Difference between revisions 55442 and 55801 on lawikisource

{{TextQuality|50%}}
__NOTOC__
<div class="text">
{{Liber
|Ante= ad Thessalonicenses I
|AnteNomen= Biblia Sacra Vulgata (Stuttgartensia)/ad Thessalonicenses I
|Post= ad Timotheum I
|PostNomen= Biblia Sacra Vulgata (Stuttgartensia)/ad Timotheum I
}}
{{titulus2
|Scriptor= 
|OperaeTitulus= [[Biblia Sacra Vulgata (Stuttgartensia)]]
|OperaeWikiPagina= 
|Annus= Novum Testamentum
|SubTitulus= ad Thessalonicenses II
}}


==ad Thessalonicenses II==
1:1 Paulus et Silvanus et Timotheus ecclesiae Thessalonicensium in Deo Patre nostro et Domino Iesu Christo<br/>
1:2 gratia vobis et pax a Deo Patre nostro et Domino Iesu Christo<br/>
1:3 gratias agere debemus Deo semper pro vobis fratres ita ut dignum est quoniam supercrescit fides vestra et abundat caritas uniuscuiusque omnium vestrum in invicem<br/>
1:4 ita ut et nos ipsi in vobis gloriemur in ecclesiis Dei pro patientia vestra et fide in omnibus persecutionibus vestris et tribulationibus quas sustinetis<br/>
1:5 in exemplum iusti iudicii Dei ut digni habeamini regno Dei pro quo et patimini<br/>
1:6 si tamen iustum est apud Deum retribuere tribulationem his qui vos tribulant<br/>
1:7 et vobis qui tribulamini requiem nobiscum in revelatione Domini Iesu de caelo cum angelis virtutis eius<br/>
1:8 in flamma ignis dantis vindictam his qui non noverunt Deum et qui non oboediunt evangelio Domini nostri Iesu<br/>
1:9 qui poenas dabunt in interitu aeternas a facie Domini et a gloria virtutis eius<br/>
1:10 cum venerit glorificari in sanctis suis et admirabilis fieri in omnibus qui crediderunt quia creditum est testimonium nostrum super vos in die illo<br/>
1:11 in quo etiam oramus semper pro vobis ut dignetur vos vocatione sua Deus et impleat omnem voluntatem bonitatis et opus fidei in virtute<br/>
1:12 ut clarificetur nomen Domini nostri Iesu Christi in vobis et vos in illo secundum gratiam Dei nostri et Domini Iesu Christi<br/>
2:1 rogamus autem vos fratres per adventum Domini nostri Iesu Christi et nostrae congregationis in ipsum<br/>
2:2 ut non cito moveamini a sensu neque terreamini neque per spiritum neque per sermonem neque per epistulam tamquam per nos quasi instet dies Domini<br/>
2:3 ne quis vos seducat ullo modo quoniam nisi venerit discessio primum et revelatus fuerit homo peccati filius perditionis<br/>
2:4 qui adversatur et extollitur supra omne quod dicitur Deus aut quod colitur ita ut in templo Dei sedeat ostendens se quia sit Deus<br/>
2:5 non retinetis quod cum adhuc essem apud vos haec dicebam vobis<br/>
2:6 et nunc quid detineat scitis ut reveletur in suo tempore<br/>
2:7 nam mysterium iam operatur iniquitatis tantum ut qui tenet nunc donec de medio fiat<br/>
2:8 et tunc revelabitur ille iniquus quem Dominus Iesus interficiet spiritu oris sui et destruet inlustratione adventus sui<br/>
2:9 eum cuius est adventus secundum operationem Satanae in omni virtute et signis et prodigiis mendacibus<br/>
2:10 et in omni seductione iniquitatis his qui pereunt eo quod caritatem veritatis non receperunt ut salvi fierent<br/>
2:11 ideo mittit illis Deus operationem erroris ut credant mendacio<br/>
2:12 ut iudicentur omnes qui non crediderunt veritati sed consenserunt iniquitati<br/>
2:13 nos autem debemus gratias agere Deo semper pro vobis fratres dilecti a Deo quod elegerit nos Deus primitias in salutem in sanctificatione Spiritus et fide veritatis<br/>
2:14 ad quod et vocavit vos per evangelium nostrum in adquisitionem gloriae Domini nostri Iesu Christi<br/>
2:15 itaque fratres state et tenete traditiones quas didicistis sive per sermonem sive per epistulam nostram<br/>
2:16 ipse autem Dominus noster Iesus Christus et Deus et Pater noster qui dilexit nos et dedit consolationem aeternam et spem bonam in gratia<br/>
2:17 exhortetur corda vestra et confirmet in omni opere et sermone bono<br/>
3:1 de cetero fratres orate pro nobis ut sermo Domini currat et clarificetur sicut et apud vos<br/>
3:2 et ut liberemur ab inportunis et malis hominibus non enim omnium est fides<br/>
3:3 fidelis autem Dominus est qui confirmabit vos et custodiet a malo<br/>
3:4 confidimus autem de vobis in Domino quoniam quae praecipimus et facitis et facietis<br/>
3:5 Dominus autem dirigat corda vestra in caritate Dei et patientia Christi<br/>
3:6 denuntiamus autem vobis fratres in nomine Domini nostri Iesu Christi ut subtrahatis vos ab omni fratre ambulante inordinate et non secundum traditionem quam acceperunt a nobis<br/>
3:7 ipsi enim scitis quemadmodum oporteat imitari nos quoniam non inquieti fuimus inter vos<br/>
3:8 neque gratis panem manducavimus ab aliquo sed in labore et fatigatione nocte et die operantes ne quem vestrum gravaremus<br/>
3:9 non quasi non habuerimus potestatem sed ut nosmet ipsos formam daremus vobis ad imitandum nos<br/>
3:10 nam et cum essemus apud vos hoc denuntiabamus vobis quoniam si quis non vult operari nec manducet<br/>
3:11 audimus enim inter vos quosdam ambulare inquiete nihil operantes sed curiose agentes<br/>
3:12 his autem qui eiusmodi sunt denuntiamus et obsecramus in Domino Iesu Christo ut cum silentio operantes suum panem manducent<br/>
3:13 vos autem fratres nolite deficere benefacientes<br/>
3:14 quod si quis non oboedit verbo nostro per epistulam hunc notate et non commisceamini cum illo ut confundatur<br/>
3:15 et nolite quasi inimicum existimare sed corripite ut fratrem<br/>
3:16 ipse autem Dominus pacis det vobis pacem sempiternam in omni loco Dominus cum omnibus vobis<br/>
3:17 salutatio mea manu Pauli quod est signum in omni epistula ita scribo<br/>
3:18 gratia Domini nostri Iesu Christi cum omnibus vobis amen<br/>

