Revision 267802 of "Portaol:In t niejs" on nds_nlwiki

Op disse zied vie'j '''niejsberichten''' van de veurbieje tied in, en vake over, t [[Nedersaksies]]. Kiek in t [[Portaol:In t niejs/Archief|archief]] veur ouwere berichten.

== 2013 ==
===22 meert===
:'''Nedersaksies opnij op de agenda'''
:Gedippeteerde Rein Munniksma en Hans Gerritsen van de Stichting Streektaal-Organisatie in het Nedersaksisch Taalgebied ([[SONT]]) gaot nog een keer proberen um t Nedersaksies as taal erkend te kriegen. Munniksma en Gerritsen hebt alle Tweede Kamerfraksies benaderd en nou is het elukt um de erkenning van het Nedersaksies opnij op de agenda te kriegen in [[Den Haag]].
:Bron: [http://huusvandetaol.nl/index.php?option=com_content&view=article&id=1381:erkenningnedersaksisch-opnei-op-agenda&catid=44:meertaol&Itemid=100033 Huus van de Taol]

== 2012 ==
===23 desember===
:'''Michiel Veenstra uur in t Tweants in t glazen hoes'''
:Welle: [http://seriousrequest.3fm.nl/nieuws/detail/5350250/michiel-veenstra-presenteert-een-uur-lang-in-het-twents]

===17 desember===
:'''Pieneköttel mooiste dialektwoord'''
:Bron: [http://nos.nl/op3/artikel/452702-pienekottel-mooiste-dialectwoord.html NOS]

===30 november===
:'''Raod van Europa: bevorder t Nedersaksies tot gewoon schoelvak''' 
:De [[Raod van Europa]] hef kortens n rapport uutebröcht over de uutvoering van t [[Europees Haandvest veur regionale talen of talen van minderhejen]]. Wat Nederlaand angeet wörden onder aandere op-emörken dat de invoering van t wetsveurstel 'Gebruuk Friese Taal' van oud-minister Donner iewig lange duurt. De raod raot oek an um van t Nedersaksies n gewoon schoelvak te maken, zodat t anbod van disse streektaal op de legere schoele en in t middelbaor onderwies groter wörden.
:Bron: [http://onzetaal.nl/nieuws/raad-van-europa-bevorder-nedersaksisch-tot-gewoon-schoolvak Onzetaal.nl]

===26 november===
:'''De Iesselakkedemie en TwentseWelle doet een webstee lös oaver 't Nedersaksisch van Oaveriessel'''
:Bron: [http://www.detaalvanoverijssel.nl/ Detaalvanoverijssel.nl]

===5 november===
:'''Wikipediaann Grönneger en Woolters kuiert bie Radio 350'''
:Op deenksdag n 6den november kuiert Wikipediaan Grönneger_1 in t Tweantssproakige programma ''Plat Zat'' van t [[Riessen]]se radiostasjon Radio 350 met aandern Wikipediaan Woolters oawer plaatsnaambrödjes in t Plat. n Antal Grönningse studeantn hebt plaatsnaambrödjes vervöngn duur brödjes in de Grönningse sproake. (zeet [[Portaol:In_t_niejs#1 oktober|Niejs van 1 oktober]]). Hiermet köm dr ne hele wöardewisseling op gaank, dee't ook al es in Tweante voord is. Disse oetwisseling is biezeunder, umdet dr bie dialektprogramma's meestal nit oawer de eegne strekgreanze kekn wörd. Hiervan leart beaide partiejn mekoar wier better kenn.
:t Programma Plat Zat is te belustern van 19:00 töt 20:00 op elken eerstn deenksdag van de moand, op http://www.radio350.nl .
:<small>welle: [http://www.radio350.nl/page/nieuws/292/rijssen_door_rijssenaren_op_de_korrel_in_plat_zat Radio350.nl - Rijssen door Rijssenaren op de korrel in Plat Zat.]</small>
===9 oktober===
:'''Stichten Grunneger Toal lanseert vertoalwebstee'''
:Op het internet wordt dinsdag n vertoalhulp van en noar t Grunnegs lanseerd. Op de webstee binnen ook de offisjele Grunnegse spellensregels te vienden. De vertoalhulp waarkt baaide kaanten oet, dus zowel Grunnegs-Nederlaands as Nederlaands-Grunnegs. De webstee is de vienden op [http://www.groningsonline.nl/ groningsonline.nl]

