Difference between revisions 13432 and 13433 on mnwwiki

'''မၞိဟ်ဆာန်ကမၠောန် − ချူ (ဝိညာဏ်ထဝ်)'''



လိက်အုပ်ဗဂဵုလဟဵုဘဝ ကေုာံ ၚုဟ်မးမၞိဟ်  လိက်အုပ်ဝွံမၞုံယၟု '''(မၞိဟ်ဆာန်ကမၠောန်)'''

ပွမကၠောန်ကမၠောန်ဟီုမ္ဂးဂှ်တှ်ေ ဒှ်တဴၚုဟ်မးဇၞော်အိုတ်သွက်ဘဝမွဲနကဵုဂၠံင်ဍာန်တပ်အးမၞုံကဵုဓရ်၊

(contracted; show full)မၞိဟ်ဟွံရီုဗၚ်ဆဵုညးဒှ်ဒဒိုက်တံဂှ် ဒှ်မၞိဟ်သတ်တိရစ္ဆာန်၊

မၞိဟ်ရီုဗၚ်ဒၟံၚ်ညးတၞဟ်တွဵုတံဂှ်လေဝ် ဒှ်မၞိဟ်ဗောဓိသတ်ရ၊

ဗောဓိသတ်ဟီုမ္ဂးဂှ် ဟွံတီဆဇကုမွဲဓဝ်တုဲ ဒးစိုတ်ရီုဗၚ်ညးတၞဟ် ဒးစိုတ်ကၠောန်ကမၠောန်တုဲ ဟွံကေတ်သ္ပမာန်လ္တူညးတၞဟ် သီုကဵုဟွံဍဵုဍိုက်လ္တူညးဂမၠိုၚ်ဗွဲတုန် ။



ပိုဲတံထေက်ကဵုဒးတီဏောၚ်ဂှ် မၞိဟ်ဒးကေတ်တာလျိုၚ်မၞိဟ်တုဲ သွက်သ္ဂောံသၠုၚ်ပ္တိုန်က္ဆံၚ်ဂွံဒှ်အာမၞိဟ်ခိုဟ်မွဲ ဂွံဒှ်အာမၞိဟ်တၠပညာဂတာပ်အခေတ်မွဲ'''(တၠပညာအဲဟီုဏံဂှ် မၞိဟ်ကၠိုဟ်စိုတ်ဘဝဇေတ်ဇေတ်ဏောၚ်ဏး မၞိဟ်တၠပညာစောန်လိက်စောန်အရေဝ်ဟွံသေၚ်ပုဟ် လ္ပကၠိုဟ်စိုတ်ဗၠေတ်အာညိ)၊'''   ယဝ်ဒှ်မၞိဟ်တၠပညာဗီုအဲဟီုဏံတုဲ မူကမၠောန်မကၠောန်ကၠောန်တှ်ေ ချပ်ခိုဟ် ဟီုခိုဟ် ကၠောန်ထ္ၜးရဴခိုဟ်အာတုဲ ဍိုက်ပေၚ်နွံကဵုတသိုက်စိုတ်မိပ်လဟိၚ် တုဲတှ်ေ '''ၚုဟ်မးပရဲဍေံဂှ်တှ်ေတိုၚ်ပ္ကဴ'''။


မၞိဟ်စိုတ်ဆဵုဓဝ်တီကၠိုဟ်လောဲတံဂှ် မူကမၠောန်ကၠောန်ကၠောန်လေဝ်ကၠုၚ်နူဓရ်၊ ယဝ်ရဓရ်ဟွံမွယ်မ္ဂးတှ်ေ ဟွံမွယ်ကဵုကမၠောန်ပွမကၠောန်ရ၊ တုဲတှ်ေ ညးတံဟွံဒးစိုတ်ကၠောန်ကမၠောန်အိုတ်တုဲ ထောံလသာလဝ်ကမၠောန်ပေၚ်ပြးညံၚ်ရဴဟွံသေၚ်ကဵုမၞိဟ်ရ၊ '''(ဓရ်အဲဟီုဒၞာဲဏံဂှ် ဒှ်ဓရ်ဗီုညးဂမၠိုၚ်ကၠိုဟ်စိုတ်ဟွံသေၚ်ပုဟ်၊ ဓရ်ဟီုဂှ် ဘဝဇေတ်ဇေတ် သဘာဝဍာံဍာံဏောၚ်ဏး)'''။


