Difference between revisions 136946 and 139619 on lijwiki

'''A Bocca''' (in spagnollo '''''La Boca''''') o l'è 'n quartê (''barrio'') d'a çittæ de [[Bonesaire]], in [[Argentinn-a]]. 

[[Image:Caminito Buenos Aires Argentina.jpg|thumb|right|300px|left|Caminito, into quartê da Bocca]]
== Dæti generâli ==
O s'attrêuva inscio confin sûd d'a çittæ e o déve o sêu nomme a-a sêu poxiçion inscia foxe (o "bocca") d'o sciûmme Matanza (ciammòu [[Riachuelo]], "rianello") into [[Río de la Plata]].

*Popolassiôn= 46.494 ab.
*Sûperfiçie= 3,3 km<sup>2</sup>
*Denscitæ= 14.089 ab. / km<sup>2</sup>

== Stoja ==

=== Primma d'o 1860 ===
Quande l'[[Argentinn-a]] a l'ëa 'na colonia d'a [[Spagna]], 'sto quartê o l'ëa zona de baracche pe i scciâvi néigri. Dappêu, con l'indipendensa, o l'ha funsiunnòu comme o çentro prinçipâ pe saâ a cârne e trattâ o chêujo primma che foisan esportæ. Inti ûrtimi dexennï de l' Êuttoçento o l'ha comensòu a èssë abitòu d'a di çittadïn [[Italia|italien]], prinçipalmente vegnûi da [[Zena]], ch'hàn dæto a-o distreito l'aspetto attuâle.

=== A Bocca con l'immigrassiôn ===
A Bocca into 1870 a l'avéiva zà 'n'architettûa caratteristica e into 1895 a l'ëa a segônda seçiôn d'a [[Buenos Aires|capitâ argentinn-a]]. D'a sêu popolassiôn de 38.000 abitanti, 17.000 ëan [[Argentinn-a|argentïn]], 14.000 [[Italia|italien]], 2.500 [[Spagna|spagnòlli]] e o rèsto de âtre naçionalitæ.
<br /><br />
I rescidenti da Bocca e anche i tifôxi d'a sêu squaddra de ballon (o famôso [[Boca Juniors|Club Atlético Boca Juniors]], vëgnan ciammæ ancôn "Xeneizes", paròlla c'a l'è 'na corrussion d'o gentilìssio "zeneize", testimôniansa de l'influensa lìgûre inta çittæ de [[Bonesaire]].


[[Image:Buenos Aires-La Boca-P2070003.JPG|thumb|200px|E vëgie case de A Bocca son dipinte de tanti côi]]
Quelli immigranti zenéixi, a maggiôransa louanti pôrtuâli, han cônstrûto càse de ciastre metàlliche, misse sott'a pilâstri pe prôtessiôn contro e inôndassioîn che vegnivan sôfferte de sôvente, e l'han dipinte con 'na mescciûa de coî brillanti.

=== Stoja e personaggi ===
Quartê de pôrtuâli e âtri ôperâi, o sêu ciû grande esempio artistego o l'è stæto [[Benito Quinquela Martín]], pittô c'o l'ha môstròu inte sêu êuvie i travaggi d'o porto e a vitta da gente in mòddo neo-impresciônista. [[Alfredo Lorenzo Palacios]], o primmo depûtòu parlamentâre soscialista di Americhe o l'è stæto eletto pe-o Côngresso [[Argentinn-a|argentin]] da-o quartê da Bocca into 1905.

=== A Repûbbrica da Bocca ===
Inte 'sto quartê, into 1882, 'n grûppo de rescidenti liguri han vosciûo fâ, in mëzo a 'n conflitto labôrâle, a "Repûbrica da Bocca", isando a bandëa de [[Zena]] e infôrmando o Rè d'Italia d'a sêu indipendensa da l'Argentinn-a. Finalmente o conflitto o l'é stæto risolto da o prescidente argentin [[Julio Argentino Roca]].

=== Pompê Volontâi da Bocca ===
Into 1884, pe risolve i frequenti inçendi inti ''[[conventillo]]s'', o quartê o l'ha visto a creassiôn d'a primma squaddra de pômpê volontâi d'o pàize, entitæ c'a l'è stæta ciammä ''"Bomberos Voluntarios de La Boca"''. Son stæti famôxi anche i carlevæ che se çelebrâvan into distreito.

== Tûrìximo e scïti particolari ==
A foxe do [[Riachuelo]] a l'è ûn d'i sciti ciû vixitæ da-i tûristi, pe-a connesciôn co-a stoja e a mitologia d'o [[tango]]. A [[Vuelta de Rocha]], dove o [[Riachuelo]] o fa 'na larga cûrva, o l'è ûn d'i pòsti ciû tipichi, comme o [[Caminito]], 'n carôggio immortalòu da-o tango d'o mæximo nomme. De lì se pêu attrovâ pittûe, ''souvenirs'', e produti artexanæ. Tûtte e doméneghe gh'è de côbbie de [[tango]] che dansan inscie stradde de prïa.
<br /><br />
O stàddio d'o [[Boca Juniors]] o l'è conscideròu un  monûmento da-i sêu tifôxi ''"xeneizes"''. Pe-e tribûnn-e ærte che ghe dan a forma de 'na scattoa de bonboin o l'è conosciûo comme "Bombonea". E partïe de ballôn co-o famôso entûxiasmo d'i tifôxi, e lûxi, e bômbe, i papê de coî, e o "[[carlevâ]]" d'a gente da Bocca, fan pârte de 'n spettacolo c'o no s'ascorda mâi ciû.
<br /><br />
O [[Riachuelo]] o mostra 'n'immaggine de nâve abbandônæ, 'n vëgio ponte de færo e i ômbre d'i edifissi indûstriâli inscia riva opposta. 'Sto paizaggio grïxo, sôlo contrastòu da-i coî de càse, o l'ha inspiròu o [[tango]] ''"Nieblas del Riachuelo"'' (Brûmma d'o [[Riachuelo]]).
<br /><br />
'Sta zona a g'ha ascì molte gallerie d'arte, ''ateliers'' d'artisti plastixi e scûltoî, e scïti dedicæ a-o [[tango]], che fan parte d'o sêu patrimonnio artistego e de sêu attrasioîn tûristiche.

== Scia leze ascì ==
*[[Boca Juniors]]
*[[Buenos Aires]]
*[[Argentinn-a]]
*[[Riachuelo]]
*[[Tango]]

----

*[http://www.bomberosdelaboca.org.ar/ Bomberos Voluntarios de La Boca (Pompëi volontâri de La Boca]
*[http://www.buenosaires.gov.ar/areas/educacion/programas/quinquela/ Museo Quinquela Martin de La Boca (Pittûa tippica)]
*[http://www.museodecera.com.ar/ Museo de Cera de La Boca (Scôltûa)]






[[Category:Argentinn-a]]⏎
⏎
[[ca:La Boca]]
[[de:La Boca]]
[[en:La Boca]]
[[es:La Boca]]
[[eu:La Boca]]
[[fr:La Boca]]
[[he:לה בוקה]]
[[hu:La Boca]]
[[it:La Boca]]
[[la:La Boca]]
[[lt:La Boka]]
[[ms:La Boca]]
[[oc:La Boca]]
[[os:Ла-Бокæ]]
[[pl:La Boca]]
[[pt:La Boca]]
[[ru:Ла-Бока]]
[[sv:Barrio La Boca]]
[[tr:La Boca]]
[[uk:Ла Бока]]
[[zh:拉博卡]]