Revision 13657 of "ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ" on satwiki

[[File:Tilka_Majhi.jpg|thumb|ᱛᱤᱞᱠᱟᱹ ᱢᱟᱺᱡᱷᱤ ᱢᱩᱴᱷᱟᱹᱱ]]

'''ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ''' ᱫᱚ ᱵᱤᱦᱟᱨ ᱯᱚᱱᱚᱛ ᱵᱷᱟᱜᱚᱞᱯᱩᱨ ᱦᱚᱱᱚᱛ ᱥᱩᱭᱛᱟ.ᱜᱚᱸᱡᱽ ᱛᱷᱟᱱᱟ ᱛᱤᱞᱚᱠᱯᱩᱨ ᱟ.ᱛᱩᱨᱮ ᱢᱤᱫ ᱯᱟᱨᱜᱟᱱᱟ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟ ᱑᱑. ᱒. ᱑᱗᱕᱐ ᱥᱟᱞᱮᱨᱮ ᱾

  ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ ᱫᱚ ᱜᱤᱫᱽᱨᱟᱹ ᱠᱷᱚᱱ ᱜᱮ ᱡᱚᱥ ᱥᱟᱨ ᱛᱩᱧ, ᱜᱤᱸᱰᱩᱣᱟ.ᱨᱤ ᱪᱟᱯᱟᱫ, ᱥᱟᱶᱛᱮ ᱠᱷᱟᱸᱰᱟ ᱠᱟ.ᱯᱤ ᱦᱩᱨᱞᱟ. ᱮᱢᱟᱱ ᱛᱮᱢᱟᱱ ᱦᱟ.ᱛᱭᱟ.ᱨ ᱨᱮᱭᱟᱜ ᱵᱮᱵᱷᱟᱨ ᱦᱚᱸᱭ ᱥᱮᱬᱟ ᱞᱮᱫ ᱛᱟᱦᱮᱸᱱ ᱾ ᱵᱚᱸᱜᱟ ᱵᱳᱨᱳ ᱥᱮᱵᱟ ᱫᱮᱵᱟ ᱦᱚᱸ ᱜᱤᱫᱽᱨᱟᱹ ᱠᱷᱚᱱ ᱜᱮ ᱟ.ᱰᱤ ᱡᱩᱨ ᱮ ᱨᱟ.ᱥᱠᱟ.ᱜ ᱛᱟᱦᱮᱸᱱ ᱾ ᱢᱤᱫ ᱯᱟᱨᱜᱟᱱᱟ ᱚᱲᱟᱜ ᱨᱮ ᱡᱟᱱᱟᱢ ᱠᱟᱛᱮᱭ ᱦᱟᱨᱟᱵᱩᱨᱩ ᱞᱮᱱ ᱛᱮ ᱟᱡ ᱦᱚᱸ ᱚᱠᱛᱚ ᱡᱟ.ᱱᱤ ᱜᱮ ᱵᱤᱪᱟ.ᱨ ᱟᱪᱟᱨ ᱧᱮᱞ ᱟᱨ ᱟᱸᱡᱚᱢ ᱨᱮᱭᱟᱜ ᱛᱟᱠ ᱮ ᱧᱟᱢ ᱞᱮᱜᱼᱟ ᱾ ᱥᱟᱶᱛᱮ ᱟᱡ ᱦᱚᱸ ᱢᱟᱺᱡᱷᱤ ᱟᱨ ᱯᱟᱨᱜᱟᱱᱟ ᱠᱟ.ᱢᱤ ᱟ.ᱰᱤ ᱱᱟᱯᱟᱭ ᱛᱮᱭ ᱛᱚᱨᱟᱣ ᱞᱮᱜᱼᱟ ᱾ ᱫᱤᱠᱩ, ᱢᱩᱥᱞᱟ. ᱥᱟᱶᱛᱮ ᱦᱤᱸᱫᱩ ᱠᱚᱦᱚᱸ ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ ᱫᱚ ᱟ.ᱰᱤ ᱡᱩᱨ ᱠᱚ ᱢᱟᱱᱟᱣ ᱵᱟᱛᱟᱣ ᱞᱮᱫᱮᱭᱟ ᱾ ᱠᱤᱥᱟ.ᱬ ᱦᱚᱲ ᱠᱚ ᱞᱟ.ᱜᱤᱫ ᱡᱟᱦᱟᱸ ᱞᱮᱠᱟ ᱢᱟ.ᱱ ᱢᱚᱦᱚᱛ ᱛᱟᱦᱮᱸ ᱠᱟᱱᱟ ᱩᱱᱟ.ᱝ ᱜᱮ ᱫᱟᱭᱟ ᱫᱩᱞᱟ.ᱲ ᱨᱮᱸᱜᱮᱡ ᱚᱨᱮᱡ ᱪᱮᱛᱟᱱ ᱨᱮᱦᱚᱸ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱚᱱᱟᱛᱮ ᱟᱡ ᱫᱚ ᱟ.ᱰᱤ ᱡᱩᱨ ᱠᱚ ᱢᱟᱱᱟᱣ ᱵᱟᱛᱟᱣ ᱮ ᱛᱟᱦᱮᱸᱱ ᱾ ᱡᱟᱦᱟᱸ ᱠᱷᱟ.ᱛᱤᱨ ᱤᱱᱟ. ᱚᱠᱛᱚ ᱨᱮᱫᱚ ᱵᱟ.ᱲᱛᱤ ᱠᱩᱸᱵᱽᱲᱩ ᱵᱩᱠᱲᱩ ᱦᱚᱸ ᱵᱟᱠᱚ ᱛᱟᱦᱮᱸ ᱠᱟᱱᱟ ᱾ 
===ᱵᱚᱸᱜᱟ ᱵᱳᱨᱳ ᱫᱮᱵᱟ ᱥᱮᱵᱟ ===

  ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ ᱫᱚ ᱵᱚᱸᱜᱟ ᱵᱳᱨᱳ ᱫᱮᱵᱟ ᱥᱮᱵᱟ ᱨᱮᱦᱚᱸ ᱟ.ᱰᱤ ᱡᱩᱨ ᱮ ᱨᱟ.ᱥᱠᱟ.ᱜ ᱛᱟᱦᱮᱸᱱ ᱾ ᱚᱱᱟᱛᱮ ᱫᱤᱱ ᱦᱤᱞᱚᱜ ᱜᱚᱥᱟᱬᱮ ᱛᱷᱟᱱ ᱨᱮ ᱵᱚᱸᱜᱟ ᱵᱳᱨᱳᱭ ᱫᱮᱵᱟ ᱥᱮᱵᱟ ᱠᱚ ᱛᱟᱦᱮᱸᱱ ᱾ ᱱᱚᱶᱟ ᱠᱚ ᱠᱟ.ᱢᱤ ᱫᱤᱱ ᱦᱤᱞᱚᱜ ᱤᱸᱜᱽᱨᱟ.ᱡᱽ ᱯᱷᱟ.ᱫᱽᱨᱤ ᱫᱚᱠᱚ ᱧᱮᱞ ᱡᱚᱝ ᱛᱟᱦᱮᱸᱱ ᱾ ᱢᱤᱫ ᱫᱤᱱ ᱦᱤᱞᱚᱜ ᱫᱚ ᱜᱚᱥᱟᱬᱮ ᱛᱷᱟᱱ ᱨᱮ ᱵᱚᱸᱜᱟ ᱵᱳᱨᱳᱭ ᱫᱩᱲᱩᱵ ᱟᱠᱟᱱ ᱚᱠᱛᱚ ᱨᱮ ᱢᱤᱫ ᱤᱸᱜᱽᱨᱟ.ᱡᱽ ᱯᱷᱟ.ᱫᱽᱨᱤ ᱦᱮᱡ ᱠᱟᱛᱮᱭ ᱢᱮᱛᱟᱭ ᱠᱟᱱᱟ, " ᱮᱛᱮ ᱜᱳ ! ᱛᱤᱞᱠᱟ. ᱢᱟᱺᱡᱷᱤ ᱱᱚᱶᱟ ᱫᱷᱤᱨᱤ ᱫᱤᱱ ᱦᱤᱞᱚᱜ ᱪᱮᱫᱟᱜ ᱮᱢ ᱵᱚᱸᱜᱟ ᱟᱜ ᱠᱟᱱᱟ ? ᱱᱚᱶᱟᱨᱮ ᱵᱚᱸᱜᱟ ᱠᱟᱛᱮ ᱪᱮᱫ ᱮᱢ ᱧᱟᱢᱮᱫ ᱛᱮ ? " ᱩᱱ ᱡᱚᱦᱚᱜ ᱵᱟᱵᱟ ᱛᱤᱞᱠᱟ.ᱭ ᱢᱮᱱ ᱨᱩᱣᱟ.ᱲ ᱠᱮᱜᱼᱟ, " ᱱᱚᱶᱟ ᱫᱚ ᱫᱷᱤᱨᱤ ᱫᱚ ᱵᱟᱝ ᱠᱟᱱᱟ ᱥᱟᱦᱮᱵᱽ, ᱱᱩᱭ ᱫᱚᱭ ᱵᱚᱸᱜᱟ ᱠᱟᱱ ᱛᱟᱞᱮᱭᱟ ᱾ " ᱩᱱᱨᱮ ᱤᱸᱜᱽᱨᱟ.ᱡᱽ ᱯᱷᱟ.ᱫᱽᱨᱤᱭ ᱢᱮᱱ ᱠᱮᱜᱼᱟ, " ᱢᱤᱫ ᱢᱮᱬᱦᱮᱫ ᱨᱮᱱᱤᱡ ᱢᱮᱨᱚᱢ ᱢᱟᱜ ᱛᱚᱯᱟᱜ ᱠᱟᱛᱮ ᱢᱟᱭᱟᱢ ᱮᱢ ᱩᱰᱩᱠ ᱦᱚᱪᱚ ᱫᱟᱲᱮᱭᱟᱜ ᱛᱟᱭᱟ ?" ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤᱭ ᱢᱮᱱ ᱨᱩᱣᱟ.ᱲ ᱠᱮᱜᱼᱟ, ᱦᱚᱸ ᱥᱟᱦᱮᱵᱽ, ᱢᱟᱭᱟᱢ ᱩᱰᱩᱠᱚᱜ ᱛᱟᱭᱟ ᱾ ᱢᱤᱫ ᱫᱤᱱ ᱱᱮᱸᱰᱟ ᱟᱠᱟᱫ ᱫᱤᱱᱨᱮ ᱥᱟᱱᱟᱢ ᱦᱚᱲ ᱥᱮᱴᱮᱨ ᱥᱟᱶᱛᱮ ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ ᱟᱨ ᱤᱸᱜᱽᱨᱟ.ᱡᱽ ᱯᱷᱟ.ᱫᱽ ᱦᱚᱸᱠᱚ ᱦᱮᱡ ᱮᱱᱟ ᱾ ᱜᱚᱥᱟᱬᱮ ᱛᱷᱟᱱ ᱨᱮ ᱢᱮᱬᱦᱮᱫ ᱨᱤᱱᱤᱡ ᱢᱮᱨᱚᱢ ᱥᱟᱢᱟᱝ ᱠᱟᱛᱮ ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ ᱫᱚ ᱵᱚᱸᱜᱟ ᱵᱳᱨᱳ ᱧᱩᱛᱩᱢ ᱠᱟᱛᱮ ᱛᱤᱨᱭᱟ.ᱣ ᱮ ᱚᱨᱚᱝ ᱠᱮᱜᱼᱟ  ᱾ ᱛᱤᱨᱭᱟ.ᱣ ᱚᱨᱚᱝᱼᱚᱨᱚᱝ ᱴᱟᱴᱠᱟ ᱜᱮ ᱢᱮᱬᱦᱮᱫ ᱨᱤᱱᱤᱡ ᱢᱮᱨᱚᱢ ᱛᱤᱨᱭᱟ.ᱣ ᱛᱮᱭ ᱛᱷᱟᱯᱟ ᱜᱚᱫ ᱠᱟᱫᱮᱭᱟ ᱾ ᱤᱱᱟ.ᱜ ᱠᱷᱟᱱ ᱜᱮ ᱦᱚᱴᱚᱜ ᱛᱚᱯᱟᱜ ᱥᱟᱶᱛᱮ ᱢᱟᱭᱟᱢ ᱦᱚᱸ ᱰᱤᱧ ᱰᱟ.ᱵᱩᱨ ᱞᱤᱸᱜᱤ ᱟᱬᱜᱚ ᱮᱱᱟ ᱾ ᱱᱚᱶᱟ ᱧᱮᱞ ᱛᱮ ᱥᱟᱱᱟᱢ ᱦᱚᱲ ᱟ.ᱰᱤ ᱡᱩᱨ ᱠᱚ ᱦᱟᱦᱟᱲᱟ ᱮᱱᱟ ᱾ ᱤᱱᱟ. ᱦᱤᱞᱚᱜ ᱠᱷᱚᱱ ᱤᱸᱜᱽᱨᱟ.ᱡᱽ ᱯᱷᱟ.ᱫᱽᱨᱤ ᱠᱚ ᱦᱚᱲ ᱦᱚᱯᱚᱱ ᱨᱤᱱ ᱵᱚᱸᱜᱟ ᱵᱳᱨᱳ ᱢᱟᱱᱟᱣ ᱵᱟᱛᱟᱣ ᱠᱚ ᱮᱦᱚᱵ ᱠᱮᱜᱼᱟ ᱾ 

