Revision 249820 of "Leek (Grunnen)" on nds_nlwiki

'''Leek''' (ook: ''Laik'' of ''De Lieke'') is n gemainte in t [[Westerkertaaier|Westerkwartier]], provìnzie [[Grunnen (provìnzie)|Grunnen]]. t Komt ongeveer overain mit t olle gewest [[Vredewold]]. De heufdploats is Leek. Wieder bestait t oet de dörpen Zeuvenhuzen, Tolbert, Midwolle, Lettelbert, Oostwold en Enumatil (Aimentil).

Leek stait veural bekend om de börg [[Nienoord]] bie de heufdploats. Dit is n olle börg dij oorspronkelk baauwd is deur de femilie [[Van Ewsum]] oet Middelstum, dij de "Nije Oert" (nieuwe oord, Nienoord) sticht het om in t gebied ten zuden van Laik te begunnen mit t groaven van [[Törf (braandstof)|törf]].

Op t landgoed Nienoord is in de börg t Nationaal Rijtuigmuseum vestegd. Wieder is der n groot familiepark en n zwemkasteel (zwembad mit overdekte boaden en n boetenbad). Op t terraain is ook t openluchttheoater Podium Nienoord te vinden. Aan de rand van t landgoed is de camping Westerheerdt vestegd en der is ook nog n iesboan annex windhondenrenboan.

Leek het n mooi overdekt winkelcentrum, De Liekeblom. De regionoale scholengemainschop De Borgen geft onderwies op VMBO, HAVO, VWO en Gymnasium-niveau.

{{GemaintesGrunnen}}
{{Begin|gos}}

[[Kattegerie:Grunnegs artikel]]
[[Kattegerie:Gemainte in Grunnen]]

[[br:Leek (Izelvroioù)]]
[[ca:Leek (Groningen)]]
[[da:Leek]]
[[de:Leek (Niederlande)]]
[[en:Leek, Groningen]]
[[eo:Leek (Groningen)]]
[[eu:Leek]]
[[fr:Leek (Pays-Bas)]]
[[fy:De Like (plak)]]
[[hy:Լեյկ (համայնք)]]
[[id:Leek (Groningen)]]
[[it:Leek (Groninga)]]
[[li:Leek]]
[[ms:Leek (Groningen)]]
[[nl:Leek (Groningen)]]
[[ro:Leek (Groningen)]]
[[ru:Лек (Гронинген)]]
[[sq:Leek (Groningen)]]
[[stq:Leek]]
[[sv:Leek]]
[[vi:Leek, Groningen]]
[[vo:Leek (Nedän)]]
[[war:Leek, Nederlandes]]