Difference between revisions 18908 and 18910 on lfnwiki

La '''popla baltican''' es un grupo etnical e lingual de indoeuropeanes. Oji, sola la [[lietuvisce]]s e [[latvisce]]s survive. Ma orijinal, los ia estende de la [[Rio Vistula]] a la [[Rio Dnieper]], a sude de la [[Mar Baltica]]. La area ia es composada de forestas densa, con miles de lagos e pantanes, cual ia contribui a la isoli de esta popla e la natur conservante de sua linguas.

La balticanes ia difere entre grupos ueste e grupos este. En la area de moderna [[Deutxland]] e [[Polsca]] norde, tribus como la [[Prus]] e otra estinguidas ia abita. En la este, pd [[Lietuva]], [[Latvia]] e [[Bielarus]] moderna, ia es la asendentes de la lietuvisce e latvisces, con otra tribus estinguida

Tra la milenio prima ec, la area de abita de la balticanes ia diminui. Multe tribus ia es asorbeda par otra grupos como la [[polsce]]s, [[rusce]]s, e [[gota]]s (ci ia migra de [[Sveria]]), an si la balticanes ia estende se en partes de la abita de la [[uralica]]s sude-ueste, cual es oji representada par la [[esti]]s.

En la sentenio 13, la statos de crusadores deutx (pe la [[Ordina de Livonia]] e la [[Ordina Teutonica]]) ia rena la area cual es aora Latvia e [[Esti]]. Tra sentenios, la area ia es desirada par la deutx, la rusces, la polsces e la [[svensce]]s. En 1569, Polsca e Lietuva ia uni e ia comensa estende se tra Bielarus, [[Ucraina]], partes de Rusia, Latvia, e un parte de Esti. Esta ia es la culmina de potia de la balticanes, an si los ia debe comparti la potia con Polsca.

La rena de tsar [[Piotr la grande]] de Rusia ia resulta la uni de Polsca, e Lietuva ia deveni un protejeda de Rusia. La popla baltican ia joia libria per un tempo corta en 1918, ma ia deveni denova controlada par Rusia en 1944. En 1990, la [[Uni Soviet]] ia disolve, e Lietuva e Latvia ia deveni final libre, con sua visina Esti.

[[Category:Linguas baltica]]⏎
[[Categoria:Poplas indoeuropean]]