Difference between revisions 41624 and 42370 on pflwiki

[[Datei:Langhammer - Josef Bürckel.jpg|miniatur|Josef Bürckel]]
'''Josef Birgl''' (gschriwwe: "Bürckel", * 30. März 1895 in Lingefeld ([[Palz (Reg.Bez.)|Palz]]); † 28. Sebdemba 1944 in [[Naischdadt]]) waa Sozialisd, Nazionalisd un NSDAP-Fungzionäa (Gaulaida, Raichskommissaa, Raichsschdaddhalda).
(contracted; show full)

Noom Waffeschdillschdand mid Frongraisch waara aach Chef vunde Ziwilvawaldung vun Lodhringe un ab em 11. März 1941 Raichsschdaddhalda inde Weschdmaak.

== Birgl un die Judde ==
Birgl waa Andisemid
 wie sellemols mea orra weenscha jeda zwädd orra dridd Middloiropäa. Ea waa weda fanadischa Judehassa noch so än kriminelles Monschda wie de Eichmann un zu däm sadisdische Abschaum, wia inde KZs zu finne waa, hodda aach ned ghead. Daß de Sadz ''"die Färschde hädde kää Griesche gfiad, wonn die Judde se ned finanziad hädde"'' wägglisch vun ihm schdamme duud, wärd sich wohl nimmi beleesche losse, awwa ea baßd zuem un kennzaischnd soi Haldung.

Ea hod die Idee vum Hidla vunärrem Juderesärwad im Oschde unnaschdidzd un hod 1939 iwwa 2000 Judde aus Wien noo Nischko depordiere geloßd un 1940 zamme mim Wagna (Gaulaida Bade) iwwa 6000 Judde aus Bade unde Saapalz ins [[Indernierungslager Gurs]] im uubsedzde Frongraisch.<ref>Gschbrächsnodiz Midde bis Ände vunde 70a Joa, älda Frau aus Naischdadt: "Die Judde? Ach Godd nee, aischndlisch waan sem egal, ea wolldse när meechlischd schnell aus de Fieß hän. Va'achd hodda se als Peffasägg un Schädlinge, awwa mea als wie ä Umsiedlung wollda aach ned zu vaandwodde hän."</ref>

Meechlischawaise isses richdich, diedo ärschde Depordazione schun als Oofang vunde Schoa zu bzaischne - sischa awwa is es falsch, de Birgl mid all dänne Schoa-Märda glaizusedze. In Nischko sin die Judde, wo nimmi genuch hän schaffe gekännd, reschlrächd vajaachd worrn, im uubsedzde Frongraisch waan se iwwhaubd äm Zugriff vun Eichmann ärschdemol ändzooche. Mär konn also mid Fuuch un Räschd saache "voalaifisch geredded".⏎
⏎
== Birgl un soi Palz ==
Fär soi Palz waa em Birgl nix genuuch. Voasichdich hoddase aus Bayan eraugelösd, bisse när nuch uff bayrischm Schdadsgebied un finanziell abhängisch waa. Wäddschafd un Vakea hodda gfäddad un soi schänschdes un greescdes Dengmol hodda sisch aach glai selwad gebaud: die Woischdrooß. 

(contracted; show full)[[de:Josef Bürckel]]
[[en:Josef Bürckel]]
[[fi:Josef Bürckel]]
[[fr:Josef Bürckel]]
[[ja:ヨーゼフ・ビュルケル]]
[[no:Josef Bürckel]]
[[ru:Бюркель, Йозеф]]
[[sv:Josef Bürckel]]