Revision 33637 of "Aili Mattus" on smnwiki

'''Aili Mattus''' lii šoddâm ive [[1942]] [[Aanaar|Anarist]]. Sun lii oppâm [[Anarâškielâ|sämikielâ]] [[eenikielâ]]nis, tastko suu eeči já enni sárnoin sämikielâ pääihist. Suu sämikiel nommâ lii Junnás-Haanu Ailâ. Sun máttá meiddei [[orjâlâškielâ]]. Sun oopâi tom talle ko sun lâi pargoost orjâlâškielâlii kuávlust. Aili Mattus áásá tääl [[Ruávinjargâ|Ruávinjaargâst]]. Sun aasâi meiddei [[Helsig]]ist, kost sun lâi pargoost pyecceitipšon 17 ihheed. Aili lijkkoo luuhâđ [[Anarâš-lostâ|Anarâš-loostâ]].<ref name="casle.fi">[http://casle.fi/studyyear.php?subject=4 casle.fi] Čujottum 10.3.2021 <small>(eŋgâlâskielân)</small></ref>

Aili Mattus tooimâi [[kielâmiäštár]]in anarâškielâ CASLE-tievâsmittemškovliittâsâst [[2009]]–[[2010]]. Siämmáá škovlittâsâst tooimáin [[kielâmiäštár]]in meiddei suu viiljah [[Hans Mattus]] já [[Heikki Mattus]].<ref name="casle.fi"/>

==Käldeeh==
<small>{{Käldeeh}}</small>


{{CASLE-kielâmiäštáreh}}

[[Luokka:Anarâšah|Mattus]]
[[Luokka:Ive 1942 šoddâmeh|Mattus]]
[[Luokka:Kielâmiäštáreh|Mattus]]