Difference between revisions 1163772 and 1321029 on sqwiki

'''Instituti i Statistikës''' ose '''Instat''' para krijimit të shtetit shqiptar më [[1912]] shërbimi statistikor nuk ekzistonte.  Në vitin [[1924]] për herë të parë ekzistonte një zyrë statistikore që mbante evidenca të ndryshme ekonomike pranë Ministrisë së Botorës (mirëmbajtjes së rrugëve) dhe Bujqësisë.

Veprimtaria e kësaj zyre kufizohej në inventarët bujqësore që përfshinin numrin e bujqve dhe llojin dhe sasinë e shfrytëzimit te tokës me bime bujqësore e blegtorale, si dhe ne disa statistika te cekta mbi industrinë, tregtinë, eksport-importet e çmimet.

Për herë të parë shërbimi statistikor në Shqipëri është institucionalizuar me Dekretin nr. 121, dt. 8/04/1940.  Sistemi statistikor në shtetin Shqiptar është themeluar me Vendimin nr. 35, dt. 13/01/1945 me krijimin e Drejtorisë së Statistikës të atashuar pranë Këshillit të Ministrave.  Më vonë kjo drejtori kaloi nën varësinë e Komisionit të Planit të Shtetit.  Sot ky sistem është organizuar në formën e një instituti të veçantë nën varësinë e Këshillit të Ministrave.

Shërbimi statistikor në Republikën e Shqipërisë realizohet nga:

-  Instituti i Statistikës (INSTAT).

-  Drejtoritë e statistikës në rrethe.

-  Drejtoritë(departamentet) e statistikës në ministri dhe institucione të tjera qendrore.

-  Zyrat e gjendjeve civile si dhe nga persona juridike e fizike.

== Lidhje të jashtme ==
* http://www.instat.gov.al/

{{cung}}

[[Kategoria:Tiranë]]⏎
⏎
[[en:Instat]]