ပိုဲမၞိဟ်ဏံဝွံ တုပ်တဴညံၚ်ရဴဖါန်မွဲမကီုရ၊ ယဝ်ရပိုဲတံထောံစုတ်ဗပေၚ်အရာလဵုလေဝ် ဒှ်အာအရာတေံဖအိုတ်မာန်ရ၊ ပိုဲမၞိဟ်ဏံသာ်ဏံကီုတုဲ ယဝ်ရကေတ်နၚ်စိုတ်သ္အးသ္အးနွံကဵုဓရ် အာကေတ်နၚ်ဓရ်မေတ္တာစေတနာတုဲ ဒှ်အာမၞိဟ်ခိုဟ်တၟေၚ်ဂတာပ်အခေတ်မွဲရ၊ '''ညံၚ်ရဴဖါန်ဂှ်စတ်ဖျေံဂဥုဲဂျိဟေၚ် ဒှ်အာဖါန်ဂျိမွဲမဓဝဲါဂှ်'''ရ။


ယဝ်ရပိုဲတံရံၚ်မၞိဟ်လေပ်တုဲ ပိုဲတံဒးဆက်ဆောံတောဲဆဴဒၟံၚ်ကဵုညးဂှ်ရောပ္ဍဲကဵုကမၠောန်၊ ပိုဲထေက်ကြိုက်ဒးတီမၞိဟ်ဗီုဏံမၞိဟ်ဗီုတေံတုဲ ပိုဲဂွံကၠောန်သ္ပကဵုဍေံတံသာ်လဵုဒးတုဲ သွက်သ္ဂောံပဲါထောံပွမဒးဇီုကပိုက်ညးသ္ကံအရာမွဲမွဲပ္ဍဲအဃောကၠောန်ဒၟံၚ်ကမၠောန်ဂှ်ရ။


'''(ရံၚ်ညးတၞဟ်တုဲတှ်ေ ထေက်ကြိုက်ဒးကလေၚ်ရံၚ်ဇကုပိုဲဏံကီညိ)'''

မ္ၚးနူရံၚ်ညးတၞဟ်တုဲတှ်ေ ပိုဲတံဒးကလေၚ်ပါ်ပဲါလ္ၚတ်ရံၚ်ဇကုပိုဲဏံကိုညိအဴ၊  ပိုဲဏံဒးတီဟီုဂှ် ဘဝပိုဲနွံဒၟံၚ်ပ္ဍဲကဵုကဆံၚ်လဵုရော၊ ဒရံၚ်ဇကုပိုဲလေပ်တုဲ ပိုဲဏံဒှ်မၞိဟ်ဗီုလဵု ဟီုဂးကဵုညးတၞဟ်သာ်လဵု '''(မၞိဟ်လ္ၚဵုတံဂှ် ဟွံတီမွဲသာ်ဇကုဂှ်ဒှ်ဒၟံၚ်မၞိဟ်သာ်လဵုရ၊ ယတ်ရဒှ်ဒၟံၚ်ဗီုဏံမ္ဂးတှ်ေ အနာဂတ်ဂှ်ကြေပ်ဂြတ်တဴဏောၚ်)''' ။


ဟိုတ်ဒှ်သာ်ဂှ်တုဲ ယဝ်ရပိုဲရံၚ်ညးတၞဟ်လေပ် ရံၚ်ဇကုပိုဲဏံလေဝ်လေပ်မ္ဂးတှ်ေ ပိုဲတံရဲသၟာကမၠောန်မွဲစွံ ဆက်ဆောံကၠောံခဍညးသ္ကံခိုဟ်တဴအိုတ်တုဲ သိုန်ပ္တိုန်ကေတ်ကမၠောန်ပိုဲတံမကၠောန်ဒၟံၚ်တ္ၚဲဏံဂှ် ကြပ်ကၠုၚ်တိုၚ်ပ္ကဴဇၟာပ်ကျာယီုလုပ်ယီုတိတ်ရ။



'''(တီဘဝဇကုလေပ်ဂှ် ဗဂဵုလဟဵုပတိုန်ၚုဟ်မးဇကု)'''

ပိုဲရံၚ်ဇကုပိုဲလေပ်ဂှ် ထေက်ကြိုက်ဒးတီဇကုပိုဲဇေတ်ဇေတ်ညိ၊ ဒးတီဇကုပိုဲဘဝပိုဲဂှ်ဒှ်မၞိဟ်သာ်လဵုရောဟီုတုဲ ဒးသ္ပဇကုပိုဲဗီုလဵုညံၚ်သ္ဂောံဒှ်မၞိဟ်မၞုံကဵုၚုဟ်မးဂတမုက်မတ်ညးဂမၠိုၚ်မာန်ကီု၊ ထေက်ကြိုက်ပိုဲတံဒးဗဂဵုလဟဵုစိုတ်ပိုဲဘဝပိုဲ ဂွံဒှ်အာလက်သဏ်အပံၚ်(+)ပ္ဍဲလပါ်လျးအရံၚ်မၞိဟ်သီုကဵုဓဝ်ဍာံမွဲ။


