Revision 735658 of "La Sicilia e li Siciliani pû Statutu" on scnwiki

[[Image:Logo Ufficiale .png|thumb|200px|right|Logu ufficiali di "La Sicilia e li Siciliani pi lu Statutu]]
'''La Sicilia e li Siciliani pi lu Statutu''' ('n talianu '''La Sicilia e i Siciliani per lo Statuto''') è n'assuciazzioni di citatini siciliani, dimucràtica, trasvirsali a li principali idiuluggìi univirsali nun viulenti e nun razzisti, ca rivènnica la tutali applicazzioni dû [[Statutu d'autonumìa sicilianu |Statutu d'Autonumìa di la Rigioni Siciliana]], ritinènnulu  nu strumentu mpurtantissimu e nicissariu pû sviluppu ecunòmicu, suciali e culturali dâ [[Sicilia]].<br><br>

'''La Sicilia e li Siciliani pi lu Statutu''' nasci di n'idìa di [[Utenti:Santu|Santu Trovato]] ca, a mitati dû misi di [[Giugnettu|giugnettu]] dû [[2010]], penza di criari n'eventu supra a lu social network Facebook cû nomu ''"Cu cci veni a Palermu pi riclamari l'applicazzioni dû Statutu Sicilianu ?"'' unni prestu si scrìvunu assai [[Cristianu (pirsuna)|cristiani]] di tutti li banni dâ Sicilia e macari di fora d'idda.

Dàtusi tuttu ssù successu, pi dari cuncritizza a l'appeddu fattu di Santu Trovato, si pigghia la dicisioni di urganizzari a [[Palermu]] na manifistazzioni graputa a tutti li Siciliani, quali egghiè l'appartinenza [[pulìtica]].

Lu 21 giugnettu - Si custituisci, sempri pi menzu di la [[Internet|riti]], un Cumitatu Spuntàniu pi urganizzari megghiu comu s'havi a fari la manifistazzioni.

L'1 [[Austu|austu]]- Veni scigghiutu lu mottu di la manifistazzioni: "[[30 di uttùviru|30 uttòviru]]: La Sicilia e li Siciliani pi lu Statutu" ('n talianu "30 ottobre: La Sicilia e i Siciliani per lo Statuto"). 

Lu 4 austu - Veni scigghiutu lu logu ufficiali di la manifistazzioni 

Lu 13 austu  - Veni pubblicatu lu situ ufficiali di la manifistazzioni. 

A [[Sittèmmiru]] si custituìsciunu, 'n tanti [[cità]] di la Sicilia, Cumitati Lucali pi la manifestazzioni.
==La Manifistazzioni dû 30 uttòviru ==
[[Sàbbatu]] 30 uttòviru 2010 a li  3:30 doppu menzu jornu 'n Palermu, ntâ [[Chiazza (ària)|chiazza]] Ruggieru Sèttimu, si junceru chiossai di 1.000 cristiani pâ manifistazzioni; lu longu curteu di li manifistanti, transitannu pi la via Maqueda e corsu Vittòriu Manueli, agghicau ô [[Assimbrea Riggiunali Siciliana|Palazzu Reali]], sedi dû Parramentu Sicilianu, unni na [[Picciriddu|picciridda]] - attravirsannu un corridoiu fattu di cristiani - cunsignau, simmulicamenti pi menzu di l'usceri dû Palazzu, n'Appeddu a tutta la rapprisintanza stituzzionali dimucraticamentu eliggiuta di li siciliani.

==Li cumitati==
Doppu la manifistazzioni di Palermu dû 30 uttòviru 2010 , nti tanti lucalità di la Sicilia si custituìsciunu tanti “Cumitati Lucali” ( sparti di chiddi ca s'avìanu già furmati pi l’urganizzazzioni dâ manifistazzioni di Palermu) ca hannu comu finalità chidda di  urganizzari ogni tipu di attività lècita e ca servi a la prumozzioni di la canuscenza di lu Statutu e urganizzari, 'nzèmula a tutti l'àutri Cumitati Lucali, manifistazzioni riggiunali e nazziunali p'addumannàrini  l’attuazioni. 

==Futugrafìi di la manifistazzioni==
<gallery>
File:84.jpg|
File:IMG 1147.JPG|
File:92.jpg|
File:59.jpg|
File:35.jpg|
</gallery>
== Lijami di fora ==
* [https://web.archive.org/web/20110517042439/http://www.lasiciliaeisicilianiperlostatuto.org/ Situ ufficiali di "La Sicilia e li Siciliani pi lu Statutu]


[[Catigurìa:Sicilia]]