Revision 5434 of "गाथा पारायणाचे प्रारंभी म्हणावयाचे मंगल" on mrwikibooks

===(श्री निळोबारायाकृत)===
===गाथा पारायणाचे प्रारंभी म्हणावयाचे मंगल===
नमो सदगुरु तुकया ज्ञानदीपा !
नमो सदगुरु सच्चिदानंद रूपा !  
नमो सदगुरु भक्तकल्याणमूर्ती !
नमो सदगुरु भास्करा पूर्ण कीर्ति !!1!! 
मनुष्याकृती राघवे ख्याति केली ! 
शिळा शिखरे सागरी तारियेली !
तुका स्वामी हा पूर्ण ब्रह्मप्रकाशी ! 
जळी रक्षिले निर्जिवा कागदासी !!2!! 
महाराज हा जन्मला मृत्यूलोकी ! 
दुजी उपमा नाढळे ईहलोकी !! 
भवसिंधूसीं बंधिला सेतू जेणें ! 
अनाथा दीनाकारणे तुकयानें !!3!!
तुका भासला मानवी वेषधारी ! 
परे हा लिलाविग्रही निर्विकारी !!
स्वयें श्रीहरी व्यापकु सर्वजीवा ! 
तुका तोचि तो हा परब्रह्म ठेवा !!4!!
जयां पूजिले आदरें पांडुरंगे ! 
विमानस्थ केले प्रयाण प्रसंगे !! 
तनु मानवी दिव्यरूपीच केली ! 
न त्यागी तिये दिव्य लोकासी नेली !!5!!