Revision 5441 of "श्री गुरुदेव दत्त करुणा पंचपदी" on mrwikibooks

== || श्री गुरुदेव दत्त || ==
=== करुणा पंचपदी ===
==== पद १ ====

उध्दरिं गुरुराया । अनसूया तनया दत्तात्रेया ॥ धृ. ॥

जो अनसूयेच्या भावाला । भुलुनियां तत्सुत झाला ।
दत्तात्रेय अशा नामाला । मिरवी वंद्य सुराला ।
तो तूं मुनिवर्या । निजपाया  स्मरता वारिसी माया ॥ १ ॥

जो माहूर पुरी शयन करी ।
सह्याद्रीचे शिखरी निवसें गंगेचे स्नान करी  भिक्षा कोल्हापूरी ।
स्मरता दर्शन दे वारि भया । तो तू आगमगेया ॥ २ ॥

तो तूं वांझेसी  सुत देसी ।  सौभाग्या वाढविसी ।
मरता प्रेतासी जीवविसी  । सद्वरदाना देसी ।
यास्तव वासुदेव तव पाया । धरी त्या तारीं सदया ॥ ३ ॥
उध्दरिं गुरुराया । अनसूया तनया दत्तात्रेया ॥ धृ. ॥

== || श्री गुरुदेव दत्त || ==
=== करुणा पंचपदी ===
==== पद 2 ====

शांत हो श्रीगुरुदत्ता | ममचित्ता शमवी आतां ||धृ||
तू केवल माता जनिता | सर्वथा तू हितकर्ता |
तू आप्त स्वजन भ्राता | सर्वथा तूची त्राता |
भयकर्ता तू भयहर्ता | दंड धरिता तू परिपाता |
तुज वाचुनी न दूजी वार्ता | तू आर्ता आश्रय दत्ता |
मम चित्ता शमवी आता | शांत हो श्रीगुरुदत्ता ||धृ||

अपराधास्तव गुरुनाथा | जरी दंडा धरिसी यथार्था |
तरी आम्ही गाऊनि गाथा | तवा चरणी नमवू माथा ||
तू तथापि दंडिशी देवा | कोणाचा मग करू धावा |
सोडाविता दुसरा तेंव्हा | कोण दत्ता आह्मा त्राता |
मम चित्ता शमवी आता | शांत हो श्रीगुरुदत्ता ||धृ||

तूं नटसा होवूनी कोपी | दंडिताही आम्हां पापी |
पुनारापिही चुकतां तथापि | आम्हावरी नच संतापी ||
गच्छ्त:स्खलनं क्वापी | असे मानुनी नच हो कोपी |
मम चित्ता शमवी आता | शांत हो श्रीगुरुदत्ता ||धृ||

तवं पदरी असता ताता | आड़मार्गी पाउलं पड़ता |
सांभाळूनी मार्ग वरिता | आणिता न दुजा त्राता ||
निज बिरुदा आणुनि चित्ता | तू पतित पवन दत्ता |
वळे आतां आम्हां वरतां | करुना घन तूं गुरुनाथा ||
मम चित्ता शमवी आता | शांत हो श्रीगुरुदत्ता ||धृ||

सहकुटूंब सहपरिवार | दास आम्ही हे घरदार|
तवपदी अर्पू असार | संसाराहित हा भार |
परि हरिसी करुणा सिन्धो | तूं दिनानाथ सुबंधो |
आम्हा अघलेश न बाधो | वासुदेव प्रार्थीत दत्ता ||
मम चित्ता शमवी आता | शांत हो श्रीगुरुदत्ता ||धृ||

== || श्री गुरुदेव दत्त || ==
=== करुणा पंचपदी ===
==== पद 3 ====

श्री गुरुदत्ता जय भगवन्ता |ते मन निष्ठुर न करी आतां ||धृ||

चोरे द्विजासी मारिता मन जे | कळवळले ते कळवळो आतां । 
श्री गुरुदत्ता ॥१॥
पोटशुळाने द्विज तडफडता | कळवळले ते कळवळो आतां । 
श्री गुरुदत्ता ॥२॥
द्विजसुत मरतां वळले ते मन | हो की उदासीन न वळे आतां । श्री गुरुदत्ता ॥३॥
सतिपति मरतां काकुळती येतां |वळले ते मन न वळे की आतां| श्री गुरुदत्ता ॥४॥
श्री गुरुदत्ता त्यजि निष्ठुरता | कोमलचित्ता वळवी आतां । 
श्री गुरुदत्ता ॥५॥

श्री गुरुदत्ता जय भगवन्ता |ते मन निष्ठुर न करी आतां ||धृ||


== || श्री गुरुदेव दत्त || ==
=== करुणा पंचपदी ===
==== पद 4 ====

जय करुणाघन निज जनजीवन अनसूयानंदन पाहि जनार्दन||धृ|| 

निज अपराधे उफराटी दृष्टि होऊनि पोटी भय धरु पावन । 
जय करुणाघन ॥१॥
तूं करुणाकर कधी आम्हांवर रुससि न किंकर वरद कृपाघन । जय करुणाघन ॥२॥
वारी अपराध तूं मायबाप तव मनी कोप लेश न वामन । 
जय करुणाघन ॥३॥
बालक अपराधा गणे जरी माता तरी कोण त्राता देईल जीवन । 
जय करुणाघन ॥४॥
प्रार्थी वासुदेव पदी ठेवी भाव पदी देवो ठाव देव अत्रिनंदन । 
जय करुणाघन ॥५॥
जय करुणाघन निज जनजीवन अनसूयानंदन पाहि जनार्दन||धृ|| 


== || श्री गुरुदेव दत्त || ==
=== करुणा पंचपदी ===
==== पद 5 ====

आठविं चित्ता तूं गुरुदत्ता । जो भवसागर पतितां त्रातां ||धृ||
आहे जयाचें कोमल हृदय । 
सदयिचा हा भव हरि वरदाता ॥ १ ॥

पाप पदोपदिं होई जरी तरी । 
स्मरतां तारीं भाविकपाता ॥ २ ॥

संकट येतां जो निज अंतरी । 
चित्ती तया शिरी कर धरीं त्राता ॥३॥

जो निज जिवींचे हितगूज साचें । 
ध्यान योगियाचे तो हा ध्याता ॥४॥

सज्जन जीवन अनसुयानंदन । 
वासुदेव ध्यान हा यतिभर्ता ॥५॥