɔɔdʋʋ mbʋ pʋyɔɔ yɔ pɛwɛnɩ lidaʋ, pɔyɔɔdʋʋ se paawɛɛnɩ lidaʋ. Petisi Ɛsɔ tɔm yɔɔ nɛ pɔyɔɔdʋʋ tɩ-tɔm, ɛlɛ lidaʋ wɛnaʋ wɛ-wɛ kaɖɛ siŋŋ. Mbʋ labɩna nɛ yee paahikiɣ mbʋ pañɩnɩɣ yɔ yɔ, pɩcɛyɩɣ-wɛ pɩŋŋ.
[[Category:!Main category]]
This site is not affiliated with or endorsed in any way by the Wikimedia Foundation or any of its affiliates. In fact, we fucking despise them.
|