:Bron: [http://www.rtvnoord.nl/artikel/artikel.asp?p=114249 RTV Noord]

===3 oktober===
:''''Plat' bruukbaor bie kontakten over de grens'''
:t [[Nedersaksies]] is goed bruukbaor in kontakt tussen Duutsers en Nederlaanders. Dat stelt de [[Riesn|Riessender]] [[Woolters|Martin ter Denge]] in zien magisterskripsie, waormee e kortens an de [[Universiteit Utrecht]] aofstudeerden in t vak Interkulturele Kommunikasie.

:Volgens hum biet t 'plat' naost de offisiële talen n goeie meugelikheid um mit mekaar te kommuniseren, umdat de Nedersaksiese dialektvariaanten langes t geschei naor veule op mekaar lieken.

:Bron: [http://www.tctubantia.nl/regio/twente/11804276/%26lsquo%3BPlat%26rsquo%3B-bruikbaar-bij-contacten-over-grens.ece Tubantia]

===1 oktober===
:'''Grunnegse ploatsnoambredjes'''
:Studenten oet Stad hebben òflopen weekend stickers mit de Grunnegse ploatsnoamen over de Nederlaandse ploatsnoamen plakt, mit onder aandere "Grönnen Stad", "Oskert", "Ainrom" en "Aisen". Dit het n haile diskussie terweeg brocht mit n poll op de webstee van RTV Noord. Doaroet bleek dat 11% von dat ploatsnoamen allend de Grunnegse noam hebben mout, 43% von dat t allend ien t Nederlaands mout en 43% von dat ploatsnoambredjes zowel de Nederlaandse as de Grönnegse ploatsnoam vermelden mouten. Ien totoal wazzen der 3,551 stemmen. Oet de poll of stroatnoamen ook Grunnegstoaleg worden mouten zee n grote meerderhaid van 70% van nee.

:[http://www.rtvnoord.nl/artikel/artikel.asp?p=113947 RTV Noord artikel 1]
:[http://rtvnoord.nl/artikel/artikel.asp?p=114015 RTV Noord artikel 2]
:[http://www.rtvnoord.nl/artikel/artikel.asp?p=114060 RTV Noord poll]

===26 juni===
:'''[[Nedersaksisch|Neersassiese]] [[Wikipedia]] op [[Zunnewende Festival]] in [[Healdern]]'''
:Ankommenden 7den juli zöalt twee metwoarkers van de Neersassiese Wikipedia met n kröamken op t joarlikse [[streektaal]] en -[[kultuur]]festival [[Zunnewende]] in t [[Tweants]]/[[Sallaands]]e [[Healdern]] stoan. Doel is um mear leu kunnig te maakn met disse Wikipedia, en mear leu woarm te kriegn zelf met te goan skriewn. Op t festival komt oonder mear ook n antal finalistn van de [[Tweantse Jazzerieje]], [[Erwin Nyhoff]] oet [[Sallaand]], [[Gerrit Dannenberg]] en [[André Manuel]] oet [[Tweante]], en [[Edwin Jongedijk]] oet [[Grönningn]] spöln.
:t Festival wörd eheuldn op laandgood Schulenborg an de Schuilenburgerweg in Healdern. t Vaank an um 19:30u en doert töt 00:30u. Kaartn kostet €5,-- woer't ook éénn konsumpsie bie in zit. 
:A'j mear weelt weetn mu'j kiekn op de webstea [http://www.zunnewendefestival.nl Zunnewendefestival.nl].
 
