Revision 39260 of "Wikipedia:Haubdsaid/Artikel des Monats/01" on pflwiki

[[Image:Wappen Pirmasens.svg|thumb|right|125px|Wabbe vun de Schtadt Bärmesens]]
Die '''Geschischt vun de Schtadt Bärmesens''' beschreibt die Entwicklung vun ennrer klänne Siedlung om Westrond vum [[Pälzerwald]] zu ennrer Garnisonsschtadt un äm Zentrum vun de [[Daitschlond|deitsche]] Schuhinduschtrie, bis in die Gechenwart.

Ògefong hat's wohl in de Gechend um de Wedebrunne in [[Bärmesens|Bärmesens]]. De Nome hat die Schtadt vum Heilische [[Pirminius|Pirminius]], der wo 742 in de Neh e Kloschder bei [[Hornbach|Hornbach]] ufgebaut hat. Die Siedlung war soi "Waldmark" un is um 750 ògelecht wor. 

Londgraf [[Lui IX. (Hesse-Darmschtadt)|Lui IX. vun Hesse-Darmschtadt]] hat aus'em Derfel im 18. Johrhunnert e Garnisonsschtadt gemacht. Im 19. Johrhunnert is die Schuhinduschdrie gewaltich ufgeblieht un so is'es bis zum End vun de 1970er Johre geblib.

<u><big>Erschdi Besiedlung</big></u>

'''Bronzezeitlichi un keldischi Besiedlung'''

Die äldeschde Besiedlungsschbure in Bärmesens hat ma 1930 zwische'm [[Erlehof|Erlehof]] un'em [[Kettrichhof|Kettrichhof]] gefunn, un zwar e Feld aus zeh Grabhichel. De Hoimatforscher [[Oskar Schäfer]] hat bei Grabunge vier defu uffgemach. Do ware Skelett, Schdä- und Brondgräber drin, die näwer Skelette un Knochereschde a Schmuck un Waffe aus vaschiedene Epoche enthalt honn. 

Die ältschde Bronzefunde hat ma uf die frieh [[Brozezeit]] (2000 - 1900 v. Chr.) datiert, onnere de Hallschdatt- (700 - 550 v. Chr.) un de La-Tène-Zeit (5. - 1. Jhd. v. Chr) zugeordnet. Die Funde hat ma em Hoimatmuseum in Bärmesens iwwergeb, die onnere Grabhichel hat ma net ufgemach.
Onnere keltische Schbure hat ma in de Neh vun [[Gerschbach|Gerschbach]] un [[Windsberch|Windsberch]] gefunn, des sin heit Schtadtdäle vun Bärmesens.</br>[[Bild:Nuvola apps xmag.png|20px]] [[Geschicht vun de Schtadt Bärmesens|waidalese ...]]
<noinclude>[[Kategorie:Hauptseite:Ardiggl vum Monad|01]] </noinclude>
<p>