Revision 1770097 of "Gonzalo de Berceo" on ocwiki

<!--Article redigit en lengadocian-->
'''Gonzalo de Berceo''' ([[Berceo]], [[La Rioja]], c. [[1197]]-c. [[1264]]) es lo primièr poèta de lenga [[espanhòl]]a que son nom nos siá arribat. 

== Biografia ==
Foguèt un clergue (non pas un monge, coma se crei generalament, mas laïc) que trabalhèt coma notari dels [[monastèri]]s de San Millán de la Cogolla e de Silòs. Recebèt un ensenhament fòrça complèt d'estudis generals (un predecessor medieval de las modèrnas universitats) a [[Paléncia]] (los primièrs en Espanha) e foguèt lo màger escrivan del [[mestièr de clerecia]]. Per crear una lenga literària, introdusiguèt de nombroses mots [[latin]]s (cultismes) en mai de formulas de la literatura orala tradicionala e del [[mestièr de joglaria]]. Trabalhèt tanben coma notari eclesiastic per aqueles monastèris.

Sa [[poesia]] es religiosa, constituida subretot d'agiografias de sants ligats a aqueles [[monastèri]]s: ''Estoria de sennor San Millán'', ''La Vida de Sancta Oria, virgen'' e ''La vida del glorioso confessor Santo Domingo de Silos''. L'òbra mèstra n'es ''Milagros de Nuestra Señora''. Escriguèt tanben ''El duelo que fizo la Virgen María el día de la Pasión de su fijo Jesu Christo'', ''Del sacrifiçio de la messa'', ''De los signos que aparesçerán ante del Juicio'', ''Martiryo de Sant Laurençio'', ''Loores de Nuestra Señora'' e ''Himnos''. 

Tradusiguèt e desvolopèt d'òbras [[latin]]as anterioras ; son originalitat e son caractèr artistic venon del tractament dels tèmas, de l'estil e dels detalhs costumbristas e de las adaptacions a la mentalitat medievala e païsana. Sa poesia es culta amb d'elements populars e tradicionals ; l'estròfa utilizada es la ''quaderna via'' o tetrastròfs d'una sola rima, que consistisson en quatre vèrses [[alexandrin]]s (de catòrze sillabas) separats cadun en doas mitats de sèt sillabas per una cesura (pausa obligatòria dintre d'un [[vèrs]]) que coïncidís amb fin de mot e de grop fonic, çò qu'empacha de [[sinalèfa]], e amb una sola rima consonanta dins totes los vèrses).

== {{Cita|''Milagros de Nuestra Señora''}} == 
Una introducion [[Allegoria|allegorica]] presenta l'autor dins una [[natura]] idealizada, que simboliza las vertuts e las perfeccions de la [[Maria (maire de Jèsus)|Verge]]. De contunh, se succedisson vint-e-cinc miracles realizats per la Verge Maria en favor de sos devòts. L'autor emplega d'elements quotidians e de l'art [[mestièr de joglaria|juglaresc]] per atirar son public. A la fin de cada relat i a un ensenhament [[Morala|moral]] en favor de la devocion mariala. 

[[Categoria:Literatura espanhòla|Berceo]] 
[[Categoria:Escrivan de lenga espanhòla|Berceo]]