ယဝ်ရဒးဟီုဗီုအရေဝ်အခေတ်တ္ၚဲဏံတှ်ေ သၠုၚ်ပတိုန်ၚုဟ်မးမၞိဟ်ပ္ဍဲကဵုဘဝပိုဲဏံမွဲရ၊  ဇၟာပ်မၞိဟ်သီုဖ္အိုတ်တံဂှ် ဒးရံၚ်ဘဝဇကုလေပ်တုဲ ဇကုပိုဲဘဝပိုဲစိုတ်ပိုဲဏံ မူအရာပိုတ်အိုတ်ကၠေံဒၟံၚ်အရာနာနာတံဂှ် ထေက်ကြိုက်ဒးဂၠာဲဗပေၚ်စုတ်နၚ်အရာတေံဂှ်အိုတ်ညိအဴ၊  ထေက်ကြိုက်မၞိဟ်မွဲဗဂဵုလဟဵုဂွံညံၚ်ဂွံဂတာပ်အခေတ်ဂှ်တှ်ေ ဒးဆက်ဗဂဵုလဟဵုအာသိုက်သိုက်တွဵုညိ၊  သဘာဝပိုဲမၞိဟ်ဏံဂှ် အရာတၟေၚ်တၟေၚ်ဟွံဂွံကၠောန်ဏီတံဂှ်နွံဒၟံၚ်ဗဝ်သအဝ်ဏီဍေံမၚ်ဒၟံၚ်ပိုဲလေဝ်ဟီုစဂွံမံၚ်၊  အရာဍေံဟွံဒှ်ဂှ် ဒှ်ဟိုတ်ပိုဲဏံကၠောန်ဟွံလေပ်ဟွံသေၚ်ပုဟ်၊ ဟိုတ်နူပိုဲဏံဟွံပ္တိတ်အစောန်စရာဲ ဟွံဗဂဵုလဟဵုဗီုကဵုအခိၚ်အခေတ်ကာလဒေသတုဲ အရာတေံဂှ်လေဝ်ပိုဲကၠောန်ဟွံဒှ်ရ။


ပိုဲမၞိဟ်တံညးဂမၠိုၚ်လေဝ် ညးလဵုလေဝ်ဟွံမွယ် ဘဝဂှ်ဒးဍိုက်ပေၚ်မံၚ်အလုံအိုတ်သီုရ၊ ဒၞာဲဍေံဟွံပေၚ်ဟွံစိုပ်တံဂှ် ဒးဗဂဵုလဟဵုကေတ်သိုက်သိုက်တုဲ ခြာဟွံလအ်ဟေၚ်ဒှ်ကၠုၚ်မၞိဟ်မၞုံကဵုၚုဟ်မးမွဲ ဍိုက်ပေၚ်ကဵုလျးအရံၚ်မၞိဟ်မွဲ ဂတမုက်မတ်ညးလောကတံမာန်လောဲလောဲရ။


'''(လ္ၚတ်မံၚ်တွဵု တီမံၚ်လၟိုန်)'''


နာဲပိုဲဗုဒ္ဓဟီုလဝ်ဂှ် ထေက်ကြိုက်ဒးလ္ၚတ်မံၚ်ဇကုပိုဲတွဵုညိ၊   ပ္ဍဲကဵုဒၞာဲဏံတှ်ေ ဗီုလဵုဂွံလ္ၚတ်ဗ္တောန်ဇကုပိုဲဏံဂှ်ရောတှ်ေ အရာဒးလ္ၚတ်ဗ္တောန်ဇကုပိုဲဏံခိုဟ်အိုတ်ဂှ်တှ်ေ ကမၠောန်ဟေၚ်ရ။

