Revision 194310 of "Polandball" on szlwiki

[[Plik:Polandball.PNG|thumb|200px|Utworzůno uod używoczůw reprezyntacyjo Polandball.]]
'''Polandball''', znůmo tyż kej '''countryball''', je to tworzůny uod używoczůw [[internecowy mem]] kery mjoł anfang na mjymjeckij tabule do rysowańo Krautchan.net kajś na miće 2009. Mem mańifestowoł śe we srogij nůmerze necowych [[kůmiks|kůmiksůw]], we kerych kreje bůły przedstowjane kej kuglate perzůny kere uobyczńe godały we łomanyj [[angelsko godka|angelskij godce]] a lachoły śe ze nacyjowych sztereotypůw a mjyndzynacyjowych relacyji. Styl uůnych kůmiksůw do śe uopisać kej abo Polandball (nawet jak ńi ma we ńich żodnygo nawjůnzańo do [[Polska|Polski]]) abo countryball (abo, we mnogij nůmerze, countryballs).

== Tło ==
Polandball mjoł korzyńe we wrześńu 2009, jak zaczła śe "cyberwojna" polskich używoczůw Interneca ze wszyjskimi używoczami ze inkszych nacyji. Neczajta, na keryj szło uůnaczyć wirtualne rysunki, dozwolała używoczom rysować co ino chcům, a tyż szkryflać po rysunkach kere wćepły tam inksze używocze. We polskim Internecu powstoł kůncept, coby rysować [[fana Polski|polsko fana]] na [[bal]]u, wtynczas tyśůnce Polokůw do kupy sztartło rysować bale uobmalowane we polske farby, nale na uopy: czyrwjůno na wjyrchu a bjoło na spodku, ze sztichwortem "POLSKA" na miće. Ńyskorzi używoczy na serwiśe [[4chan]] sztartli na ńij malować srogi [[hakynkrojc]]<ref name="gazeta">[http://wyborcza.pl/1,86116,7462232,Wyniosle_lol_zaborcow__czyli_Polandball.html Wyniosłe lol zaborców, czyli Polandball]</ref><ref name="cooltura">[http://www.elondyn.co.uk/newsy,wpis,7731 Znowu lecą z nami w... kulki]</ref>.

Krautchan.net je to neczajta - tabula ze uobrozkami we [[mjymjecko godka|mjymjeckij godce]], ze keryj czynsto korzistajům używocze kere godajům we angelskij godce. Anfang mema "Polandball" je przipisywany ''Falco'', znůmygo kej Brit na /INT/, kery we wrześyńu 2009 zuůnaczůł mema we [[MS Paint|MS Painće]] coby [[troll (internet)|strollować]] ''Wojaka'', Poloka ze tyj samyj neczajty kery godoł łomanům angelskům godkům, ńyskorzi kůmiksy we stylu Polandball zaczły masowo uůnaczyć [[Rusyjůny|Ruske]]<ref>[http://wyborcza.pl/1,86116,7462232,Wyniosle_lol_zaborcow__czyli_Polandball.html Wyniosłe lol zaborców, czyli Polandball]</ref><ref name="przeglad">[http://www.przeglad-tygodnik.pl/pl/artykul/fenomem Fenomem - Polska nie umieć kosmos]</ref><ref name="KYM">[http://knowyourmeme.com/memes/polandball Polandball]</ref>.

== Tyjmy ==
[[Plik:Estonia cannot into Nordic.jpg|thumb|left|Bajszpil kůmiksa we stylu Polandball, we kerym sům [[Estůńijo]] a [[Nordycke kreje]].]]
Fůndamynt lo popularnośći Polandball, keryj nabroł nojbarzi po [[Katasztrofa polskigo prezydynckigo fligra wele Smoleńska|Smolyńskij katasztorfje]] we keryj zginůł [[Prezydynty Polski|prezydynt Polski]] [[Lech Kaczyński]], to je przedstowjańe [[gyszichta Polski|polskij gyszichty]], [[zagrańiczne relacyje Polski|relacyjůw Polski ze inkszymi krejůma]], a [[stereotyp]]y<ref name="hiro">[http://hiro.pl/magazyn/magazyn_zjawiska/memy.html MEMY. Legendy Internetu]</ref>, z dowańym pozoru na polsko [[megalůmańijo]] a [[kůmpleks (psychologijo)|nacyjowe kůmpleksy]]. Godki a interakcyje mjyndzy countryballůma uobyczńe sům szkryflane we angelskij godce a [[Internecowy slang|internecowym slangu]], trocha sům podane na mema [[Lolcat]], a na kůńec kůmiksa polsko bal (uoznaczůno farbůma na uopy do polskij fany), je uobyczńe pojachrano<ref>[http://wyborcza.pl/1,86116,7462232,Wyniosle_lol_zaborcow__czyli_Polandball.html Wyniosłe lol zaborców, czyli Polandball]</ref>.