     ᱤᱸᱜᱽᱨᱟ.ᱡᱽ ᱠᱚᱣᱟᱜ ᱱᱟᱦᱟᱪᱟᱨ ᱵᱟ.ᱭᱼᱵᱟ.ᱭ ᱛᱮ ᱵᱟ.ᱲᱛᱤ ᱤᱫᱤᱜ ᱠᱟᱱᱟ ᱧᱮᱞᱛᱮ ᱵᱟᱵᱟ ᱛᱤᱞᱠᱟ. ᱫᱚ ᱟ.ᱰᱤ ᱠᱟᱺᱦᱤᱥ ᱮ ᱟ.ᱭᱠᱟ.ᱣ ᱠᱮᱜᱼᱟ ᱾ ᱚᱱᱟᱛᱮ ᱵᱷᱟᱨᱚᱛ ᱫᱤᱥᱚᱢ ᱯᱷᱩᱨᱜᱟᱹᱞ ᱞᱟ.ᱜᱤᱫ ᱛᱮ ᱑᱘ ᱥᱮᱸᱪᱚᱨᱤ ᱢᱩᱪᱟ.ᱫ ᱢᱩᱪᱟ.ᱫ ᱚᱠᱛᱚ ᱨᱮ ᱫᱤᱥᱚᱢ ᱫᱩᱞᱟ.ᱲᱤᱭᱟ. ᱥᱟᱶᱛᱮ  ᱨᱮᱸᱜᱮᱡ ᱚᱨᱮᱡ ᱦᱚᱲ ᱠᱚ ᱤᱸᱜᱽᱨᱟ.ᱡᱽ ᱥᱚᱨᱠᱟᱨᱟᱜ ᱱᱟᱦᱟᱪᱟᱨ ᱴᱮᱠᱟᱣ ᱫᱟᱨᱟᱢ ᱞᱟ.ᱜᱤᱫ ᱛᱤᱞᱠᱟ. ᱵᱟᱵᱟ ᱟᱜ ᱟ.ᱭᱩᱨ ᱛᱮ ᱛᱩᱯᱩᱫ ᱮᱭᱦᱚᱵ ᱮᱱᱟ ᱾ ᱚᱱᱟ ᱛᱩᱯᱩᱫ ᱑᱖᱘᱑ ᱠᱷᱚᱱ ᱑᱗᱘᱔ ᱫᱷᱟ.ᱵᱤᱡ ᱡᱩᱞ ᱟᱠᱟ ᱛᱟᱦᱮᱸ ᱠᱟᱱᱟ ᱾ 

