Revision 1963681 of "Eròdes Antipas" on ocwiki

{{Infobox
|tematica=
|carta=
}}
'''Eròdes Antipas''' (20 abC - [[Sent Bertran de Comenge]], après [[39]], Ἡρῴδης Ἀντίπατρος ''Herodes Antipatros'' en [[grèc (lenga)|grèc]]) foguèt, de 4 abC a son [[exili]] en 39, tetrarca de [[Galilèa]] e de [[Perèa]]. 

Èra filh d'[[Eròdes lo Grand]] e de Malthace. Educat a [[Roma]] amb son fraire Eròdes Arquelau e son frairastre Eròdes Boet, [[August]] li autregèt la tetrarquia de Galilèa e de Perèa a la mòrt de son paire. Repudièt son esposa legitima, filha d'Aretas IV, rei dels nabatèus (reialme arabi que sa capitala èra Petra) per fin de contractar un maridatge escandalós amb Erodias, molher de son frairastre Eròdes Boet. Enforiscat, Aretas ataquèt Eròdes; sembla que l'intervencion del governador roman de Siria, Vitèlli, evitèt sa derrota complèta. 

Contunhant la tradicion de son paire, foguèt lo responsable de la construccion de nombroses bastiments grands. Fortifiquèt [[Seforis]] (sa primièra capitala) en Galilèa e Bethharan en Perèa e fondèt la ciutat de [[Tiberiàs]], a la broa del [[Lac de Tiberiàs]] (que venguèt sa segonda capitala, batejada en l'onor de l'emperaire [[Tibèri]]).

En 39 demandèt a [[Caligula]], tornar nomenat emperaire, la corona de [[Judèa]] que son titular èra son nebot Eròdes Agripa I. En responsa Agripa l'acusèt d'aver concertat una aliança secrèta amb los parts contra Roma çò que le valguèt d'èsser deportat per Caligula, el e sa femna Erodias, a Lugdunum Convenarum ([[Sent Bertran de Comenge]]) dins los [[Pirenèus]] ont moriguèt.

[[Categoria:Personalitat de la Roma antica]]