Revision 19143 of "Ivan Senoner" on lldwiki

[[File:Ivan Senoner.jpg|miniatura|Ivan Senoner]]
'''Ivan Senoner''' ([[Bolzano|Bulsan]], [[11 agosto|11 agost]] [[1978]]) ie n [[Pubblicista|publizist]] y autëur ladin.

{{DEFAULTSORT:Senoner ,Ivan}}
[[File:Senoner_premiazione.jpg|miniatura|Senoner n ucajion dla premiazion dl cuncorso "Auturs Ladins Scrî 2008"]]

== Biografia ==
Danter i autëures de nosc tëmps plu atives<ref>http://www.saav.it/de/autor-innen/ivan-senoner</ref> tla [[leteratura ladina]], viv [[Senoner]] te [[Sëlva]] (BZ), ulache l nsënia cultura ladina tla scola mesana "[[Arcangiul Lardschneider]]". De rujeneda dl'oma [[Lingaz ladin|ladina]], se àl laureà ala facultà de lettere al'Università de Trënt.

Do i prim tentatifs de scritura tres la poejia<ref>http://www.ivansenoner.com/</ref>, àl venciù la prima dois edizions dl cuncors leterer ''Auturs ladins scrî...'' tl 2004<ref>http://www.provinzia.bz.it/news/la/news.asp?news_action=4&news_article_id=78695</ref> y tl 2008<ref>http://www.provinzia.bz.it/formaziun-lingac/scora-ladina/la/comunicac-dl-ofize-stampa.asp?news_action=4&news_article_id=273616</ref>.

Tla terza edizion dl 2012<ref>http://www.provinzia.bz.it/news/la/news.asp?news_action=4&news_article_id=412721</ref> ti iel unì sëurandat n pest straurdiner per l roman ''L fova n iede te Gherdëina''<ref>http://www.provinzia.bz.it/news/la/news.asp?news_action=4&news_article_id=412721</ref>, na saga de cater families tres trëi generazions<ref>https://franzmagazine.com/2018/09/27/die-berufsladinerin-ein-besuch-in-rut-bernardis-dachgeschoss/</ref>.

Tl 2014 àl cunlaurà deberieda a Tobias Dellago al tò su  l audioliber Fabio<ref>http://fabio2014.weebly.com/</ref>, n roman curt te chël che se alternea prosa y cianties scrites da Dellago y dala grupa mujichela Secco. L'opra ie nce unida cianceda tl nglëisc.

Tl 2018<ref>http://www.provinzia.bz.it/news/la/news.asp?news_action=4&news_article_id=621243</ref> à Senoner venciù l prim pest tla categoria senior dl concorso leterer Scribo<ref>https://www.lausc.it/8947-scribo-ruva-te-gherdeina</ref>, fajan pea cun l'opra ''L testamënt dl lëuf''<ref>http://www.provinzia.bz.it/news/la/news.asp?news_action=4&news_article_id=643701</ref>, n roman de ventura ulache se ntravaieia la storia ladina, l mond dla lijëndes dla [[Dolomites]] y sucrëc enigmatics<ref>http://www.provinzia.bz.it/formaziun-lingac/scora-ladina/la/comunicac-dl-ofize-stampa.asp?news_action=4&news_article_id=644255</ref>.

L autëur à leprò publicà poejies desfrëntes , l à cunlaurà pra proiec didatics, l ie cumëmber dla SAAV (Lia di Autëurs dl Sudtirol)<ref>http://www.saav.it/</ref> y l ie stat un di fundadëures dla zaita artistica, satirica y plurinlinguistica “Puhin”. Senoner à dat si cuntribut y se cruzia de deplù proiec culturei radiofonics, televijives y jurnalistics, danter chisc "La copa dal café", "Deboriada", "Scenar" y "Agorà". L ie nce publizist liede pra la zaita la [[Usc di Ladins]].

Dal 2015 al 2020 iel stat assessëur<ref>https://www.lausc.it/5971-ciamp-dal-pale-de-urtijei-ierba-nueva</ref> per la cultura, per i jëuni, per l'artejanat y per l sport<ref>http://www.itfvalgardena.com/fileadmin/template/files/pdf/Broschuere-2017.pdf</ref> tl chemun de [[Urtijëi]].

== Opres ==

* 2004 ''La ueia de pië via'', (roman curt)
* 2007 ''Dumbries de Col de Flam'', (scenejatura dl film, sota la regia de Matthias Högliner)
* 2008 ''Tré l'ega'', (roman)
* 2012 ''L fova n iede te Gherdëina'', (roman), Bulsan, ISBN 978-88-6669-01-3
* 2014 Fabio - na storia plëina de tëma y fobies, (roman curt y auditif, n cunlaurazion cun Tobias Dellago)
* 2020 L Testamënt dl Lëuf, (roman), Bulsan, ISBN 978-88-6669-095-5

== Autra ativiteies ==
[[File:Geschichte̠_der_ladinischen_Literatur_II.pdf|pagina=239|miniatura|216x216px|Storia dla leteratura ladina p. 763]]

* 2009 - 2013 Fundadëur dla zaita culturela y plurilinguistica “Puhin“
* Dal 2009 Redatëur y usc per deplù trasmiscions radiofoniches y televijives per la [[Rai Ladinia|RAI Ladinia]] (La copa dal café, Deboriada, Scenar y Agorà)

== Pesć ==

* ''Auturs Ladins Scrî 2004'', prim post
* ''Auturs Ladins Scrî 2008'', prim post
* ''Auturs Ladins Scrî 2012'', prest straurdiner dla giuria
* ''Scribo 2018'', prim post

== Notes ==
<references />

== Cunliamënc esterns ==