Revision 31394 of "Шалбуздагъ" on lezwiki

'''Шалбуздагъ''' — Дагъустандин кьибле пата авай сув. РагъэкъечӀдай патан Кавказдин виридалайни кьакьан сувайрикай сад я. Кьакьанвал 4142 метр я.

[[Файл:Шалбуздаг.jpg|thumb|Шалбуздагъдин акунар рагъакӀидай-кефер патай]]

== Чилинмикит ==
Шалбуздагъ ала Дагъустандин кьиблепатан Докъузпарани [[Ахцегь район|Ахцегь]] районра. Сувадин чІехи пай (кефер, рагъэкъечӀдай, кьибле патар) Докъузпара районда ава, амай рагъэкІидай пад Ахцегь районда. Суван кӀуькӀвелай кьве райондин сергьят физва. Лап кІаник гва хуьрер: [[Мискичка]], [[Ухул]], [[Миграгъ]], [[Къуруш]].

Шалбуздагъдилай кІаниз авахьзава пара вацӀарни хвалар, чебни вири [[Самур]] вацӀун бассейндик квайбур я. Виридалайни еке вацІарни хвалар:
* Муглах-вацӀ — Шалбуздагъдин рагъакӀидай патай авахьзавай гъвечӀи вацӀ, тарихвилин Докъуз-парадин чІехи хвал тир. [[Къурукал]] хуьруьн къене ам [[АхцегьвацӀ]]ук акахьзава.
* Гур-кам — Шалбуздагъдин кефер патай авахьзавай хвал, гьадатӀуз Ахцегьни Докъузпара районрин сергьят физава, Шалбуздагъдин кӀуькӀелай эгечӀна, хвал Самурдик акахьзавай чкада куьтягьна.
* Игъир вацӀ — Шалбуздагъдин кьибле-рагъакӀидай патай авахьзавай хвал, Мацар-вацӀук акахьзавайди я.

Гьабурулай къецяй сувадин кьибле патайни рагъэкъечӀдай патай пара хвалар авахьзава, ЧӀехивацӀук акахьзавай. Мадни, кефер патай сад-кьвед хвал михьиз Самурдик акахьзава.

== Паквилин суал ==
Лезгийрини амай Дагъустандин халкьари агъазава, Шалбуздагъ пак тир сув тирди, вучиз лагьайтӀа анал пӀир Сулейманан сур ала. Гьаданни маса пӀирерал кьил алегьиз, садакьаяр гуз-кьабулиз пара ксар къвезва гьар жуьре миллетрин. Къвезва чебни июль-август варцариз, йикъа 1000-1500 кас. Сувадал инсанри ксудай, фу недай кӀвалер ава.

Ахпа Ислам динда килиг авурла, са пӀиреризни фин ихтияр авайди туш. Пак тир Къуръандин сифте аятра кхьенва, [[Аллагь]] Сад тирди, тІалабунар кьилди Гьадавай жузуна кӀаниди, къванеривай-пӀиреривай ваъ. ГьакӀ ятӀани инсанар анал къвезва пӀирерин патаг, диндикай тӀимил чирвилер аваз. Сув пак хьун мумкин туш.

== Баянар ==
{{баянар}}

== ЭлячӀунар ==

[[Категория:Дагъустандин суваяр]]

[[de:Schalbusdag]]
[[ru:Шалбуздаг]]