===ᱞᱟ.ᱰᱷᱟ.ᱭ ᱨᱮᱭᱟᱜ ᱚᱨᱥᱚᱝ ===

   ᱛᱩᱯᱩᱫ ᱠᱟᱱ ᱚᱠᱛᱚ ᱨᱮ ᱛᱤᱱᱟ.ᱜ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱵᱷᱟᱜᱚᱞᱯᱩᱨ ᱨᱮ ᱠᱚᱞᱮᱠᱴᱟᱨ ᱞᱮᱠᱟᱛᱮ ᱢᱤᱫ ᱯᱷᱟ.ᱫᱽᱨᱤ ᱚᱜᱚᱥᱴ ᱠᱞᱤᱵᱽᱞᱮᱸᱰ ᱧᱩᱛᱩᱢ ᱟ.ᱱᱤᱡ ᱮ ᱛᱟᱦᱮᱸ ᱮᱱᱟ ᱾ ᱱᱩᱭ ᱦᱚᱸ ᱚᱱᱟ ᱴᱷᱟᱶ ᱨᱤᱱ ᱦᱚᱲ ᱠᱚ ᱟ.ᱰᱤ ᱡᱩᱨ ᱮ ᱦᱟᱨᱠᱮᱛ ᱠᱮᱫ ᱠᱚᱣᱟ ᱾ ᱚᱱᱟ ᱪᱮᱛᱟᱱ ᱨᱮ ᱢᱟᱦᱟᱡᱚᱱ ᱠᱚᱣᱟᱜ ᱱᱟᱦᱟᱪᱟᱨ ᱛᱟᱺᱦᱩ ᱵᱟ.ᱲᱛᱤ ᱤᱫᱤ ᱮᱱᱟ ᱾ ᱱᱚᱶᱟ ᱠᱚ ᱧᱮᱞᱛᱮ ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ ᱭᱟᱜ ᱨᱟ.ᱜᱤ ᱫᱚ ᱛᱟᱺᱦᱩ ᱵᱟ.ᱲᱛᱤ ᱮᱱᱟ ᱾ ᱢᱤᱫ ᱫᱤᱱ ᱦᱤᱞᱚᱜ ᱫᱚ ᱚᱜᱚᱥᱴ ᱠᱞᱤᱵᱽᱞᱮᱸᱰ ᱜᱚᱡᱮ ᱨᱮᱭᱟᱜ ᱮ ᱴᱷᱟ.ᱣᱠᱟ. ᱠᱮᱜᱼᱟ ᱾ ᱠᱞᱤᱵᱽ ᱞᱮᱸᱰᱟᱜ ᱵᱷᱟᱜᱚᱞᱯᱩᱨ ᱦᱤᱨᱤ ᱨᱮᱭᱟᱜ ᱛᱟᱦᱮᱸ ᱠᱟᱱ ᱵᱮᱲᱟᱨᱮ ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ ᱫᱚ ᱵᱟ.ᱭ ᱵᱟ.ᱭ ᱛᱮ ᱟᱡ ᱥᱩᱨ ᱦᱮᱡ ᱠᱟᱛᱮ ᱟᱡᱟᱜ ᱟᱜ ᱥᱟᱨ ᱛᱮᱭ ᱛᱩᱧ ᱦᱟᱨᱟᱲ ᱠᱮᱫᱮᱭᱟ,ᱢᱟ.ᱦᱤᱛ ᱫᱚ ᱑᱓ ᱡᱟᱱᱩᱣᱟᱨᱤ ᱑᱗᱘᱔ ᱛᱟᱦᱮᱸ ᱠᱟᱱᱟ ᱟᱨ ᱵᱷᱟᱜᱚᱞ ᱯᱩᱨ ᱤᱫᱤᱭᱮ ᱠᱟᱱ ᱵᱮᱲᱟᱨᱮ ᱡᱤᱣᱤ ᱛᱟᱭ ᱫᱚ ᱚᱴᱟᱝ ᱮᱱᱟ ᱾ 