မွဲဗီုဂှ်ပၠန်တှ်ေ ဇကုပိုဲဏံဂှ် ဒးတီစဳပၞောန်ပ္ဍဲကဵုကမၠောန်ဇကုသီုကဵုညးတၞဟ်တံဂှ် ညံၚ်သ္ဂောံကလိတ်ကဠောတ်သောၚ်ၜးညးသ္ကံညိ၊  ဟွံကၠောန်ဗဒှ်ဒၟာနူဇကုညးမွဲဓဝ်တုဲကမၠောန်ဒးလီုလာ်အာအိုတ်၊  တီတဴဒၟံၚ်ဇကုတွဵုတုဲ ဒၞာဲလဵုအာအာမ္ဂး ဖျေံစဳပၞောန်သ္ဂုတ်သွာတ်ဘဝကဵုခိုဟ်ခိုဟ်အိုတ်ညိအဴ။


'''(ဘွမၞုံကဵုၚုဟ်မးဂှ် ဟိုတ်နူရံၚ်လ္ၚတ်တီကၠိုဟ်)'''


ယဝ်ရပိုဲကောန်ဂကူတံရံၚ်(၃)ရံၚ်ဏံလေပ်တုဲ ရံၚ်ကမၠောန် −  ရံၚ်ဇကုပိုဲ − ရံၚ်ညးတၞဟ်လေပ်တုဲမ္ဂးတှ်ေ အဲညးချူလိက်ဏံဂံၚ်ကေတ်တာလျိုၚ်ဟီုဂှ် ဘတဏံမွဲဘဝမိပ်တဴအိုတ်အစောန်အဃောကၠောန်ကမၠောန်ရ၊ 

ယဝ်ရပိုဲတံရံၚ်ဇကုပိုဲလေဝ်ဟွံလေပ်ကီု ရံၚ်ညးတၞဟ်လေဝ်ဟွံဒှ်ကီု သီုကဵုရံၚ်ကမၠောန်လေဝ်ဟွံလေပ်တှ်ေ မူရောဒးဗဂဵုလဟဵုကဵုဘဝဇကုဂှ်ရောလေဝ်ဟွံတီ၊ ဟွံကၠိုဟ်ဆေၚ်စပ်ကဵုတၞဟ်တံဗီုလဵုကီုတုဲ ဟွံတီကမၠောန်ဂှ်နွံကဵုၚုဟ်မးသွက်ဘဝပိုဲမၞိဟ်တံၜိုတ်ဂလိုၚ်လဵုတုဲ ဣဏံဟေၚ်ရပိုဲတံကၠောန်ကမၠောန်ဟွံမိပ် ဟွံဒးစိုတ်ကၠောန်ကမၠောန်ဟွံဆာန်ကမၠောန်အိုတ်တုဲ ဒှ်အခက်ခုဲပြသၞာကဵုသ္ကံရဲကရောံကၠောန်ကမၠောန်မွဲစွံလောဲလောဲရ။


ဗွဲလက္ကရဴအိုတ် အဲညးချူလိက်ဏံမိက်သ္ဂောံဟီုလဴကဵုမွဲပါၚ်ပၠန်ဂှ်တှ်ေ ယဝ်ရမိက်သ္ဂောံကၠောန်ကမၠောန်နွံကဵုတသိုက်စိုတ် မိက်သ္ဂောံမိပ်ကဵုကမၠောန်မ္ဂးတှ်ေ ပိုဲတံဒးရံၚ်ကမၠောန်လေပ်ညိ၊ ဒးရံၚ်ဇကုပိုဲဏံလေပ်ညိ၊ ဒးရံၚ်ညးတၞဟ်တံလေဝ်လေပ်တှ်ေ ဘဝပိုဲဏံဂှ် ဂွံဆဵုကေတ်တိုၚ်ပ္ကဴ ဗီုပိုဲတိက်လ္ပအ်ညာတ်နူဗ္တံဂှ်ဨကန်တဍာံစၟတ်ရအဴ ။


'''(ပိုဲမၞိဟ်ဏံဂျိုၚ်ဒၟံၚ်တ္ၚဲဏံဂှ်မူအဓိပ္ပါယ်ရော)''' 
သွဟ်ဍေံဍာံစၟတ်ဗွဲသဘာဝဂှ်တှ်ေ  ဂျိုၚ်ဒၟံၚ်တ္ၚဲဏံဂှ် ဒးကၠောန်ဖဵုခိုဟ်မွဲဟေၚ်ရ။ 


'''တၚ်ဂုဏ်ဗွဲမလောန်ရအဴ − − −  ဝိညာဏ်ထဝ် မန်ထေန်'''⏎
⏎
⏎
⏎











ဖ

== နိဿဲ ==
[[Category:!Main category]]
[[Category:ပရေၚ်မၞိဟ်]]
{{DEFAULTSORT:မၞိဟ်ဆာန်ကမၠောန်}}
<br />