Revision 19129 of "Ivan Senoner" on lldwiki

{{Bio|Nome=Ivan|Cognome=Senoner|Sesso=M|LuogoNascita=Bolzano|GiornoMeseNascita=11 agosto|AnnoNascita=1978|LuogoMorte=|GiornoMeseMorte=|AnnoMorte=|Epoca=1900|Epoca2=2000|Attività=pubblicista|Nazionalità=italiano|Immagine=Ivan Senoner.jpg}}
'''Ivan Senoner''' ([[Bolzano]], [[11 agosto]] [[1978]]) ie n [[Pubblicista|publizist]] y autëur ladin.

{{DEFAULTSORT:Senoner ,Ivan}}
[[File:Senoner_premiazione.jpg|miniatura|Senoner n ucajion dla premiazion dl cuncorso "Auturs Ladins Scrî 2008"]]

== Biografia ==
Danter i autëures de nosc tëmps dla [[leteratura ladina]], viv Senoner te [[Sëlva]] (BZ), ulache l nsënia Cultura Ladina tla Scola Mesana Media "Arcangiul Lardschneider". De rujeneda dl'oma [[Lingaz ladin|ladina]], se àl laureà ala facultà de Lettere al'Università di Trënt.

Do i prim tentatifs de scritura tres la poejia, àl venciù la prima dois edizions dl cuncors leterer ''Auturs ladins scrî...'' tl 2004 y tl 2008.

Tla terza edizion dl 2012 ti iel unì sëurandat n pest straurdiner per l roman ''L fova n iede te Gherdëina'', na saga de cater families tres trëi generazions.

Tl 2014 àl cunlaurà deberieda a Tobias Dellago al tò su  l audioliber Fabio, n roman curt te chël che se alternea prosa y cianties scrites da Dellago y dala grupa mujichela Secco. L'opra ie nce unida cianceda tl nglëisc.

Tl 2018 à Senoner venciù l prim pest tla categoria senior dl concorso leterer Scribo, fajan pea cun l'opra ''L testamënt dl lëuf'', n roman de ventura ulache se ntravaieia l mond dla lijëndes dla Dolomites y na ciacia al tesor enigmatica.

L autëur à leprò publicà poejies desfrëntes , l à cunlaurà pra proiec didatics, l ie cumëmber dla SAAV (Lia di Autëurs dl Sudtirol) y l ie stat un di fundadëures dla zaita artistica, satirica y plurinlinguistica “Puhin”. Senoner à dat si cuntribut y se cruzia de deplù proiec culturei radiofonics, televijives y jurnalistics, danter chisc "La copa dal café", "Deboriada", "Scenar" y "Agorà". L ie nce publizist liede pra la zaita la Usc di Ladins. Dal 2015 al 2020 iel stat assessëur per la cultura, per i jëuni, per l'artejanat y per l sport tl Chemun de Urtijëi.

== Opres ==

* 2004 ''La ueia de pië via'', (roman curt)
* 2007 ''Dumbries de Col de Flam'', (scenejatura dl film, sota la regia de Matthias Högliner)
* 2008 ''Tré l'ega'', (roman)
* 2012 ''L fova n iede te Gherdëina'', (roman), Bulsan, ISBN 978-88-6669-01-3
* 2014 Fabio - na storia plëina de tëma y fobies, (roman curt y auditif, n cunlaurazion cun Tobias Dellago)
* 2020 L Testamënt dl Lëuf, (roman), Bulsan, ISBN 978-88-6669-095-5

== Autra ativiteies ==
[[File:Geschichte̠_der_ladinischen_Literatur_II.pdf|pagina=239|miniatura|216x216px|Storia dla leteratura ladina p. 763]]

* 2009 - 2013 Fundadëur dla zaita culturela y plurilinguistica “Puhin“
* Dal 2009 redatëur y usc per deplù trasmiscions radiofoniches y televijives per la RAI Ladinia (La copa dal café, Deboriada, Scenar y Agorà)

== Pesć ==

* ''Auturs Ladins Scrî 2004'', prim post
* ''Auturs Ladins Scrî 2008'', prim post
* ''Auturs Ladins Scrî 2012'', prest straurdiner dla giuria
* ''Scribo 2018'', prim post

== Notes ==
<references />

== Cunliamënc esterns ==