Difference between revisions 126089 and 126091 on mrwikisource

{{शीर्ष
 | शीर्षक      = मराठा तितुका मेळवावा
 | साहित्यिक     = रामदास स्वामी
 | विभाग  =
 | मागील =   = [[निश्चयाचा महामेरु]]
 | पुढील       =
 | वर्ष       = 
 | टिपण      = 
}}

जयास वाटे जीवाचे भय | त्याने क्षात्र धर्म करू नये || काहीतरी करून उपाय | पोट भरावे ||१||

विन्मुख मरणी नरक होती | वाचूनि येता मोठी फजीती ||
इहलोकी परलोकी जाती | पाहाना का ||२||

मारीता मारीता मरावे | तेणे गतीस पावावे || 
फिरोन येता भोगावे | महद्भाग्य ||३||

नजर करार राखणे | कार्य पाहून खत्तल करणे ||
तेणे रणशुरांची अतःकरणे | चकित होती ||४||

जैसा भांड्याचा गलोला | निर्भय भार मधे पडला ||
तैसा क्षत्री रिचविला | पर सैन्यामध्ये ||५||

निःशंकपणें भार फुटती | पर वीरांचे तबके तुटती ||
जैसा बळिया घालुनी घेती | भैरी उठता ||६||

ऐसे अवघेचि उठता | परदळांची कोण चिंता ||
हरणे लोळवी, चिता | देखत जैसा ||७||

मर्दे तकवा सोडू नये | म्हणजे प्राप्त होतो जय ||
कार्य, प्रसंग, समय | ओळखावा ||८||

कार्य समजेना अंतरे | ते काय झुंजते विचारे ||
युद्ध करावे खबरदारे | लोक राजी राखता ||९||

दोन्ही दळे एकवटे | मिसळताती लखलखाटे ||
युद्ध करावे खणखणाटे | सीमा सोडूनिया ||१०||

देव मात्र उच्छादिला | जित्यापरीस मृत्यु भला ||
आपला स्वधर्म बुडविला ऐसे समजावे ||११||

मराठा तितुका मेळवावा | महाराष्ट्रधर्म वाढवावा ||
येविषयी न करता तकवा | पूर्वज हासती ||१२||

मरण हाक तो चुकेना | देह वाचविता वाचेना ||
विवेकी होऊनि समजना | काय करावे ||१३||

देवद्रोही तितुके कुत्ते | मारूनि घालावे परते ||
देवदास पावती फत्ते | यदर्थी संदेह नाही ||१४||

देव मस्तकी धरावा | अवघा हलकल्लोळ करावा ||
मुलुखबुडवा की बडवावा | धर्मासंस्थापनेसाठी ||१५||⏎
⏎
[[वर्ग:स्त्रोत नसलेली पाने]]