Revision 1901619 of "Manchokuò" on ocwiki

{{Infobox
|tematica=
|carta=
}}
<!-- Article redigit en lengadocian -->
[[Fichièr:Flag of Manchukuo.svg|thumb|150px]]
[[Fichièr:Manchukuo Coat Of Arms.svg|thumb|150px]]
[[File: Manchukuo map.png|thumb|250px|right]]
'''Manchokuò''' (literalament: {{cita|Nacion de [[Manchoria]]}}) foguèt un [[estat]] nominalament independent, installat e contrarotlat pels japoneses, qu'existiguèt entre 1931 e 1945 en [[Manchoria]], al nòrd de [[China]]. 

=== Populacion de las ciutats principalas ===
* [[Yingkou|Yingkow]] (119 000 o 180 871 en 1940)
* [[Mukden]] (339 000 o 1 135 801 en 1940)
* [[Changchun|Hsinking o Changchung]] (126 000 o 544 202 en 1940)
* [[Harbin]] (405 000 o 661 948 en 1940)
* [[Dalian]] (400 000 o 555 562 en 1939)
* [[Dandong|Antung]] (92 000 o 315 242 en 1940)
* [[Jilin (vila)|Jilin]] (119 000 o 173 624 en 1940)
* [[Qiqihar]] (75 000 en 1940)

== Istòria ==
[[Manchoria]] foguèt jos l'influéncia russa per causa de la construccion del camin de fèrre a Vladivostok. [[Japon]] remplacèt aquela influéncia russa après la Guèrra Russojaponesa de 1904, e installèt la linha Mandchou Sud en [[1906]] fins a Pòrt Arthur (en japonés: Ryojun). Entre la primièra e la segonda guèrras mondialas, Manchoria se transformèt en un camp de batalha politica e militara. L'influéncia japonesa s'estendèt après lo caòs de la Revolucion Russa, mas l'[[URSS]] reprenguèt parcialament lo contraròtle a partir de 1925. Après ocupar Manchoria en [[1931]], Japon declarèt la zona independenta de [[China]] lo [[18 de febrièr]] de [[1932]], jol nom de Grand Estat Manchó de China. Changchun foguèt causida per capitala e renomenada ''Xinjing'' o {{citacion|Capitala Novèla}}. [[Puyi]], lo darrièr emperaire de la dinastia manchó Qing, foguèt flocat en 1932 pels japoneses coma cap del govèrn e en [[1934]] coma emperaire de Manchokuò. Lo país es nomenat ''Grand Empèri de Manchokuò''. Lo territòri es separat de [[China]] e, gràcias als investiments japoneses e a sas pròprias ressorsas naturalas, ven una poténcia industriala. A son torn, l'economia japonesa, estofada per la crisi comerciala mondiala derivada de la Granda Depression, trapa dins l'expansionisme la possibilitat d'obténer, amb de condicions avantatjosas, un mercat per sas manufacturas e una fònt de matèrias primièras. Una resolucion de la [[Societat de las Nacions]] declarava que lo territòri contunhava de far partida de [[China]]; aquesta foguèt una de las rasons que portèron [[Japon]] a daissar la SDN en [[1934]]. En agost de [[1945]], après lo lançament de la primièra bomba atomica a [[Hiroshima]], l'Union Sovietica declarèt la guèrra a l'Empèri de Japon, e ocupèt Manchokuò. A la fin d'agost la derrota nipona es totala, e l'Emperaire de Manchokuò, [[Puyi]], es arrestat e las institucions governamentalas de Manchokuò son desmanteladas. Après la [[Segonda Guèrra Mondiala]], la [[Republica Populara de China]] recuperèt la sobeiranetat de Manchoria, ont mantuna fòrça del Partit Comunista de [[China]] aviá establit de punts fòrts.

[[Categoria:Manchoria]]