Revision 34413 of "Aili Koskinen" on smnwiki

'''Aili Koskinen''' lii šoddâm ive [[1930]] [[Čovčjävri|Čovčjäävrist]], mii lii uccâ siijdâš [[Aanaar]] kieldâst. Suu sämikiel nommâ lii Nuuvdi-Ailâ.<ref name="casle.fi"/> Sun lii oppâm [[anarâškielâ]] [[eenikielâ]]nis, tastko suu eeči já enni sárnoin tom pääihist.<ref name="casle.fi">[http://casle.fi/studyyear.php?subject=4 casle.fi] Čujottum 10.3.2021 <small>(eŋgâlâskielân)</small></ref> Suu eeči lâi šoddâm [[Aanaar markkân]]ist, já suu enni [[Kosseennâm|Kossenâmist]].<ref name="youtube.com">[https://www.youtube.com/watch?v=e0YcIkUoEhc&ab_channel=INARINELOKUVATEOLLISUUSOY Uđđâsist šoddâm - Youtube.com] Čujottum 13.3.2021</ref> Aili oopâi [[suomâkielâ]] párnážin já maatij tom ovdil ko sun moonâi škoovlân.<ref name="youtube.com"/> Sun muštá, et škoovlâst lâi ohtâ kandâ, kote ij máttám suomâkielâ, já tondiet máttáátteijee ain piejâi suu nuurkán čuážžuđ.<ref name="youtube.com"/> Aili lii aassâm [[Aanaar markkân]]ist masa ubâ elimis ääigi, já sun áásá vala-uv tobbeen.

Aili Koskinen lii toimâm [[kielâmiäštár]]in vistig anarâškielâ CASLE-tievâsmittemškovliittâsâst [[2009]]–[[2010]]<ref name="casle.fi"/> já ton maŋa-uv maŋgáid uáppeid.

==Käldeeh==
<small>{{Käldeeh}}</small>


{{CASLE-kielâmiäštáreh}}

[[Luokka:Anarâšah|Koskinen]]
[[Luokka:CASLE-kielâmiäštáreh|Koskinen]]
[[Luokka:Ive 1930 šoddâmeh|Koskinen]]