Revision 13427 of "မၞိဟ်ဆာန်ကမၠောန် (ဝိညာဏ်ထဝ်)" on mnwwiki

'''မၞိဟ်ဆာန်ကမၠောန် − ချူ (ဝိညာဏ်ထဝ်)'''



လိက်အုပ်ဗဂဵုလဟဵုဘဝ ကေုာံ ၚုဟ်မးမၞိဟ်  လိက်အုပ်ဝွံမၞုံယၟု '''(မၞိဟ်ဆာန်ကမၠောန်)'''

ပွမကၠောန်ကမၠောန်ဟီုမ္ဂးဂှ်တှ်ေ ဒှ်တဴၚုဟ်မးဇၞော်အိုတ်သွက်ဘဝမွဲနကဵုဂၠံင်ဍာန်တပ်အးမၞုံကဵုဓရ်၊

'''ကမၠောန်ဟီုမ္ဂးဂှ်ဘဝ ဘဝဂှ်လေဝ်ကမၠောန်'''မွဲတုဲ ဗစိုပ်ဏာကဵုပိုဲတံဂွံဆဵုတသိုက်ရ၊ ကၠောန်ကမၠောန်ကဵုမိပ် မိပ်ညိအဴပ္ဍဲအရာကၠောန်ကမၠောန်။



စလုပ်ဗှ်ဖျုန်လိက်အုပ်အိုတ်စိုအ် −−  '''(မၞိဟ်ဆာန်ကမၠောန်)'''

'''(ပွမကၠောန်ကမၠောန်ဟီုမ္ဂးဂှ် ဒှ်တဴၚုဟ်မဇၞော်အိုတ်သွက်ဘဝ)'''

ကဵုဂွံဍိုက်ပေင်ကဵုဓရ်သီုကဵုညးဖ္အိုတ်ညိအဴကောန်ဂကူမန်တံ၊   ပရင်တဲဏံမွဲပိုဒ်ဍောတ်ဝွံ ဟီုလဴစိုပ်အာဓရ်ညိညအရာသုင်စောဲဘဝပ္ဍဲအရာမကၠောန်ကမၠောန်ခိုဟ်မွဲတုဲ ဂွံကတဵုဒှ်အရာမိပ်မိပ်မွဲတုဲ ဂွံဗဒှ်ကဵုတသိုက်စိုတ်မာန်ရ၊ ပိုဲတံညးဂမၠိုင် ပွမဒးကၠောန်တဴကမၠောန်ဟီုမ္ဂးဂှ်တှ်ေ သွက်သ္ဂောံဂွံမင်မွဲလွဳပရာအာဘဝပိုဲတံသီုညးဖ္အိုတ်မာန်တုဲ ညံင်ဟွံဂွံဒးဒှ်ဒဒိုက်စိုတ်ပ္ဍဲအရာအဃောကၠောန်တဴဒၟံင်ကမၠောန်ဂှ်မာန်ရ။



'''(ဘဝမၞိဟ်ကၠောန်ကမၠောန်)'''
ဘဝမၞိဟ်မကၠောန်ကမၠောန်တံဂှ် ဟွံတန်ဒှ်ကဵုကမၠောန်ဂှ်မိပ်တုဲမှဒးကၠောန်အာ၊ ယဝ်ရကမၠောန်ပိုဲတံဟွံဒးစိုတ်တုဲကၠောန်ဗက်ဟေၚ် ခန္ဓကာယပိုဲဏံဂှ်လေဝ် ဗဒှ်ကဵုဒဒိုက်မာန်လောဲလောဲရ။

မၞိဟ်မိပ်ကဵုကမၠောန်တံဂှ် ဟွံသေင်ကဵုကမၠောန်ဂှ်မိပ်တုဲမှဒးကၠောန်အာရ၊ ဟိုတ်ဒှ်သာ်ဂှ်တုဲ ပိုဲတံထေက်ဒးမိပ်ကဵုကမၠောန်ဂှ်တုဲ ပိုဲတံဒးဗက်ဗပေၚ်ဍေံညံင်ဂွံမိပ်တုဲ သိုၚ်ဗဒှ်စိုတ်ပိုဲဏံ ဂွံတီတာလျိုင်မၞိဟ်မွဲသိုၚ်ဗဒှ်ဖန်ကေတ်ဍေံ ညံင်ကဵုကမၠောန်ဂှ်ဂွံမိပ်တိုန်မာန်မဒှ်ရ။

