Revision 139831 of "Braxî" on lijwiki

[[Immaggine:Flag_of_Brazil.svg|thumb|200 px|right]]
[[Immaggine:LocationBrazil.png|thumb|right|200px|]]

== Dati generâli ==
Nomme offiçiâ: ''República Federativa do Brasil''. Pàize de l'America do Sud, membro d'o [[Mercosur]], a sêu capitâ a l'è [[Braxilia]].

O l'è o ciû grande d'i [[Stati de l'America do Sud]] e o quinto d'o môndo. O g'ha confïn con quæxi tûtti i stati sûdamerichen, eccetto [[Cile]] e l'[[Ecuadòr]].

A sêu popolassiôn a conta 188.098.127 abitanti (2006), insce 'na sûperfiçie de 8.514.877 km2.

Antiga colonia portoghéize, quella a l'è a sêu léngua ofiçiâ parlä daa maggiôransa d'a popolassiôn, scibben cfe ghe segge di âtre lengue minôïtâje portæ dai immigranti comme o [[tedesco]], l'[[italian]], o [[Giappon|giapponéize]], o [[côrean]], e o [[spagnòllo]].

E prinçipæ çittæ son: [[São Paulo]], [[Rio de Janeiro]], [[Braxilia]], [[Salvador, Braxî|Salvador]], [[Belo Horizonte]], [[Fortaleza]], [[Curitiba]], [[Porto Alegre]], etc.

A sêu economia a l'è a ciû grande de l'America Latinn-a e a dèxima d'o môndo. O l'è 'na gran potensa in agricôltûa e o g'ha 'n settô indûstriâle môlto svilûppòu, sôviatûtto in automòbili e aeronavi. O tûriximo o l'é anche cresciûo môlto, essendo a primma destinasion d'America Latinn-a.

A mûxica, a dansa e a letiatûa braxiliann-a, o ''football'', e-e spiage son famôse in tûtto o môndo.


== Stoja ==
O primmo descrovitô d'o Braxî o l'è stæto [[Pedro Álvares Cabral]], c'o l'ha visto e tære brasiliann-e pe a primma vòtta o 21 arvî 1500 e o giôrno dòppo o l'é sbarcòu a Porto Seguro ([[Bahia]]). Svilûppando l' agricôltûa con mandêuvia scciava, [[Salvador, Braxî|Salvador]] o l'é diventòu a primma capitâ. Indipendente da-o Pôrtôgallo da-o 1822, nasce l'[[Impeo do Braxî]].


----
[http://www.brasil.gov.br/ Scïto d'o governo brasilian]

[[Categorîa:Brasî]]
[[Categorîa:Naçioin de l'America do Sud]]