Ńykere kůmiksy Polandball powstoły skiż tygo, co Ruske poradzům furgać we kosmos a Poloki ńy. Jedyn ze nojpopularńyjszych mo anfang jak w Źymja mo cylnůńć srogi meteor, bezcůż wszyjske kreje co majům kosmiczno technologijo przekuludźiły śe na uorbita w kole Źymji. Na sůmkůńec kůmiksa Polska, kero je durś na Źymje, ślimto a pado tak: "Polska ńy umi we Kosmos!" we łomanyj angelskij godce, co je kanůńiczny ausdruk we Polandball.

Takym wicowym kńifym Ruske zowdy kůńczům dyskusyjo, kery krej je barźi wertny. We inkszym kůmikśe ze zorty Polandball kery je gyszichtowo-politycznům satyrům, Polska zanudzo inksze kreje godańym, co "Jak ino pobijymy Ruskich a Turkůw, bydymy nojlepszym krejem we śwjeće, a...", a ze uůnygo ausdruka inksze kreje śe lachajům. Polska, deko zgorszůno, pado ''kurwa'' a dźwigo znok na kerym je naszkryflane "Internet serious business", co we kůnwencyji Polandball uoznaczo, co zaś ślimto.<ref>[http://www.webcitation.org/66ROeMOIC Polandball cartoon]</ref>.

== Countryballs ==
[[Plik:Silesiaball.PNG|thumb|right|[[Gůrny Ślůnsk|Gůrnoślůnsko]] bala countryball]]
Polandball moge być tyż na kůmiksach uo inkszych krajach, atoli te kůmiksy majům durś mjano Polandball<ref name="gazeta" /> abo tyż countryballs<ref name="KYM" />. [[Bajery]] majům swojům bale a inksze uostoły zbajstlowane lo sztatůw [[USA]], [[Katalůńijo|Katalůńiji]] [[Syberyjo|Syberji]] a inkszych. Bala [[Singapur]]a je [[trůjkont]]ym a ma mjano Tringapore; Bala [[Izrael]]a je hipersześćanům; [[Kazachstůn]] je [[hercka|herckům]]; a [[Wjelgo Brytańijo]] mo [[celinder]] a [[monokla]]<ref>http://lurkmore.to/index.php?title=Int&oldid=1561834#Polandball</ref>.

== Przipisy ==
<references/>

== Necowe uodwołańa ==
{{commonscat|Polandball}}
* [http://knowyourmeme.com/memes/polandball Polandball na Knowyourmeme.com]
* [http://www.militaryphotos.net/forums/showthread.php?167916-Polandball-anyone Polandball na militaryphotos.net]

[[Kategoryjo:Internecowe mymy]]

[[ab:Polandball]]
[[ace:Polandball]]
[[ar:بولاند بول]]
[[ast:Polandball]]
[[ba:Польшар]]
[[be:Polandball]]
[[be-x-old:Polandball]]
[[bg:Polandball]]
[[bi:Polanbol]]
[[br:Polandball]]
[[bs:Poljska lopta]]
[[bxr:Polandball]]
[[ca:Polandball]]
[[cv:Польчăмăр]]
[[cy:Pelenpwyl]]
[[el:Polandball]]
[[eo:Pollandpilko]]
[[es:Polandball]]
[[fo:Póllandbóltur]]
[[frp:Polandball]]
[[gl:Polandball]]
[[glk:پولندبال]]
[[gu:પોલેંડબોલ]]
[[he:פולנדבול]]
[[hr:Polandball]]
[[id:Countryball]]
[[is:Póllandsbolti]]
[[it:Polandball]]
[[jv:Polandball]]
[[kab:Polandball]]
[[kk:Polandball]]
[[km:បាល់ប៉ូឡូញ]]
[[ko:폴란드공]]
[[lad:Polandball]]
[[lb:Polandball]]
[[lo:ບານໂປໂລຍ]]
[[mg:Polandball]]
[[ms:Polandball]]
[[mt:Polandball]]
[[my:ပိုလန်ဘော]]
[[nah:Polandball]]
[[no:Polenball]]
[[os:Поландбол]]
[[pam:Polandball]]
[[pl:Polandball]]
[[ro:Polandball]]
[[ru:Polandball]]
[[sah:Polandball]]
[[sh:Poljska lopta]]
[[simple:Polandball]]
[[sl:Poljska žoga]]
[[sq:Polandball]]
[[sr:Пољска-лопта]]
[[sw:Polandball]]
[[ta:போலந்துபந்து]]
[[tk:Polandball]]
[[tl:Polandball]]
[[tn:Polandball]]
[[uk:Polandball]]
[[uz:Polandball]]
[[vep:Polandball]]
[[vi:Polandball]]
[[xmf:Polandball]]
[[zea:Polandball]]
[[zh:波兰球]]
[[zh-classical:波蘭球]]