'''မိက်သ္ဂောံလဴမအရေဝ်အဲဂွံဗှ်ကေတ်နင်နူလိက်မွဲအုပ်ဂှ်တှ်ေ''' −−− ပွမကၠောန်ကမၠောန်ဟီုဂှ် ယဝ်ရတ္ၚံက်မံင်ကဵုညးတၞဟ်သၟး ပၠံင်ကေတ်က္ဆံင်ညးလ္တူအဲ−အဲလ္တူညးပၠန်၊  လ္ၚဵုဂှ်လေဝ် ပွမဟီုဂး ပါရမဳသဝ်သၠုင်သဝ်ညးသ္ကံဂှ်ကီုမ္ဂးတှ်ေ ဂွံဆဵုတဴတသိုက်စိုတ်ပ္ဍဲအရာကၠောန်ကမၠောန်ဟွံမွယ်တုဲ ကၠောန်အာကမၠောန်မွဲစွံညးသ္ကံဂှ်လေဝ် ဟွံမိပ်တဴညးသ္ကံအိုတ်ရ။

ပ္ဍဲကဵုအခိင်အခေတ်လၟုဟ်တ္ၚဲဏံဂှ်တှ်ေ လပါ်ကမၠောန်ဂှ်အဓိကဟွံဇၞော်စကွေံတုဲ ဒှ်အဓိကဇၞော်တဴလပါ်စိုတ်ဓါတ်မဒှ်ရ၊ ထေက်ကဵုပိုဲတံဒးပလံင်ဏာစိုတ်ပိုဲတံညံင်သ္ဂောံမိပ်ကဵုကမၠောန်ဂှ်မာန်ညိ၊ ယဝ်ရကမၠောန်မိပ်တုဲ ပိုဲတံဒးမိပ်အာလေဝ်ဟွံသေင်ပုဟ်၊  ဟိုတ်ဒှ်သာ်ဂှ်တုဲ ကၠောန်ကမၠောန်ဂွံမိပ်ဟီုဂှ်ဟွံဆေင်စပ်ကဵုကမၠောန်ဂှ်ရ၊ ဍေံဆေင်စပ်မံင်ကဵုစိုတ်ဓါတ်ပိုဲဏံသက်သက်ရ။


'''(ဒှ်အသိုက်အဃောကၠောန်တဴကမၠောန်ဂှ် မၞုံတဴ(၃)ပွမရံင်)'''

'''၁ ၊  ရံင်ကမၠောန်'''
ပ္ဍဲကဵုဖဵုပွမရံင်ကမၠောန်ဏံတှ်ေ ပိုဲတံဒးရံင်အာကမၠောတ်ပိုဲတံမကၠောန်ဒၟံင်ဂှ်ကၠာညိ၊ ပိုဲတံဒးရံင်တဴကမၠောန်ဏံဂှ် ဒှ်တဴၚုဟ်မးဇၞော်အိုတ်သွက်ဘဝမွဲတုဲ ကမၠောန်ဏံမွဲဟေင်ရဍေံတံင်ဂြဲဏာဘဝပိုဲမၞိဟ်တံသွက်အနာဂတ်တေံ ဇၟာပ်ဘဝဂျိုင်တံဒၟံင်လ္တူလိုက်ဏံဖ္အိုတ်မာန်ရ၊ သတ်နွံကဵုလမျီုဂွံဂျိုင်အာမာန်ဂှ်နကဵုကမၠောန်သီုဖ္အိုတ်ရ၊  ယဝ်ရကမၠောန်ဟွံမွယ်ဟွံကၠောတ်တဴကမၠောန်မ္ဂးတှ်ေ ဒးချိုတ်အာဖ္အိုတ်မာန်ရ။

ယဝ်ရမိမပိုဲညးတံဟွံကၠောန်တဴကမၠောန်လွဳပရာလဝ်ပိုဲမ္ဂးတှ်ေ ပိုဲတံအခေါင်ဟွံမွယ်ဂွံဂျိုင်တိုန်အဝယ်ဏံမာန်ရ၊ ဣဏံဟေင်ရရိုဟ်ကၞက်သဇိုင်ဘဝဂွံဂျိုင်အာနကဵုကမၠောန်။


