Difference between revisions 301379 and 320427 on nds_nlwiki

< previous diff
Leek (Grunnen)
'''Leek''' (ook: ''Laik'' of ''De Lieke'') is n vrougere gemainte in t [[Westerkertaaier|Westerkwartier]], provìnzie [[Grunnen (provìnzie)|Grunnen]]. t Komt ongeveer overain mit t olle gewest [[Vredewold]]. De heufdploats is Leek. Wieder bestait t oet de dörpen Zeuvenhuzen, Tolbert, Midwolle, Lettelbert, Oostwold en Enumatil (Aimentil).

Leek stait veural bekend om de börg [[Nienoord]] bie de heufdploats. Dit is n olle börg dij oorspronkelk baauwd is deur de femilie [[Van Ewsum]] oet Middelstum, dij de "Nije Oert" (nieuwe oord, Nienoord) sticht het om in t gebied ten zuden van Laik te begunnen mit t groaven van [[Törf (braandstof)|törf]].

Op t landgoed Nienoord is in de börg t Nationaal Rijtuigmuseum vestegd. Wieder is der n groot familiepark en n zwemkasteel (zwembad mit overdekte boaden en n boetenbad). Op t terraain is ook t openluchttheoater Podium Nienoord te vinden. Aan de rand van t landgoed is de camping Westerheerdt vestegd en der is ook nog n iesboan annex windhondenrenboan.

Leek het n mooi overdekt winkelcentrum, De Liekeblom. De regionoale scholengemainschop De Borgen geft onderwies op VMBO, HAVO, VWO en Gymnasium-niveau.

{{Begin|gos}}

[[Kategorie:Grunnegs artikel]]
[[Kategorie:Vrougere gemainte in Grunnen]]⏎
[[Kategorie:Westerkertier (gemainte)]]