Difference between revisions 2262 and 13436 on lfnwiki

[[File:Blason_Harvard.svg|300px|right]]

'''Universia Harvard''' es la funda la plu vea de instrui avansada en la [[Statos Unida de America|SUA]], situada en Cambridge, [[Massachusetts|Massachusetts]].

== Istoria ==
Fundida en 1636, Harvard ia es abrida per instrui en 1683 par un prete engles, John Harvard, sua aidor carital prima. Lo ia deveni un unversia ofisial en 1780. Lo ia developa continuante su la instruores american, ci ia servi seguente como presidentes.
 
En la Cursos Esensal pregraduada de Harvard (''Core Curriculum''), on esije ce la studiante fa cursos de leteratur e artes, istoria, analise sosial e razona moral, siensa e cultures stranjer. Studiantes ave un campo de foca e fa ance cursos elejeda. Los debe mostra capasia en scrive, matematica e un lingua stranjer.

Universia Harvard es governada par un corpo conoseda como la presidente e amis de scola de Harvard. La Scola de Harvard, la divide la plu vea de la universia, ofre cursos pregraduada per omes e femes, gidante a un grado de diploma laural donada par la Universia. Graduadas de la scola de Radcliffe, un funda pregraduada asosiada per femes, ia reseta grados de pos 1963. Un ofisia de aseta juntada de Harvard e Radcliffe eleje studiantes par sistem egal.

La ofisias graduadal e profesal de Harvard inclui scolas de arte e siensas, maneja de mercato, medica dental, desinia, teolojia, instrui, lege, medica, maneja publica, e sania publica. Ance on trova programes de studias spesial.

La vila de universia es la loca de museos e coliedas diversa, entre cual es la Museo Fogg, la Museo Botanical, e la Museo Peabody de Arceolojia e Etnolojia. La sistem bibliotecal de Harvard es la plu vea en la SUA, e ance la sistem bibliotecal universial la plu grande en la mundo. 

Estra la vila, Harvard manteni la Arboretum Arnold, la Oserveria de Harvard; la sentro rexercal per studias bizantin e cristian temprana en Washington, D.C.; e un sentro per rexerca de arte istorial, Villa I Tatti en Settignano, Italia.
    
Publicidas pregraduada inclui la ''Harvard Crimson'' ("Carmesi de Harvard", fundida en 1873), un jornal dial; la ''Harvard Advocate'', un revista leteratural; e la ''Harvard Lampoon'', un jornal umorosa. Publicidas graduada inclui ''Harvard Business Review'' (revista de comersia), la ''Harvard Educational Review'' (revista de instrui), e la ''Harvard Law Review'' (revista de lege). La primeria Harvard University Press ia es fundida en 1913.

[[Category:!Main category]]
[[Category:Universia de Harvard]]{{sutrae}}