   ᱠᱞᱤᱵᱽᱞᱮᱸᱰ ᱜᱚᱡ ᱟᱠᱟᱱ ᱴᱷᱟᱶ ᱯᱩᱞᱤᱥ ᱠᱚ ᱜᱷᱮᱨᱟᱣ ᱟ.ᱪᱩᱨ ᱠᱮᱜᱼᱟ ᱛᱤᱞᱠᱟ. ᱢᱟᱺᱡᱷᱤ ᱫᱚ ᱟ.ᱰᱤ ᱫᱤᱱ ᱫᱟᱨᱮ ᱠᱚᱨᱮ ᱩᱠᱩ ᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱫᱤᱱ ᱫᱚ ᱨᱮᱸᱜᱮᱡ ᱵᱟᱭ ᱥᱟᱦᱟᱣ ᱫᱟᱲᱮᱭᱟᱫ ᱛᱮ ᱫᱟᱨᱮ ᱰᱟ.ᱨ ᱮ ᱞᱟᱲᱟᱣ ᱦᱚᱪᱚ ᱠᱮᱜᱼᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱯᱩᱞᱤᱥ ᱩᱱᱤ ᱫᱚ ᱥᱟᱵ ᱤᱫᱤ ᱠᱟᱛᱮ ᱡᱤᱦᱚᱞ ᱠᱚ ᱤᱫᱤ ᱠᱮᱫᱮᱭᱟ ᱾ ᱚᱸᱰᱮ ᱢᱤᱫ ᱥᱟᱫᱚᱢ ᱪᱟᱭᱞᱚᱢ ᱨᱮ ᱛᱚᱞ ᱠᱟᱛᱮ ᱜᱚᱴᱟ ᱜᱚᱰᱟ ᱠᱚ ᱜᱚᱦᱚᱲ ᱟ.ᱪᱩᱨ ᱠᱮᱫᱮᱭᱟ ᱾ ᱮᱱ ᱦᱚᱸ ᱪᱮᱫ ᱦᱚᱸ ᱵᱟᱭ ᱪᱤᱠᱟ. ᱞᱮᱱᱟ ᱧᱮᱞᱛᱮ ᱢᱤᱫ ᱤᱸᱜᱽᱨᱟ.ᱡᱽ ᱯᱷᱟ.ᱫᱽᱨᱤᱭ ᱢᱮᱱ ᱠᱮᱜᱼᱟ," ᱱᱩᱭ ᱫᱚ ᱦᱚᱲ ᱫᱚᱭ ᱵᱟᱝ ᱠᱟᱱᱟ ᱵᱚᱸᱜᱟ ᱠᱟᱱᱟᱭ ᱾ " ᱵᱮᱲᱟ ᱦᱟᱺᱥᱩᱨ ᱠᱟᱛᱮ ᱫᱚ ᱵᱟᱭ ᱛᱟᱦᱮᱸᱱᱟ, ᱪᱷᱟᱱᱚᱜ ᱟᱭ ᱾ ᱱᱚᱶᱟ ᱞᱟᱛᱷᱟ ᱤᱸᱜᱽᱨᱟ.ᱡᱽ ᱥᱟᱦᱮᱵᱽ ᱮ ᱵᱟᱰᱟᱭ ᱠᱮᱫ ᱠᱷᱟᱱ ᱵᱷᱟᱜᱚᱞᱯᱩᱨ ᱨᱮᱭᱟᱜ ᱢᱤᱫ ᱵᱟᱲᱮ ᱫᱟᱨᱮ ᱨᱮ ᱢᱤᱫ ᱜᱮᱥᱟᱭ ᱦᱚᱲ ᱠᱚ ᱥᱟᱢᱟᱝ ᱨᱮ ᱠᱚ ᱯᱟ.ᱥᱤ ᱜᱚᱡ ᱠᱮᱫᱮᱭᱟ ᱾ ᱟᱡᱟᱜ ᱜᱩᱡᱩᱜ ᱢᱟᱸᱦᱟ ᱢᱟᱺᱦᱤᱛ ᱫᱚ ᱒᱑. ᱑. ᱑᱗᱘᱔ ᱥᱟᱞ ᱛᱟᱦᱮᱸ ᱠᱟᱱᱟ ᱾