===27 mei===
:'''Petra ter Denge weent [[Tweants]]e [[Jazz]]erieje'''
:n 26sten Mei wun Petra ter Denge oet [[Lösker]] met t nommer ''Kræng'' de Tweantse Jazzerieje. n Tekst was eskreewn duur [[Woolters|Martin ter Denge]], en de muziek was van [[Jan Wessels]]. De tweede pries gung noar Marijn Ouwehand oet Eanske met t nommer ''Jazzeritis'' en de doarde pries was vuur Frens te Kiefte oet [[Nijverdal]] met ''An ut Elastiek''. n Eersten pries besteund oet n bedrag van €1500,- en nen bokaal. De tweede en doarde prieze warn €500,- en €250,- en ne oorkonde.
:t Is de tweede keer at de Tweantse Jazzerieje heuldn wörd in [[Eanske]], as oonderdeel van t [[Grolsch]] International Jazz Festival. Oet vuurroondes warn 10 finalistn keuzn, dee't koppels vörmn deedn met nen tekstskriewer en komponist, woerduur't nieje Tweants jazznommers onsteundn dee't helemoal warn an epast op n zanger/zangeresse.

===26 april===
:'''Streektael is nog altied populair'''
:Uut een onderzuuk van EenVandaag bliekt dat de Overiesselaors nog vaeke heur dialekt praoten, mar een meerderhied viendt niet dat d'r ekstra geld veur nodig is. EenVandaag is deur RTV Oost vraogd wodden om een enquête te holden onder meer as 1100 ienwoners van Overiessel. Neffens onderzuuk wodt et thuus wel et vaekste praot. Een meerderhied van de luden die mitdaon hebben an et onderzuuk viendt dialekt belangriek mar een aparte staotus es veur er Nedersaksisch niet nodig. Een grote meerderhied wil wel dat d'r meer op de schoelen daon wodt mit et onderwies in et eigen dialekt.
:<small>(Bron: [http://www.rtvoost.nl/nieuws/default.aspx?cat=1&nid=143333 RTV Oost])</small>

===17 april===
:'''Petisie veur Nedersaksies erkenning'''
:Kortens is t Nedersaksies as streektaal onder nivo III van t [[Europees Haandvest veur regionale talen of talen van minderhejen]] aofewezen. Daorop hebben verscheiene meensen protest an-etekend, en bin de organisasie veur t Nedersaksies op-estaon. Op de webstee http://www.nedersaksisch-is-een-taal.nl ku'j dan oek n petisie ondertekenen veur de erkenning van t Nedersaksies. Disse petisie zal veur de zoemer an-ebeujen wörden an minister Spies van Binnenlaandse Zaken en Koninkrieksrelasies. 
:<small>(Bron: [http://huusvandetaol.nl/index.php?option=com_content&view=article&id=1041:petitie-undertieken&catid=44:meertaol&Itemid=100033 Huus van de Taol])</small>

===14 april===
:'''Noordelike overheden veur t Nedersaksies bi'j menare in Grol'''
:De noordelike overheden geeft de stried veur n betere bescharming van t Nedersaksies niet op. Gister wordde der bi'j Hofsteenge in Grol n konferensie eholden onder de name: ''Gien miskenning maar erkenning veur t Nedersaksies''.

:In Grol waren streektaalmitwarkers, noorderlike overheden, n vieftal Tweede Kamerleden, schrievers en streektaalzangers bi'j menare ekomen um te praoten over de erkenning van t Nedersaksies.

:[[Bert Kamping]] en [[Kees Hendriks]] schreven spesiaal veur de gelegenheid n nij lied: ''Vergruid'' (klik [http://www.youtube.com/watch?v=LRYz-XKnVe0 hier] um t te beluusteren).

:De minister wees eerder n verzuuk veur t erkennen van het Nedersaksies of. Op internet was der dit weekend al n petietsie lanseerd um t Nedersaksies taalgebruuk te ondersteunen. Ie kunt de petietsie ondertiekenen op http://www.nedersaksisch-is-een-taal.nl   

:Siemon Reker, streektaalfunksionaris in Grunnen, en Erik Ziengs Tweede Kamerlid veur de VVD wordden deur Radio Drenthe ondervraogd.
:<small>(Bron: [http://huusvandetaol.nl/index.php?option=com_content&view=article&id=1045:noordelijke-overheden-bij-menaar-in-grolloo&catid=44:meertaol&Itemid=100033 Huus van de Taol])</small>