'''၁ ၊  ရံင်ဇကုပိုဲ'''
ပ္ဍဲဖဵုၜါဏံတှ်ေ ကၠုင်လ္ၚတ်ရံင်ဇကုပိုဲဏံပၠန်ညိအဴ၊ ခန္ဓကာယပိုဲမၞိဟ်ဏံဂှ်လေဝ် ဒးကၠောန်ဒၟံင်ကမၠောန်အလုံခန္ဓပိုဲဏံမာန်လၟိုန်ရ၊ မတ်ၜါမကၠောန်ကမၠောန်ပွမရံၚ်ဆဵုညာတ်၊ ကတောဝ်ၜါလ္ပါ်ဂှ်ပၠန်လေဝ် ဒးကၠောန်ကမၠောန်ပွမကလၚ်၊ မုဟ်ဏံဂှ်ပၠန် ကၠောန်ကမၠောန်ပွယယီုကျာလုပ်တိတ်ရ၊ ယဝ်မုဟ်ဂှ်ဍေံဟီု ဒးဒိုအ်ဇူထောံၜိုတ်ကွက်နာဍဳဟွံကၠောန်ကမၠောန်တှ်ေ အလုံခန္ဓကာယပိုဲဏံအိုတ်သီုတံဂှ် ဂွံတီကေတ်ကြေပ်ဂြတ်တဴဗွဲမလောန်ရ။

ပ္ဍဲကဵုခန္ဓကာယပိုဲမၞိဟ်ဏံသီုဖ္အိုတ်ဂွံဂျိုၚ်အာမာန်ဂှ် ဟိုတ်နူကဵုအလုံခန္ဓဏံမွဲဂှ်ကၠောန်ဒၟံၚ်ကမၠောန်ရ၊ ဟိုတ်ဒှ်သာ်ဂှ်တုဲ ယဝ်ရခန္ဓဏံကၠောန်ကမၠောန်အိၚ်လဇုဲအာတှ်ေ ညးတၠခန္ဓကာယပိုဲဏံဂှ်လေဝ် တီကၠိုဟ်ကေတ်ဟွံဂွံတဴတသိုက်ရ၊ ဆီ ကျာတံဂှ်လေဝ်ဟွံကၠောန်တဴကမၠောန်တှ်ေ လတေင်ဆီဇုတ်နာနာတံဂှ်လေဝ်ဟွံကၠောန်တဴကမၠောန်အိုတ်မာန်ကီု ဇိုင်တဲပိုဲတံဟွံချဳလဝိင်အာလဝိင်ကၠုင်တှ်ေ ဂွံတီကေတ်ဂှ် အလုံမွဲခန္ဓကာယပိုဲဏံဟွံဂွံစတသိုက်ကွေံကွေံတုဲ ခြာဟွံလအ်ဟေင်ဒးချိုတ်မာမာန်ရ၊ ဟိုတ်ဒှ်သာ်ဂှ်တုဲ ကမၠောန်ဟီုဂှ်ဒှ်ၚုဟ်မးသ္ကးဇ္ၚးဂၠင်တရဴသွက်ဘဝပိုဲဏံဇေတ်ဇေတ်ရ။


နူစဖဵုဏံပေတိုန်အာမွဲကဆံင်ဂှ်ပၠန်ဟီုဂှ်တှ်ေ ကမၠောန်ဟီုမ္ဂးဂှ် ဒှ်ညးတၠကၠေင်က္ဍဟ်မွဲခိုဟ်အိုတ်သွက်ဘဝပိုဲဏံမာန်ရ၊ တၠပညာအ္စာသိပ္ပံတံမဟီုလဝ်ဂှ် '''ကသပ်လညာတ်ညာဏ်တံဂှ် ဍေံက္တဵုဒှ်ကၠုင်နူကဵုပိုဲတံသုင်စောဲစကာတဴကမၠောန်မွဲရ၊'''
ပိုဲမိက်သ္ဂေံာတီညးလဵုမွဲပြသၞာနွံဟွံမွယ်တှ်ေ ဒးရံင်ဍေံတံကၠောန်ကမၠောန်ညိ၊ ယဝ်ရဍေံကၠောန်ကမၠောန်တုဲဒှ်ချိုတ်ပၠိုတ် ကၠောန်ကမၠောန်ပြဟ်ပြေဟ်သာဍာ၊ စောန်ပ္ဍဲအရာကၠောန်ကမၠောန်ဍေံမကၠောန်၊ သှ်ပလးပ္တိတ်အခက်ခုဲပြသၞာဒၞာဲဂတမုက်ကမၠောန်မာန်လောဲလောဲတုဲ မၞိဟ်ဗီုတံဏံဟီုဂှ် ဒှ်မၞိဟ်စောန်ကသပ် စောန်လညာတ် စောန်ပညာ စောန်ကမၠောန်မွဲရ။