===ᱜᱩᱨ ᱛᱟᱭᱚᱢ===

   ᱡᱟᱦᱟᱸ ᱵᱟᱲᱮ ᱫᱟᱨᱮ ᱨᱮᱠᱚ ᱯᱟ.ᱥᱤ ᱜᱚᱡ ᱞᱮᱫᱮᱭᱟ, ᱚᱸᱰᱮ ᱫᱚ ᱛᱤᱞᱠᱟ. ᱪᱷᱚᱠ ᱢᱮᱱᱛᱮ ᱠᱚ ᱧᱩᱛᱩᱢ ᱠᱮᱜᱼᱟ ᱾ ᱟᱡᱟᱜ ᱧᱩᱛᱩᱢ ᱞᱮᱠᱟᱛᱮ ᱛᱤᱞᱠᱟ. ᱦᱟᱴ, ᱛᱤᱞᱠᱟ. ᱵᱟᱡᱟᱨ, ᱛᱤᱞᱠᱟ. ᱢᱚᱦᱚᱞ ᱮᱢᱟᱱ ᱠᱚ ᱧᱩᱛᱩᱢ ᱟᱠᱟᱜᱼᱟ ᱾ ᱱᱚᱶᱟ ᱠᱚ ᱥᱟᱶᱛᱮ ᱯᱩᱭᱞᱩ ᱑᱘. ᱘. ᱑᱙᱔᱗ ᱥᱟᱞᱮᱨᱮ ᱵᱷᱟᱜᱚᱞᱯᱩᱨ ᱪᱷᱚᱠᱨᱮ ᱟᱡᱟᱜ ᱢᱩᱴᱷᱟ.ᱱ ᱦᱚᱸ ᱵᱮᱱᱟᱣ ᱟᱠᱟᱱᱟ ᱾

   ᱵᱟᱵᱟ ᱛᱤᱞᱠᱟ. ᱢᱟᱺᱠᱷᱤ ᱱᱤᱛᱚᱜ ᱟᱵᱚ ᱠᱚ ᱛᱟᱞᱟᱨᱮ ᱵᱟ.ᱱᱩᱜ ᱮ ᱨᱮᱦᱚᱸ ᱟᱡᱟᱜ ᱥᱚᱱᱚᱛ ᱡᱤᱭᱚᱱ ᱟᱨ ᱥᱟᱶᱛᱟ ᱞᱟ.ᱜᱤᱫ ᱠᱩᱨᱩᱢᱩᱴᱩ ᱠᱟ.ᱢᱤ ᱫᱚ ᱛᱤᱥ ᱦᱚᱸ ᱵᱟᱵᱚ ᱦᱤᱲᱤᱧ ᱫᱟᱲᱮᱭᱟᱜᱼᱟ ᱾ ᱪᱮᱫᱟᱜ ᱥᱮ ᱵᱷᱟᱨᱚᱛ ᱯᱷᱩᱨᱜᱟ.ᱞᱤᱭᱟ. ᱠᱚ ᱛᱟᱞᱟᱨᱮ ᱵᱟᱵᱟ ᱛᱤᱞᱠᱟ. ᱢᱟᱺᱡᱷᱤ ᱟᱜ ᱧᱩᱛᱩᱢ ᱜᱮ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮ ᱢᱮᱱᱟᱜᱼᱟ ᱾

==ᱵᱟᱨᱦᱮ ᱡᱚᱱᱚᱲ==
* [http://www.ecoindia.com/tribes/santhal.html Santhals Tribe - History of Santhals]
* [http://www.bangladesh.com/blog/the-brave-santhal-tribe-of-bangladesh The Brave Santhal Tribe of Bangladesh]


[[Category:!Main category]]