===10 april===
:'''Konferensie over t belaang van t Leegsaksies'''
:Op 16 april wordt der bi'j kafee ''Hofsteenge'' in [[Grolloo]] n konferensie over [[Nedersaksies]]e streektaal eholden onder de name: ''Gien miskenning maar erkenning veur het Nedersaksies''. De konferensie wordt organiseerd deur de Nedersaksiese overheden. Anleiding is de ofwiezing van de erkenning van t Nedersaksies onder deel III van t [[Europees handvest veur regionale talen of talen van minderheden]]. De Nedersaksiese overheden bint hierover slim teleuresteld. Zi'j wilt daorum deur dizze konferensie zien laoten dat de streektaal van groot belang is zowel in onderwies as in sport as in media as in t openbaar leven. De konferensie is bedoeld veur Tweede Kamerleden, regionale overheden, streektaalorganisaatsies en streektaalwarkers in t veld en de universiteit van Grunnen.
:<small>(Bron: [http://huusvandetaol.nl/index.php?option=com_content&view=article&id=1028:conferentie-over-nedersaksisch&catid=44:meertaol&Itemid=100033 Huus van de Taol])</small>

===7 april===
:'''Taalkundige Henk Bloemhoff eridderd'''
:Taalkundige [[Henk Bloemhoff]] uut [[Oosterwolde]] is donderdag benuumd tot ridder in de [[Orde van Oranje-Nassau]]. Hij ontving de onderscheiding bi'j t veertigjaorig jubileum van de Stichting Stellingwarver Schrieversronte. Henk Bloemhoff is leraar Nederlands op de Noordelijke Hogeschool Leeuwarden en was jaorenlang veurzitter van de [[Stellingwarver Schrieversronte]]. Hij deed taalkundig onderzuuk en was barre drok mit de erkenning van de streektaal. Jannes Westerhof (vri'jwilliger bi'j t [[Huus van de Taol]]) kreeg de twiede Stellingwarf Trofee as dank veur zien verdiensten veur de [[Stellingwarfs|Stellingwarver taal]].
:<small>(Bron: [http://huusvandetaol.nl/index.php?option=com_content&view=article&id=1030:taalkundige-henk-bloemhoff-eridderd&catid=44:meertaol&Itemid=100033 Huus van de Taol])</small>

===3 april===
:'''Martijje! hef nij liedtien'''
:''Zin an lente'' het t nije liedtien van Martijje! t Is t eerste liedtien van nij album waor as Martijje! an warkt. De cd zal later dit jaor verschienen. Ie kunt ''Zin an lente'' digitaal verkriegen via [[iTunes]] en [[Amazon]] of beluusteren via [[Spotify]] of [[YouTube]].
:<small>(Bron: [http://huusvandetaol.nl/index.php?option=com_content&view=article&id=1026:martijje-hef-zin-an-lente&catid=30&Itemid=100018 Huus van de Taol])</small>

===26 meert===
:'''D66 striedt veur stoatus Leegsaksies'''
:De [[D66]]-fraksie in de Grunninger stoaten is vergraeld over t besloet van minister Spies de Leegsaksiese dialekten nait de zölfde stoatus te geven as t Frais. Dizze erkennen is van groot belaang om de streektoalen te loaten overleven, stelt de partie aanbraand. "Blievende aandacht veur t behold en t zörgvuldig bruken van os kulturele aarfgoud vinden wie belaangriek. Kennis van de Gruninger geschiedenis, toal en kultuur (…) droagen bie aan t verstaarken van de Grunninger identiteit."

:In n twijtoalige (Grunnings en Nederlaands) braif vroagt D66 of Gedeputeerde Stoaten (GS) inzicht hebben in de argumentoatsie van de bewindsvraauw. Ook wil de partie weten of t klopt – zo as de minister beweerde – dat de erkennen van t Leegsaksies (woaronder t Grunnegs en t Dreants) op t nivo van t Frais hoge kosten mit zok mitbrengen: "Binnen de kosten hoger as de subsidies dij Uropa beschikboar stelt as t Leegsaksies de beoogde stoatus 'Deel III' krigt?" D66 in Grunnen wil dat t kollege van GS zok – eventueel soamen mit aandere proveanzies – inzet om alsnog de verlaangde erkennen veur de streektoal te kriegen.
:<small>(Bron: [http://www.dvhn.nl/nieuws/cultuur/article8924331.ece/D66-strijdt-voor-status-Nedersaksisch Dagblad van het  Noorden])</small>