ဗဟုသုတဟီုဂှ် က္တဵုဒှ်ကၠုင်ၜါနဲကဲမာန်ရ၊ နဲကၠာဂှ် ဒှ်ကၠုင်နူကဵုပိုဲတံပွမဗ္တောန်ကေတ်ဍေံ ကၠုင်နူဘာတန်ဗွဲတုန်၊ မွဲနဲဂှ်ပၠန်တှ်ေ က္တဵုဒှ်မံက်တိတ်ကၠုင်ပရေင်ဆဵုဂဗကီု ဗဟုသုတမဂွံနင်နူကဵုပွမကလင်လဝ်ဂှ် ဟွံခိုဟ်အာနူကဵုဗဟုသုတပိုဲတံစကၠောန်ကမၠောန်သ္ပဗဒှ်ကေတ်ဍေံဇေတ်ဇေတ်ရ။


'''(ပွမကၠောန်ကမၠောန်ဟီုဂှ် ဒှ်တံၚုဟ်မးဇၞော်အိုတ်သွက်ဘဝမွဲ)'''

ရံၚ်အာမွဲလပါ်ပၠန်ဂှ်လေဝ် ကမၠောန်ဂှ်ဒှ်တဴညးတၠဂုဏ်ဖဵု ဒှ်တဴညးတၠလာပ်ဗဇဴ ဒှ်တဴညးတၠကုသဵုမွဲပေၚ်ပေၚ်ရ။
ဨနဲဏံမွဲနဲဟေၚ်ရပိုဲမၞိဟ်တံဒးဂၞပ်စိုတ်ကေတ်ဍေံကွေံကွေံရ၊ အနာဂတ်တိုၚ်ပ္ကဴဘဝဂှ်လေဝ်ကၠုၚ်နူကဵုကမၠောန်မွဲ ကၠုၚ်နူဍာ်ပလက်ပိုဲမကၠောန်တဴကမၠောန်၊  ဒၞာဲဏံဝွံ ပိုဲတံဒးရံၚ်ကေတ်ဍေံသၠုၚ်သၠုၚ်ညိ၊ ရံၚ်ကဵုဒှ်ဗဵုကဵုလေပ်ဟီုဂှ်တှ်ေ ကၠောန်ကမၠောန်ဟီုဂှ် ခိုဟ်နူကဵုဍာ်မ္ၚဵုပိုဲတံကလအ်ပူဇဴဒၟံၚ်တ္ၚဲဏံဏီရ၊ ပလက်ပိုဲမပြဟ်တိတ်ကၠုၚ်နူကဵုပွမကၠောန်ကမၠောန်ဏံပၠန်လေတ် ပြဳတဴလောန်နူကဵုဍာ်မ္ၚဵုဘာလကျာ်မြဟ်မြဟ်တံဂၠိုၚ်ကဵုဆဏီရ။


မၞိဟ်အောန်ကဵုပညာကသပ်လညာတ်သဝ်သဝ်တံဂှ် ပတှ်ေတဴကုသဵုဇာတာမွဲသာ်အိုတ်ရ၊ မၞိဟ်တၠပညာတံဂှ်လေဝ် ဍာ်ပလက်ပိုဲဏံမကၠောန်ကမၠောန်ဟေၚ်ရခိုဟ်နူကဵုဍာ်မ္ၚဵုတံဏီဏောၚ်၊ မ္ၚဵုဖဵုခိုဟ်အရာမွဲမွဲဂွံကတဵုဒှ်ကၠုၚ်ပ္ဍဲဘဝပိုဲဏံမာန် ကၠောန်ဗဒှ်ကဵုပိုဲဂွံဒှ်တသိုက်ဂွံစိုပ်အာတိုၚ်ပ္ကဴဘဝ ဂွံပတိုန်ကေတ်ကဆံၚ်ယၟုယၟာဒယှ်တှ်သီုဖ္အိုတ်တံဂှ် ဇေတ်ဇေတ်ဂှ်တှ်ေဍေံကၠုၚ်နူကဵုပိုဲတံပွမကၠောန်ကမၠောန်ရ။


