Revision 7126 of "Lord Byron" on kbpwiki

George Gordon Byron sɛna hɩɖɛ yaa kɛ samaɣ sɩma-ɩ nɛ hɩɖɛ ɖɩnɛ size Lord Byron. Ɖajaa ɛnɛ, ɛkɛ ɛjaɖɛ nɖɩ payaɣ-ɖɩ size Iglɩsɩ ɛjaɖɛ yɔ ɖɩ-tɛtʋ taa ɛyʋ yaa ɖɩ-tɛtʋ taa tʋ. Ɛkɛ abalʋ weyi ɛfɛyɩ felendu kpataa yaa kaʋ yɔ. Palʋla ɖajaa sɔsɔ Geoge Gordon Byron ɛnʋ kɛ kɔlaɣ fenaɣ taa kɛ evemiye yaa kɩyakʋ hiŋ naalɛ nɛ naalɛ yaa nɛɛlɛ nɛ naalɛ (22) n̄ɩŋgʋ wiye kɛ pɩnaɣ 1788 taa.

Egeetiye yaa tɛtʋ sɔsɔtʋ ndʋ tɩ-taa palʋla ɖajaa ɛnɛ yɔ, nɖʋ payaɣ size Londres tɛtʋ. Ɛkɛ n̄amtʋ pɩɣa kɛ ɛ-taabalaa nɛ samaɣ ŋga ɛwɛ ka-taa yɔ kɛ-sɩnda. Ɛ-pɩcatʋ taa ɛɛkɛ pɩɣa ŋga kɛwɛ lɛɣtʋ siŋŋ yɔ. Ɖajaa sɔsɔ George Gordon Byron sɩba ɖomaɣ fenaɣ taa kɛ kɩyakʋ yaa evemiye hiu nɛ nakʋ (19) n̄ɩŋgʋ wiye kɛ pɩnaɣ 1824 n̄ɩŋga taa kɛ ɛjaɖɛ nɖɩ payaɣ-ɖɩ size Krɛsɩ yɔ ɖɩ-tɛtʋ taa.

Ɖajaa sɔsɔ ɛnɛ, ɛwɛna pɩnzɩ niidozo yaa hiŋ naadozo nɛ loɖo (36) lɛɛ ɛsɩba. Lone yaa egeetiye nɖɩ ɖɩ-taa ɛsɩba yɔ, nɖɩ-ɩ payaɣ size Missolonghi kɛ Krɛsɩ ɛjaɖɛ tɛtʋ taa. Ɛkɛ n̄amtʋ pɩɣa ɛ-taabalaa nɛ samaɣ ŋga ɛwɛ ka-taa yɔ kɛ-sɩnda. Ɛ-pɩcatʋ taa ɛɛkɛ pɩɣa ŋga kaawɛna sɔɔlɩm siŋŋ kɛ kɛɛgbaadɩnaa kpeekpe cɔlɔ yɔ.

Ɖajaa sɔsɔ ɛnɛ, ɛkɛ koowa maɖʋ mɛnfɛyɩna ɖaʋʋ yaa paamaazɩm nɛ nɔɔyʋ sɔsɔ nɔɔyʋ siŋŋ kɛ Iglɩsɩ ɛ-ɛjaɖɛ tɛtʋ taa yɔ. Keɣwa mabʋ hɔɔlʋʋ taa lɛ, ɖajaa ɛnɛ, ɛnʋ kɛna sɔsɔ siŋŋ tʋ weyi, ɛ-hɩɖɛ kʋyɩ siŋŋ. Ɖajaa sɔsɔ George Gordon Byron kɛ abalʋ weyi Iglɩsɩ ɛjaɖɛ samaɣ kpaɣa size ɛkɛ Iglɩsɩ ɛjaɖɛ kʋnʋŋ caanaʋ tɔm mayʋ yɔ.

Ɛ-taabalaa mba ɛna wɛ palakaɣ tʋmɩyɛ kʋɖʋɖɩyɛ yɔ mba yɔ : ɖajaa sɔsɔ Robert Southey, nɛ ɖajaa sɔsɔ Wordsworth, nɛ sɔsɔ Coleridge, nɛ sɔsɔ Shelley, nɛ pɩtasɩna ɖajaa sɔsɔ Keats. Ɖajaa sɔsɔ George Gordon kɛ Iglɩsɩ ɛjaɖɛ tɛtʋ taa koowa maɖʋ sɔsɔ weyi, payaɣ ɛ-caa size John Byron. Ɛ-caa ɛnʋ, sɔɔja sɔsɔ nɔɔyʋ kɛ sɔɔjanaa kpaaŋ ŋgʋ payaɣ-kʋ size Coldstream Guards yɔ kɩ-taa.

Sɔɔjɛɛtʋ tʋmɩyɛ taa pasʋyɩ hɩɖɛ size «Mad Jack». Ɖajaa ɛnʋ, ɛ-caa halʋ naalɛ n̄ɩnʋʋ lɛɛ ɛnʋ koowa maɖʋ ɖoo. Pʋtɔbʋʋ size payaɣ e-ɖoo size Catherine Gordon de Gight. Palʋla e-ɖoo kɛ pɩnaɣ 1765 n̄ɩŋga taa nɛ ɛsɩ pɩnaɣ 1811 n̄ɩŋga taa.

[[Category:!Main category]]
[[Category:Politiki laɖaa]]