===24 meert===
:'''CDA wil alsnog erkennen veur t Leegsaksies'''
:t [[CDA]] wil dat de overhaid drok zet om de Leegsaksiese streektoal hailendal erkennen tou loaten deur de Uropese Kommissie. Doarmit wordt t Leegsaksies, dat n groot dail van Noord- en Oost-Nederlaand bestriekt, beter beschaarmd en openen der alderhaande Uropese fondsen veur de regio.
:<small>(Bron: [http://www.eenvandaag.nl/binnenland/40038/nedersaksisch_de_strijd_voor_erkenning Een Vandaag])</small>

===23 meert===
:'''De provinsies striejen veur t Nedersaksies'''
:De provinsies [[Grunnen (provìnzie)|Groningen]], [[Frieslaand]], [[Drenthe]], [[Oaveriessel|Overiessel]] en [[Gelderlaand]] legen der eigen der niet bie neer dat t Nedersaksies gien offisiële taal wörden. Dat meldden de Drentse gedeputeerde Rein Munniksma, bestuurlik veurman van de Nedersaksiese regio. Eerder disse weke leut minister Liesbeth Spies (Binnenlaandse Zaken) weten dat Nedersaksiese dialekten niet in anmarking koemen veur n hogere staotus. Dat zol te veul geld gaon kosten.
:<small>(Bron: [http://www.onzetaal.nl/nieuws/provincies-strijden-door-voor-het-nedersaksisch Onzetaal.nl])</small>

===22 meert===
:'''t Leegsaksies krigt (veurlopig) gain hogere stoatus'''
:n Aanvroag veur t verhogen van de stoatus van de [[Nedersaksisch|Leegsaksiese toalvarianten]] is aofwezen. De hogere stoatus zol betaiken dat de Leegsaksiese perveanzies en streektoalorganisoatsies meer seanten kriegen zollen veur t behold en broeken van de streektoal. Volgens minister Spies van Binnenlaandse Zoaken is t te duur om dit oet te droagen. De veurstanders leggen heur der aans nog nait bie deel. Hoogleroar Grunnigs [[Siemon Reker]] het zaegd dat er t jammer vindt en dat t ien stried is mit t [[Europees Haandvest veur regionale talen of talen van minderhejen|Uropese haandvest veur regionoale toalen of toalen van minderheden]].
:<small>(Welle: [http://www.rtvnoord.nl/artikel/artikel.asp?p=108507 RTV Noord] en [http://www.destentor.nl/regio/apeldoorn/10707155/Nedersaksisch-zakt-door-ijs.ece De Stentor])</small>

===7 meart===
:'''Umroop NTR zoch dialektsprekkers vuur 8-delige TV-riege oawer dialekt'''
:n [[Neerlaand]]sen tellevisieumroop [[NTR]] zoch leu dee't n Neerlaandse streksproake of dialekt sprekt, vuur ne achtdelige riege oawer dialektgebroek in Neerlaand. De riege keump ''Dat is andere taal!'' te heetn, en geet oawer identiteat, groepsgeveul, leefde, wille, waark, en de vuuroetzichten van de dialektn. Disse riege wörd in t noajoar van 2012 op Nederland 2 oet ezeundn. De NTR zoch nog leu dee't met weelt waarken an disse riege:
:#Eenn den't zik wal es skaamd hef of nog aait skaamt vuur zin dialekt
:#Eenn den't um zinne of öare sproake diskrimineerd wör bie t zeukn van waark
:#n Gezin wat verhuusd is noar ne aandere proveensie, mer dr nit tusken de gemeenskop köm umdet ze t dialekt van doar nit konn.
:At ene van disse dinge op oe slöt, of op kunnigheaid van oe, kö'j nen mail steurn noar louis.bogaers @ ntr.nl of eawn beln noar 035 - 625 20 48.
:<small>welle: Oostendorp, M. van. Onzetaal.nl - Taalpost 2012; Maart.</small>

