Difference between revisions 1418750 and 1563601 on ocwiki

Ataülf
<!-- Article redigit en lengadocian -->
[[Imatge:Ataúlfo 01.jpg|thumb|Estatua a Madrid del rei visigòt Ataülf]]
'''Ataülf''' (mòrt a [[Barcelona]] en [[415]]) foguèt rei dels [[visigòts]] de [[Tolosa]]. Son nom ven del [[germanic]] ''atha wolf'' (lop nòble). Èra fraire de la femna del cap visigòt [[Alaric I]]. Son primièr prètzfach conegut foguèt lo comandament d'un còrs de renfortiment de [[gòt]]s e d'[[un]]s per ajudar Alaric I après lo primièr sètge de [[Roma]] (409). Pendent lo segond sètge, l'annada seguenta, l'emperaire [[Prisc Atal]] o nomenèt ''Comes Domesticus''. Succediguèt a son cunhat, lo primièr cap visigòt, Alaric I, e pogèt sul tròn a la fin de [[410]] o al començament de [[411]], mentre que los visigòts èran en [[Calàbria]]. L'ensag de passar al nòrd d'Africa fracassèt, doncas que dirigiguèt los visigòts vèrs lo nòrd d'Itàlia e, après passar los [[Alps]] en [[412]], ocupèt [[Provença]] e [[Aquitània]], que i prenguèt [[Narbona]], [[Tolosa]] e [[Bordèu]] ([[413]]). En [[414]] s'establiguèt a Narbona, ont se maridèt amb Galla Placídia, filha de l'emperaire Teodòsi lo Grand e sòrre d'Onori, alavetz emperaire roman d'Orient, que los visigòts l'avián [[Sequestracion|sequestrada]] pendent lo sètge de Roma de 410, e que foguèt obligada de los seguir pendent totas las expedicions. A partir d'aquel moment, Ataülf ensagèt d'obtenir l'amistat dels romans, mas la responsa romana foguèt lo blocatge dels pòrts de la [[Narbonesa]] dirigit dempuèi Arle pel general Constanci. Embarrat, Ataülf traversèt los [[Pirenèus]] en 415 e prenguèt [[Barcelona]] coma basa novèla. Dins aquela ciutat nasquèt lo filh qu'aguèt de Galla Placídia, apelat Teodòsi en memòria de son [[grand]], coma testimoniatge de l'interès per ligar amb la tradicion romana; mas l'enfant moriguèt après uns paucs meses. En agost de [[415]], Ataülf foguèt [[assassinat]] pels meteis gòts, probablament pel partit antiroman, opausat a la politica d'aprochament a Roma qu'Ataülf aviá practicat pendent las darrièras annadas. Li succediguèt [[Sigeric]].

== Vejatz tanben ==
*[[Reialme visigòt de Tolosa]]
{{clr}}
{{Debuta dinastia}}
{{Inserir dinastia 
 | abans   = [[Alaric Ièr]]
 | nom     = [[Lista dels sobeirans visigòts|Rei dels Visigòts]]
 | periòde = ([[410]]-[[415]])
 | aprèp   = [[Sigeric]]
}}
{{Fin dinastia}}

[[Categoria:Rei visigòt]]
[[Categoria:Decès en 415]]

[[an:Ataúlfo]]
[[bg:Атаулф]]
[[ca:Ataülf]]
[[cs:Athaulf]]
[[de:Athaulf]]
[[en:Ataulf]]
[[es:Ataúlfo]]
[[fa:آتولف]]
[[fr:Athaulf]]
[[fy:Ataulf]]
[[gl:Ataúlfo]]
[[got:𐌰𐌸𐌰𐍅𐌿𐌻𐍆𐍃/Aþawulfs]]
[[he:אטהאולף]]
[[hr:Ataulf]]
[[hu:Athaulf nyugati gót király]]
[[it:Ataulfo]]
[[ja:アタウルフ]]
[[ka:ათაულფი]]
[[la:Ataulfus (rex Visigothorum)]]
[[nl:Athaulf]]
[[nn:Athaulf]]
[[no:Ataulf]]
[[pl:Ataulf]]
[[pt:Ataúlfo]]
[[ru:Атаульф]]
[[sh:Ataulf]]
[[sk:Athaulf]]
[[sr:Атаулф]]
[[sv:Ataulf]]
[[tr:Ataulf]]
[[uk:Атаульф]]⏎
[[zh:阿陶尔夫]]