ပိုဲတံဂွံဆဵုကေတ်ကၠးကၠးဟီုဂှ် '''ကမၠောန်'''ဏံမွဲဟေၚ်ရသိုၚ်ပ္တိုန်ကဵုၚုဟ်မးပိုဲမၞိဟ်တံသီုညးဖ္အိုတ်ရ၊ ဟိုတ်ဒှ်သာ်ဂှ်တုဲ ကံဇာတာကုသဵခိုဟ်ပရေံတံဂှ်လေဝ် ဍေံနွံဒၟံၚ်ပ္ဍဲကဵုဍာ်ပလက်ကမၠောန်ပိုဲဏံရ၊ ဟိုတ်ဂှ်ရ ပိုဲကောန်ဂကူတံသီုညးဖ္အိုတ်လေဝ် ထေက်ကြိုက်ရံၚ်ဗဵုကဵုလေပ် ရံၚ်ကဵုဂွံဆဵုကေတ်ကၠးကၠးဂှ်တှ်ေ '''ကမၠောန်ကဵုဘဝ'''ပိုဲဏံမွဲဂှ် ဒှ်တဴမွဲဆီမွဲပတိုဟ်ပါ်ပဲါပ္တိတ်ထောံညးသ္ကံဟွံဂွံရ။



'''မၞိဟ်ဆာန်ကမၠောန်'''

ပေတိုန်မွဲကဆံၚ်ပၠန်ဟီုဂှ်တှ်ေ ညးလဵုမွဲစိုတ်ညိၚ်ကဵုကမၠောန် ဆာန်ကမၠောန် ဒးစိုတ်ကၠောန်ကမၠောန်တံဂှ် စိုတ်ညးတံပဲါစ္ဍးတိတ်အာနူကဵုကမၠောန်ဟွံခိုဟ်ဟွံဒှ်ဖဵုတံနာနာသာ်မာန်ရ၊ မၞိဟ်ဆာန်ကမၠောန်ဏံဂှ် ညးတံအာကေတ်အခိၚ်ဒၞာဲလဵုဂွံအာဝေၚ်မိပ်အရာဟွံမွယ်ကဵုဖဵုတံဂှ်မာန်ရော၊  ဂၠာဲအခိၚ်ဒၞာဲလဵုဂွံအာသုၚ်အရက်သုၚ်ဂဥုဲဗ္ၜူဗ္ၜူတံဂှ်ရော၊ ညးတံဂွိၚ်ဖေက်အခိၚ်ဂှ်အိုတ်အာတုဲ ညးတံဂှ်လေဝ်ဟွံကွာ်လုပ်အာပ္ဍဲကဵုကတိုၚ်ဂၟက်ဂၠိဂၠိတံဂှ်တွဵုရ။

မၞိဟ်စိုတ်ဆာန်ကမၠောန်တံဂှ် အရာဟွံဒှ်ဖဵုခိုဟ်မွဲဂှ်ညးတံဟွံချပ်တုဲမှကွာအာကၠောန်အာရ၊ ဂွိၚ်ဖေက်အခိၚ်ဂှ်အိုတ်ဒှ်အာမးမးတုဲ ဇူဒီုပကောံဒြဟတ်တှ်ေခိုဟ်တဴလောန် တ္ၚဲယျးတေံသွက်သ္ဂောံဆက်ကေတ်တာလျိုၚ်ကၠောန်ကမၠောန်လၟေၚ်လၟေၚ်တ္ၚဲဂှ်ပၠန်ရ၊ မၞိဟ်သာ်တံဏံဂှ် စိုတ်ညးတံအာစောဲနွံဒၟံၚ်ကဵုပ္ဍဲကမၠောန်ဒၞာဲဒှ်ဖဵုတံတွဵု။


မၞိဟ်ဆာန်ကမၠောန်တံဂှ် ဟွံဒးစိုတ်ညးကွာ်ဂၠံၚ်တ္ၚံက်တ္ၚံက်တံဂှ်ရ၊ မိတ်သဟာပရေံပရေံတံဂှ်ပၠန်လေဝ် ညးတံပဲါတိတ်ထောံသ္ၚောဲသ္ၚောဲရ၊ မၞိဟ်ဆာန်ကမၠောန်တုပ်မှညးတံပံၚ်ဖက်ဆက်ဆောံတဴညးသ္ကံအိုတ်ရ၊ ညးတံတက်ကျာညးသ္ကံလေဝ်အရာဆေၚ်စပ်ကဵုကမၠောန် ဟိုတ်ဒှ်သာ်ဂှ်တုဲ မၞိဟ်ဒးစိုတ်ကမၠောန်ဆာန်ကမၠောန်တံဂှ်ညးတံပံၚ်တဴမွဲဂကောံမွဲကရောံသွက်မၞိဟ်ဆာန်ကမၠောန်ရ။