===2 meert===
:'''Kumriese regering geet t gebruuk van t Kumries achter de broek an zitten.'''
:t [[Kumries]] (Wels) wörden deur steeds minder meensen uut [[Kumrië]] espreuken. Per jaor nimp t antal sprekers mit 3000 aof. De Kumriese deelregering wil noen de Kumriërs achter de broek an zitten um tiedens der wark en bie sosiale kontakten vakerder Kumries te gebruken, oek meensen die de taal niet zo goed kunnen praoten. Dat wörden dan t wark van n nieje kommissaoris, die binnenkort de taken van de Kumriese Taalkomissie (''Welsh Language Board'') overnimp, en die krig dan oek meer bevoegdhejen as disse organisasie had.  
:<small>(Bron: [http://onzetaal.nl/nieuws/regering-wales-gaat-gebruik-welsh-stimuleren Onze Taal])</small>

===1 meert===
:'''Kammenet mut anmaken mit hogere erkenning van t Nedersaksies'''
:t [[CDA]] hef in kamervragen an de minister van Binnenlaandse Zaken an-egeven dat t [[Kammenet]] mut anmaken mit t erkennen van t Nedersaksies as streektaal op t zogeheten nivo dreje van t [[Europees Haandvest veur regionale talen of talen van minderhejen]]. t Verzeuk is al begin [[2010]] in-ediend. t Veurdeel van de erkenning is dat de streektaal dan beter bescharmp en bevorderd kan wörden en dat daorveur Europees geld beschikbaor kömp.
:<small>(Bron: [http://www.omroepgelderland.nl/web/Nieuws-1/1407381/CDA-weer-op-bres-voor-Nedersaksisch.htm Umroep Gelderlaand])</small>

===6 febrewaori===
:'''Herman Finkers krig de Lofpries veur zien inzet veur t Twents en t Nederlaands'''
:De ''Stichting Nederlands'' hef de 'Lofprijs der Nederlandse taal' toe-ekend an [[Herman Finkers]], umdat e zien eigen veurig jaor fel uutsprak tegen de gemakzucht waormee Nederlaanders Engelse woorden gebruken. De pries wörden elk jaor uutereikt an ene die zien eigen stark maakt veur de Nederlaandse taal. De ofkeurende Sofpries is disse keer veur t ministerie van OCW, vanwege t niet toestaon van Nederlaandstalige magisterskripsies.)
:Finkers kreeg an t einde t vergangen jaor op t kongres van Onze Taal oek al de Groenman-taalpries van de Stichting Let Op Uw Taal, vanwege zien betekenisse en inzet veur t Twents en t Nederlaands.
:<small>(Bron: [http://onzetaal.nl/nieuws/lofprijs-der-nederlandse-taal-toegekend-aan-herman-finkers Onzetaal.nl])</small>

===6 februwoari===
:'''Komplete [[Tweants]]e Dialexicon [[Goaitsen van der Vliet]] vuur niks binn te haaln'''
:[[Eanske|EANSKE]] - Seend n [[5 febrewaori|5den februwoari]] is t komplete dialexicon, t grötste digitale wöardebook van t [[Tweants]], gratis binn te haaln op n kompjuter. t Dialexicon was aait al te kriegn, mer dan allene de Tweants-Neerlaandse versie. Doo't [[Goaitsen van der Vliet]] op n 10den november 2011 de Tweantse Taalpries kreeg, beloawn he det he de volledige versie openboar zol maakn, umdet t töt dee tied too weainig gebroekt wör, terwiel dr nen machtigen bult woark en tied in was goan zitn. t Dialexicon is vuur niks binn te haaln van Van der Vliet zinne webstea: [http://members.home.nl/dialexicon/oph.htm http://members.home.nl/dialexicon/oph.htm].

