Revision 37349 of "Wikipedia:Haubdsaid/Artikel des Monats/12" on pflwiki

E '''Schopp''' is e klennes Haisl, meeschd aus Holz, fär was drin uffseheewe. Im Holzschopp is zum Beischbiel es Brennholz.

----
:[[Image:Wappen von Schopp.png|right|thumb|100px|Schopper Wappe]]
'''Schopp''' (uff pälzisch genauso geschproch wie uff Hochdeitsch), is e Dorf mit uugefehr 1700 Innwohner in de Verbandsgemää Lautre-Sied im [[Krääs Lautre|Krääs Lautre]].

<big><u>Wo leit’s genau?</u></big>

:[[Image:Ortsansicht Schopp.jpg|right|thumb|150px|Schopp von Kriggebach aus gesieh. Im Hinnergrund Schmaleberg]]
Schopp leit am Hang vom Humberg, der wo uugefehr 420m hoch is, hie zum [[Moosalbdaal]]. Bis [[Lautre]] sinns knapp 13 Kilometer. Es is e Dääl vom „Holzland“, das is e Schdick vom [[Pälzer Wald]] wo schon immer aarich schääne Bääm wachse. Die Gemää hat iwwer de Daume 800 Hegdaar Wald mit me Haufe scheene Funierääche drin. Zum Holzland geheern sonscht noch Helderschberg, Schmaleberg, Fischbach (Waldfischbach), Geise’berg unn Schdääalwe.

<big><u>Was war frieer?</u></big>

Es erschde mol in de Urkunde find sich Schopp 1345, wo’s de Herrschaft Wileschdää zugerechelt werd. Es is awwer noogewiss, dass schon die [[Barbarossaburch]] in Lautre mit Schdää von schopper Schdääbrich gebaut wor is. So nemmt mär oo, dass e Schdääbrecher-Hitt de Aafang von de Besiedlung war unn Schopp so zu seim Name komm is. Deswää is so e „Schopp“ a im Wappe von de Gemää drin. Lang is verzeehlt unn geschribb wor, dass der "Schopp" e Zollschopp uff de Schtrooß von Lautre no Bitsch in Frankreich war. Die Geschicht werd awwer a aagezweifelt, weil do weit un breit kä Grenz war, wo Zoll hätt misse kassiert werre, zu denne friehe Zeite.

Nooseweise is a, dass im Gebiet von de Schopper Gemargung schon in de [[Eisezeit]] gesiedelt worr is. Im Pundel (des is e Waldabdäälung) gebbts noch e Hichelgraab aus dere Zeit se sieh.
</br>[[Bild:Nuvola apps xmag.png|20px]] [[Schopp|waidalese ...]]

<noinclude>[[Kategorie:Hauptseite:Ardiggl vum Monad|12]] </noinclude>
<p>