{{Liber
|Ante= ad Thessalonicenses I
|AnteNomen= Biblia Sacra Vulgata (Stuttgartensia)/ad Thessalonicenses I
|Post= ad Timotheum I
|PostNomen= Biblia Sacra Vulgata (Stuttgartensia)/ad Timotheum I
}}
</div>

[[Categoria:Novum Testamentum|ad Thessalonicenses II]]

[[ar:رسالة بولس الرسول الثانية إلى أهل تسالونيكي]]
[[cs:Bible Kralická/II Tessalonicenským]]
[[el:Προς Θεσσαλονικείς Β']]
[[en:Bible (King James)/2 Thessalonians]]
[[eo:Nova Testamento/II. Tesalonikanoj]]⏎
[[es:Segunda Epístola a los Tesalonicenses]]
[[fr:Bible Segond 1910/Deuxième épître aux Thessaloniciens]]
[[ja:フェサロニカ人に達する後書]]
[[pl:Biblia Gdańska/List Świętego Pawła Apostoła do Tessalonicensów wtóry]]
[[pt:Tradução Brasileira da Bíblia/II Tessalonicenses]]⏎
[[ro:Biblia/Noul Testament/II Tesaloniceni]]
[[ru:Второе послание к Фессалоникийцам (Солунянам)]]
[[sr:1 Кор (Вуков превод)]]
[[sv:Bibeln 1917/Andra Thessalonikerbrevet]]
[[uk:Біблія (Огієнко)/2-е до солунян]]