===31 januwoari===
:'''Wedstried: [[Johanna van Buren]] op muziek'''
:In [[Healdern]] wörd t letterkeundige festival Grondtoon eheuln, woerbie [[Neersassies]] en [[muziek]] met mekoar ezat wordt. Dit joar is t vieftig joar eleedn at [[Sallaands]]-[[Tweantse]] dichteresse [[Johanna van Buren]] oet de tied köm. Um det te gedeankn hef t ZinIn Cultuur ne wedstried oet eskreewn vuur heel Oaweriessel, woerbie deelnemmers nen tekst van Van Buren op muziek mut zetn, of zik dr duur loat ingeewn. Elke muziekstiel is good, van [[hiphop]] töt [[symfoniese rock]]. Inskriewn en inzeandn kan tot 1 meart. Heuwdpries is €500,- en dree betaalde optreadns op t [[Zunnewende Festival]].
:<small> (Welle:[http://www.zinin.com/cultuur/projecten/189 zinin.com])</small>

:'''Tweantse Jazzerieje geet interregionaal'''
:Op deenksdag en woonsdagoawnd 6 en 7 meart wordt de vuurroondes vuur de tweede [[Tweants]]e Jazzerieje heuldn. Verskil met vurig joar is det dr dit joar deelnemmers in dialektn oet heel [[Oaweriessel]] met magnt doon, en de [[jazz]]verskes pas noa de vuurroondes op moate skreewn wordt in saamnwarking met de tekstskriewers, komponistn en zängers. Disse nieje verskes wordt dan begeleaidt duur n kombo van ArtEZ-[[konservatorium]]studeantn. Zoaterdag n 26sten mei is de finale op t Internasjonaal Jazzfestival in [[Eanske]]. De heuwdpries is nen mooin bokaal en ne geeldsomme van €1500,-.
:A'j met weelt doon mu'j oe vuur 5 februwoari inskriewn bie [email protected].
:<small>(Welle: [http://www.ijfe.nl/extramenu/Twentse_Jazzerieje/ www.ijfe.nl])</small>

===27 jannewaori===
:'''Huus van de Taol prissenteert een spellingnaokieker veur het Drèents'''
:Naost de [[Nederlands]]e,[[Fries]]e en [[Stellingwarfs]]e spellingnaokieker is het Nederlandse taolroem nou ok een [[Drèents]]taolige spellingnaokieker rieker. De Drèentse spellingnaokieker weur deur het [[Huus van de Taol]] prissenteerd in het previnciehoes in [[Assen]]. Umdebij vieftig lu waren hen Assen gaon um derbij te weden. De neie spellingnaokieker is te bestellen veur tien euro.
:(Bron: [http://huusvandetaol.nl/index.php?option=com_content&view=article&id=935:spellingchecker-prissenteerd&catid=44:meertaol&Itemid=100033 Huus van de Taol])

===26 jannewaori===
:'''Europese commissie minderheidstalen op bezuuk in Drenthe'''
:Gedippeteerde [[Rein Munniksma]] hef dinsdag tiedens een bezuuk van een commissie van deskundigen van de [[Raod van Europa]] anedrungen op snelheid as het giet um erkenning van het Nedersaksisch. De Raod van Europa, die in Straatsburg zetelt, richt zich onder andere op het bescharmen van de minderheidstalen. Gedippeteerde Rein Munniksma hef bij het bezuuk van dizze commissie naodrukkelijk aandacht evraogd veur erkenning van het Nedersaksisch. "Het Nedersaksisch functioneert al jaren op het zogeheten niveau van deel III, maar dit wordt nog niet als zodanig erkend. Voor het Rijk is het slechts een formaliteit de gewenste 'upgrading' door te voeren". Tot nou toe is de anvraog echter nog in behandeling bij de Nederlandse overheid.
:Het Nedersaksisch, anemarkt as minderheidstaal, wordt al vanof 1996 erkend onder deel II van het Handvest voor regionale talen of talen van Minderheden. Um te kieken of de overheden de bepalings van het handvest wel naoleeft komp de commissie regelmaotig kieken in de gebieden waor as de minderheidstalen espreuken wordt. Zij rapporteert hierover en daordeur kan de erkenning in een stroomversnelling komen.
:(Bron: [http://huusvandetaol.nl/index.php?option=com_content&view=article&id=933:europese-commissie-minderheidstalen-op-bezuuk-in-drenthe-&catid=44:meertaol&Itemid=100033 Huus van de Taol])

[[Kategorie:Niejs]]