Difference between revisions 275 and 276 on satwiki

Wikipedia Se Ukipiḍia do Cet́ kana
Ukipiḍia(englishte do Wikipedia) do hoyoḱ kana mit́goṭen aema pạrsite, Website re menaḱ, Khulạsa babot reaḱ Akil-murạe reaḱ project. Eṅglishte “Wikipedia” katha do hećakana “Wiki”, okareaḱ mane do goṛo kạmi hotete tear akan Website ar “Encyclopedia” noa barea katha khon. Ukipiḍiare menaḱ regisṭry ko do laṛcaṛićaḱ goṛo thuti sãote eṭagaḱ joṛao ko hõe uduga.
Ukipiḍia do go̠ṭa dhạrtiren bin kạwḍite kạmiạko goṛo̠ kạmi ho̠tete teraakana. Inṭarneṭ são̠te menae jahãe hoṛge noa ukipiḍia reaḱ menaḱ o̠no̠lko̠ bodo̠l se no̠are thutiko̠ jo̠̠ṛao daṛeaḱa. 2001 sal re noa kạmi etohoṕ po̠r kho̠nge no̠a reaḱ regiṭriko do̠ baṅ pạtio̠ḱ lekate jạsti idiḱ kana. Nito̠ḱ noa do̠ dhạrti mudre jo̠to̠ kho̠n so̠ro̠s thutiko menaḱ website kana. Nahaḱ 2011 salre 8 kuṭi 89 lakh hoṛ noa ukipiḍia hirikeda. Nonḍe do̠ sanam o̠ktere 79,570 gan kạmiko kạmikeda. O̠ko̠e ko̠ ko̠ kạmiket́ unkuaḱ do 1kuṭi 30 lakh kho̠n jạsti registry tahẽkana ar 260 khon jạsti pạrsite. Teheńaḱ hisạb lekate baṅla ukipiḍia re do registry menaḱa 23,536 gan. Dinạm hilạḱ hajare mit́ sãe gan ho̠ṛ do̠ khạli thutiko̠ hatao̠ lạgit́te ukipiḍia ko hirieda, o̠kọe ko̠ do̠ hajarre go̠ṛpo̠ṛta gel goṭen kạmiko̠ purạeda ar dinạm hilo̠ḱ hajar kho̠n jạsti registry no̠a ukipiḍia ńutumanaḱ ạkil-murạe re ko̠ o̠ṅso̠ṅo̠ḱ kana.
Ukipiḍia re o̠l lạgit́ te do jahan asokae lekman jaruṛ bạnuḱa. Ukipiḍia do̠ ho̠yoḱ kana akil reaḱ ḍiṛmi, o̠nate jãhãnaḱ nãwã research kạmi no̠nḍe do̠ alo̠m teara. Metaḱme, sanam umạren, sanam so̠majren ar pạrsiren ho̠ṛko̠ do̠ no̠nḍeko ol daṛeaḱa. O̠ko̠eaḱ do̠ inṭarneṭ menaḱ taea, unige sanam kho̠n jạsti kạmiye so̠mpado̠n daṛeaḱa. Khạli sanam o̠no̠lko̠ cetanre “so̠mpado̠n” o̠lre lin lekhange.  No̠nḍe do̠ sanamko̠ thuti em, bacho̠en thuti reaḱ rehet em lạgit udgạo̠e emama; tin hạbić o̠nko̠ do kạmiko̠ ukipiḍia reaḱ ạn ar niyom lekate bhitri khon mit́ṭen jo̠jaḱ ado̠rso̠re kạmiko̠ purạo̠. Adorso bad katet́ se bhinạ bhini thuti do̠ getgiḍiḱ. Laṛcaṛić do̠ ukipeḍiare thuti joṛao se rakaṕ idiyre vul thuti em lạgit́te bhabnaḱ jaruṛ bạnuḱa, Cedaḱ je eṭaḱ laṛcaṛko̠ poramos lekate se pusṭaote vul get giḍi ho̠tete ukipiḍia reaḱ samaṅ seć calaḱ dahar do̠ usạraḱa. O̠na chaḍa ukipiḍia reaḱ so̠fṭware do̠ no̠ṅka benao̠ akana o̠ka, vul katet́ so̠mpado̠n ho̠e tahẽlen khan o̠na do̠ arhõ sedae lekate ruạṛ hạjuḱa.
Jelekate ukipiḍia kạmi reaḱ mit́ṭen calao idiḱkan proses kana ar niyom lekate jãhãege no̠nḍe ko kạmi daṛeaḱa, o̠nate no̠a do moneyanaḱ sodor thuti rehet khon do eṭakgea. Pusṭao̠tem menogoḱa mare o̠nolko̠ nãwã onol khon ạḍi mo̠j ar kisạṛgea, okare nãwãnaḱ ńeloḱa, thuti bạnuḱa, baṅ ạkilan kuṭrạ se rạpudoḱ babotko menaḱa. O̠nate nãwã jo̠ṛao̠ se o̠kako̠ vul thuti nit hõ baṅ get giḍiakana, o̠nako̠ kho̠n so̠nto̠r tãhen. Arhõ ukipiḍia do̠ dinạm hilo̠ḱge halot ruaṛ daṛeam, o̠ka do̠ so̠do̠r akil murạe re baṅ hoyoḱa. Metaḱme ukipiḍia re dhạrti ạcuroḱ saõte tal milạo̠ katet́, so̠do̠ren ạkil-murạe reaḱ cando̠, se umạr tulaote; sekenḍ, miniṭ se ghạṛi pharaḱte nãwã restry ar halot ruạṛ daṛeyaḱam.
Am do judil nit hõ noa bam paṛhao̠ akat́ khan tabe ale do am thoṛa ghạṛite ukipeḍia cet́ baṅ kana, o̠na paṛhao̠le neo̠tayet́me kana jate amem bujhạo̠ daṛeaḱ ukipeḍia reaḱ go̠ṛo̠ am do̠ o̠kare lạgit́em hatao̠a ar arc et́ lekate am do ukipiḍiarem kạmi daṛeyaḱa. Mukhiạ ar hõ thoṛa babo̠t cetanre thuti latar re em menaḱa. Am judil bam sendra ńam daṛeaḱ khan, am cet́em sendra kana, tobe kupuliko̠(FAQ), Go̠baba lạgit́ go̠ṛo̠ re sendrae me se o̠karem kulia ńelme. Ukipeḍiare so̠mpado̠na ar eṭagaḱ lạgit́te goṛo emre go̠ro̠ suci ńelme.