မၞိဟ်ဆာန်ကမၠောန်တံဂှ် စိုတ်ဓါတ်ညးကဆံၚ်ဟွံသဝ်အာတုဲ ဇၟာပ်ဇၟာပ်အခိၚ်ညးတံကူချပ်ပါ်ပဲါဗ္စာရဏာအရာဂွံဒှ်ဖဵုသွက်ဘဝ ညးတံဒးဍောၚ် သွက်သ္ဂောံဂွံဖဵုပ္ဍဲတ္ၚဲဂတတေံလၟိုန်ရ။


'''မၞိဟ်တ္ၚအ်ဇိုၚ်တဲသာဍာတံဂှ်ထေက်ကြိုက်ဒှ်တသိုက်'''

ညံၚ်ရဴသာဝွံကီု −−− '''(မၞိဟ်တ္ၚအ်ဂှ်ထေက်ကြိုက်ဒှ်တသိုက်၊ သွက်မၞိဟ်အိက်လၞုဟ်တံဂှ် ထေက်ကြိုက်ဒးဆဵုဒဒိုက်ပေၚ်ပေၚ်)'''
မၞိဟ်ဟွံဆာန်ကမၠောန်တံဂှ် ဒှ်တဴမၞိဟ်အိုတ်ပိုတ်ကၠုၚ်ဖဵုနာနာလ္တူလိုက်လောကဏံသီုကဵုဓရတုဲ ဟွံမွယ်ကဵုလျးအရံၚ်မၞိဟ်မွဲမာန်ရ။


မၞိဟ်လဵုမွဲဟွံတီၚုဟ်မးကမၠောန်ဆေၚ်စပ်မံၚ်ကဵုဘဝတံဂှ် ညးကော်ခဴစ'''(မၞိဟ်ဒိုဟ်ဓီု)'''မွဲဂကောံမွဲတၠရ၊ မၞိဟ်ဟွံဆဵုကေတ်ၚုဟ်မးကမၠောန်ဇၞော်တဴကဵုဒြဟတ်သွက်ဘဝပိုဲတံဗီုလဵုတုဲ လၞုဟ်ကမၠောန် ပဲါဟလေတ်ကမၠောန်အိုတ်တုဲ ဘဝဍေံတံဂှ်လေဝ်ဟွံမွယ်ကဵုၚုဟ်မး သီုကဵုဟွံမွယ်ကဵုဓရ်ကေုာံလျးအရံၚ်မၞိဟ်မွဲရ။


ပွမကၠောန်ကမၠောန်ဟီုမ္ဂးဂှ် ဖန်ဗဒှ်ကဵုစိုတ်ပိုဲဏံမ္ၚိုဟ်ကြံၚ်ခိုၚ်ကၟောန်လၟိုန်ရ၊ ညးလ္ၚဵုတံဂှ် ဆဵုညာတ်ကေတ်အခက်ခုဲညိညဓဝ်ဂှ်ဆုတ်ကလေၚ်ထောံလောဲလောဲရ၊ ဟိုတ်ဒှ်သာ်ဂှ်တုဲ ယဝ်ရပိုဲတံကေၚ်ကၠောန်ဒၟံၚ်ကမၠောန်ဂၠိုၚ်ဂၠိုၚ် ဒးစိုတ်ကမၠောန်ဆာန်ကမၠောန် ကေၚ်သ္ဂုတ်သွာတ်ပါ်ပဲါပစာရဏာကမၠောန်ဒၟံၚ်တွဵုတုဲ ပ္ဍဲကဵုအခိၚ်က္တဵုဒှ်ပြသၞာတှ်ေ ကၠောန်ဗဒှ်ကဵုညးတံဂွံတဴဒြဟတ်ဂဥုဲစိုတ်သွက်သ္ဂောံပြိုၚ်ပ္ကာန်ကဵုပြသၞာပ္ဍဲဂတမုက်တ္ၚဲဏံမာန်လောဲလောဲသွာသွာရ။
















ဖ

== နိဿဲ ==
[[Category:!Main category]]
[[Category:ပရေၚ်မၞိဟ်]]
{{DEFAULTSORT:မၞိဟ်ဆာန်ကမၠောန်}}
<br />