minqutux qu kkayal ta kwara sraral ha, nanu msgagay lru yasa qu mngaygyut msbah qu kay naha lru ini ptnaq lqu kkayal naha la.
nanu qu mnqsu mshriq sa qalang naha Hakul hya ga, musa mwazyaw squ pzyux balay qqnazi ka babaw llyung, yasa qu blblaq rhzyal, nanu yasa qu mqnazi sun naha smlalu qu rhzyal naha qasa la, babaw nya musa kya qu minhlhil hya’ lga, nyux rima ki’an na mqnazi kwara qu babaw llyung lruw, siy usa hmkangi tay mkraya ka zik na rgrgyax lru, siy naha say Mlipa lqu qalang naha’ la, baha mswa’ga nyux maki’ sa yatux balay qu cyux naha’ ki’an la.
nanu qu kkayal naha ga spzyangun naha hazi smbbah qu kkayal naha ru aki ini p’imaw qu kinbahan ta maha ru sbahun naha qu kkayal naha la.
nanu qu inii ptnaq kkayal naha hya ga anay simu kmal sqani.
nanu qu kay’ maha 〝kmayal Yaba maha laxi gisa qasa maha Yaba mu 〞maha qu kay ga〝 laxi uci kya muci kmal mu 〞 son naha qu ke’ naha, qutux uzi qu kkyalan maha glani saku cikay qsya hku maha qu kay ga an saku s’agal cikah qsya ma! Maha kmal laha.
qutux lawzi qu wal naha sbahun ga nanukwara ka zihung slpuw ga laxan naha’ ru r’yung ru si kyut qu kkayal naha, nanu yan nqu mtzyuwaw ga mtyaw sun naha kmal,
This site is not affiliated with or endorsed in any way by the Wikimedia Foundation or any of its affiliates. In fact, we fucking despise them.
|
