Difference between revisions 33883 and 33884 on pflwiki

{{inuse|Skipper Michael}}⏎
⏎
[[Datei:Langhammer - Josef Bürckel.jpg|miniatur|hochkant|Josef Bürckel]]
'''Josef Birgl''' (gschriwwe: "Bürckel", * 30. März 1895 in Lingefeld ([[Palz (Reg.Bez.)|Palz]]); † 28. Sebdemba 1944 in [[Naischdadt]]) waa Sozialisd bis ufs Blud, Nazionalisd bis in die Knoche un NSDAP-Fungzionäa (Gaulaida, Raichskommissaa, Raichsschdaddhalda), awwa voa allen, iwwa allem, bai allem un zu allaärschd wara Pälza mid Laib un Seele.
<ref name="Klee82">Ernst Klee: ''Das Personenlexikon zum Dritten Reich: Wer war was vor und nach 1945?'' Fischer-Taschenbuch-Verlag, Frankfurt am Main 2007, S. 82</ref><ref name="bzpb">Bayerische Landeszentrale für politische Bildungsarbeit: ''"Einsichten und Perspektiven"'' Themenheft 02/2006 [http://192.68.214.70/blz/eup/02_06_themenheft/14.asp (hier online)]</ref>

== Famije un Lehraausbildung ==
Als Jingschdes vum Birglbegga soine Viere issa uf die Realschul in [[Kallsruh]] gonge un donn ab 1909 in die Lehrabildungsooschdald in [[Schbaya]]. Die Lehrabildungsooschdalde hen sellemols ärschd es Allgemoiwisse ufs Niwo vun Owwarealschule un Gymnasie õõghowwe, um donn die aischndlisch Lehraausbildung noozleje. 

1914 bis 1916 is de Birgl als Fraiwillscha an die Frond gonnge, 1915 hodda im Urlaub soi ärschd Exame abglehd un als Õõwärda in [[Lingefeld]], [[Rambärch]], [[Bellem]] und [[Minfeld]] unnarischd.

1918 issa noomol on die Frond gonge un 1919 hodda soi zwäd Exame bschdonne un waa bis 1920 in [[Roxm]], dann in [[Rodalwe]] und ab 1927 in [[Mußbach]] Lehra.

1920 hodda soi Hila Schbies (gschriwwe: "Spies") ghaijad, wu em zwää Buuwe gschängd hod, de Josef un de Hermann<ref>Hans Fenske: ''Josef Bürckel.'' In: ''Pfälzer Lebensbilder'', Band 6, Schbaya 2001, S. 321 ff.</ref>. 

Dorsch soi kadholisch Äldanhaus waan em de Määnza Bischof vun Keddela un däm soi Kadholisch Soziallea vadraud un dorsch soi Arfahrunge im Beruf un im Feld äs soziale Elend im Induschdriebroledariad wie inde ärmlische Londwäddschafdsgebiede - Birgl wurd Sozialisd. Soi Gschichdskänndnis un all die alde Pälza Ärzählunge hänen zur Iwwazoischung gebrung, doß die Palz allääns sisch ned halde kännd un zume Leggabisse fär [[Frongraisch]] wärre dääd - Birgl wurd Nadzionalisd. Kää Wunna, doßa sich de NSDAP zugwand hod un noo därre iam Vabod waida geje de Sebaradismus gekämbd hod. Dodebai wolld de Birgl dorschaus ned bai Bayan blaiwe, ä audonomi Palz wäärem es Heechschde gewäsd, awwa uf daidschm Schdaadsgebied, ned uf fronzeesischm.

== Polidisch Laufbahn ==
So waas kää Wunna, doß de Birgl schun bald in de Padai un do im owware Bereisch waa. Die LzpB Bayan duud dodezu de Gerhard Paul zidiere:<ref>Gerhard Paul, Josef Bürckel – Der rote Gauleiter, in: Ronald Smelser/Enrico Syring/Rainer Zitelmann (Hg.), Die braune Elite,
Bd. 2, Darmstadt 1999, S. 51–65, hier S. 53.</ref> (de)
:''Seit April 1926 war er Gauleiter der pfälzischen NSDAP, wohl erst kurz danach trat er der Partei offiziell bei. Er entwickelte sich zu einem der profiliertesten, als besonders volksnah geltenden Politiker auf der Ebene der Gauleiter und gehörte zum linken Flügel der NSDAP um Gregor Strasser. Dementsprechend galt die Rheinpfalz auch als „roter Gau“ oder „Strasser-Gau“.''
Des klingd plausiebla un paßd aach bessa zu dem Mõõ als wie selles, was onna Wikipedie oobiede duun.

Am 3. Mai 1933 issa aach de kommissarische Gaulaida färs Saargebied worrn. Des waa also zwää Joa voa de Saaabschdimmung vum 13. Jenna 1935, die wu de „Wiedaooschluß“ vum Saagebied gebrung hod. Die Saaabschdimmung waa soi Ufgab un die hodda glänznd gleesd: Saagau un Palzgau hodda zum Saa-Palz-Gau zammeglehd. Gaulaida wara bis zu soim Tod. 

Zwische 1935 un 1936 waa Birgl „Reichskommissar für die Rückgliederung des Saarlands“. Dodemid hodda die Posizion vunärrem Reichschdaddhalda ghad, awwa ohne Regierung, wu em enoigequadschd hod.

Als beliebdschda Gaulaida un erfolgraischa "Macher" vum Saaooschluß hodde Birgl 1938 de Uffdrooch griehd, die eesdraichisch NSDAP zu reorgnisiere un es Plebiszid zum Ooschluß vun [[Eesdraisch]] voazubraide. Schun im Juli hodda des Kommissaa-Uuwese unna Kondroll gebrung un noode Abschdimmung wara 1939 und 1940 Gaulaida in Wien, Raichsschdaddhalda vunde Oschdmaak und Raichsvadaidichungskommissaa (Wehrgrais XVII). Newwa all soi Ufgawe im Weschde.

Noom Waffeschdillschdand mid Frongraisch waara aach Chef vunde Ziwilvawaldung vun Lodhringe un ab em 11. März 1941 Raichsschdaddhalda inde Weschdmaak.

== Birgl un die Judde ==
Birgl waa Andisemid wie sellemols mea orra weenscha jeda zwädd orra dridd Middloiropäa. Ea waa weda fanadischa Judehassa noch so än kriminelles Monschda wie de Eichmann un zu däm sadisdische Abschaum, wia inde KZs zu finne waa, hodda aach ned ghead. Daß de Sadz ''"die Färschde hädde kää Griesche gfiad, wonn die Judde se ned finanziad hädde"'' wägglisch vun ihm schdamme duud, wärd sich wohl nimmi beleesche losse, awwa ea baßd zuem un kennzaischnd soi Haldung.

Ea hod die Idee vum Hidla vunärrem Juderesärwad im Oschde unnaschdidzd un hod 1939 iwwa 2000 Judde aus Wien noo Nischko depordiere geloßd un 1940 zamme mim Wagna (Gaulaida Bade) iwwa 6000 Judde aus Bade unde Saapalz in uubsedzde Frongraisch.<ref>Gschbrächsnodiz Midde bis Ände vunde 70a Joa, älda Frau aus Naischdadt: "Die Judde? Ach Godd nee, aischndlisch waan sem egal, ea wolldse när meechlischd schnell aus de Fieß hän. Va'achd hodda se als Peffasägg un Schädlinge, awwa mea als wie ä Umsiedlung wollda aach ned zu vaandwodde hän."</ref>



{{inuse|Skipper Michael}}⏎
⏎

== Äänzlnoowaise ==
<references />




[[Kategorie:Pälzer Perseenlischkaide]]

<!-- [[de:Josef Bürckel]] -->