Difference between revisions 128886 and 128887 on tcywiki

< previous diff
next diff >
ಬೈಲ ಮಾರಿ ನಲಿಕೆ
[[ಮಾರಿ]] ನಲಿಕೆಂದ್ ಪುದರ್ ಪೋಯಿನ ಪರಪೋಕುದ [[ನಲಿಕೆ]] ಬೈಲ ಮಾರಿ ನಲಿಕೆ.  [[ತುಳುನಾಡ್|ತುಳುನಾಡ್ಂ]]ದ್ ಲೆಪ್ಪುನ [[ಒಡಿಪು]], [[ಕುಡ್ಲ]], [[ಕಾಸರ್ಗೋಡ್|ಕಾಸರಗೋಡು]] ಪ್ರದೇಸೊಡು [[ತುಳು]] ಜನಪದೆರೆನ ಬಾಯಿಪಾತೆರೊದ ಈ ಸಾಹಿತ್ಯೊ ಬುಕ್ಕೊ ನಲಿಕೆ ಜನಜನಿತೊ ಆತುಂಡು.  ಉಂದೊಂಜಿ ಇಸೇಸೊ ನಲಿಕೆ.  [[ಸುಗ್ಗಿ]] ಬೇಸಾಯೊದ ಸಮಯೊಡು ಮಾರಿ ಕಲೆಯೆರ [[ಕೊರಗ ತನಿಯೆ]] ಇಲ್ಲಡೆ ಇಲ್ಲಡೆಗ್ ಬರ್ಪೆ.  ಬೈಲ ‘ಮಾರಿನ್ ಕೊಂಡೋಪೆ’ ಪನ್ಪುನ ಕೊರಗ ತನಿಯ [[ಕಂಡೊ]]ದ ಮಾರಿನ್ ಕೊಂಡುಪೋಪೆ. ಬೈಲ ಮಾರಿ ನಲಿಕೆನ್ ನಲಿತೊಂದು ಬನ್ನಗ ಒಟ್ಟೂಗೆ [[ತೆಂಬರೆ]] ಬೊಟ್ಟೊಂದು ಪದೊ ಪನ್ಪೆರ್.  ಈ ಪದೊಟು ಬರ್ಪುನ ದಿಂಜ ಪದೊಕುಲೆನ ಅರ್ತೊ ಮಲ್ತೊನೊಡಾತೆ.  ಉಂದೊಂಜಿ ಬಾಯಿಡ್ದ್ ಬಾಯಿಗ್ ಪರಡ್‍ನ ಪದೊ ಆಯಿನೆಡ್ದಾವರೊ ಮೂಲೊ ರೂಪೊದ ಬದೊಕುಲು ಮಾಜಿದ್ ಪೋತ್ಂಡ್.  ಉಂದು ಕೊರಗ ತನಿಯ [[ಭೂತ ಕೋಲ|ಬೂತೊ]]ಗು ಸಂಬಂದೊ ಪಟ್ಟ್‌ನವಾಂಡಲಾ ಇಂದೆನ್ ಕಟ್ಟುನ ಅಜಲಾಯೆರ್‍ನಕುಲು ದಿನೊನಿತ್ಯೊ ಬದ್‍ಕ್‍ಡ್ ತೋಜುನ ಇಚಾರೊಲೆನ್ ಪಂಡೊಂದು ಪೋಪೆರ್.  ಬೈಲ ಮಾರಿದ ಬಗೆಟ್ ಸಂಸೋದನೆ ಮಲ್ಪುನಕುಲೆಗ್ ಉಂದೊಂಜಿ ಮೂಲೊ ಆಕರೊ.<ref>ಬೈಲ ಮಾರಿ ನಲಿಕೆ, ಒಂದು ಜನಪದ ಕುಣಿತ, ಡಾ ಲಕ್ಷ್ಮೀ ಜಿ ಪ್ರಸಾದ್,  ಜಾನಪದ ಕರ್ನಾಟಕ, ಸಂಪುಟ-7, ಸಂಚಿಕೆ-2, ಪ್ರಸಾರಾಂಗ, [[ಕನ್ನಡ ವಿಶ್ವವಿದ್ಯಾಲಯ]], [[ಹಂಪಿ]]</ref><ref>http://www.kanaja.in/%E0%B2%A6%E0%B2%95%E0%B3%8D%E0%B2%B7%E0%B2%BF%E0%B2%A3-%E0%B2%AD%E0%B2%BE%E0%B2%B0%E0%B2%A4%E0%B3%80%E0%B2%AF-%E0%B2%9C%E0%B2%BE%E0%B2%A8%E0%B2%AA%E0%B2%A6-%E0%B2%95%E0%B3%8B%E0%B2%B6-%E0%B2%95-37/</ref>   

== ನಲಿಕೆದ ಇದೊಕುಲು ==
[[ಮಾದಿರ|ಮಾದಿರ ನಲಿಕೆ]], [[ಚೆನ್ನು ನಲಿಕೆ]], [[ಕಂಗೀಲು]], [[ಕರಂಗೋಲು]], [[ಆಟಿಕಳೆಂಜೆ|ಆಟಿ ಕಲೆಂಜ]], [[ಸೋಣದ ಜೋಗಿ]] ಇಂಚಿತ್ತಿ ಜನಪದೊ ನಲಿಕೆಲು ಉಂಡು.  ಇಂಚಿತ್ತಿನೆಟ್ ಬೈಲ ಮಾರಿ ನಲಿಕೆಲಾ ಒಂಜಿ ಜನಪದ ನಲಿಕೆ.   

== ಪ್ರಾದೇಸಿಕ ಇವರೊ ==
ಬೈಲ ಮಾರಿ ನಲಿಕೆ ಸುಗ್ಗಿ ಬೆನ್ನಿದ ಸಮಯೊಡು ನಲಿಪುನ ನಲಿಕೆ.  ಉಂದು [[ಸುಳ್ಯ]] ತಾಲೂಕುದ ಕೋಟೆ ಮುಂಡುಗಾರ್, ನೆಟ್ಟಾರ್ [[ಚಾವಡಿ]] ಬಾಗಿಲು, ಮುರುಳ್ಯಡ್ ಇತ್ತೆ ತೋಜಿದ್ ಬರ್ಪುಂಡು.  ಆಂಡ ಇತ್ತೆ ಈ ಇಸೇಸೊ ನಲಿಕೆದ ಬಗೆಟ್ ಸಂಸೋದನೆ ನಡತ್‍ಜಿ.   ಇತ್ತೆ ಈ ಪ್ರದೇಸೊಡು ಬೆನ್ನಿ ಬೇಸಾಯೊ ಇದ್ಯಾಂದಿನೆಡ್ತಾವರೊ ಸುಗ್ಗಿ ಬೇಸಾಯೊ ಸಮಯೊದ ಈ ನಲಿಕೆ ಜನೊಕ್ಲೆಡ್ದ್ ದೂರೊ ಆವೊಂದುಂಡು.  

== ನಲಿಕೆದ ಪದೊ ==
ಬೈಲ ಮಾರಿನ್ ಕೊಂಡೊತ್ ಪೋಯೆರ ಇಲ್ಲಡೆ ಇಲ್ಲಡೆಗ್ ಬರ್ಪುನ ಕೊರಗ ತನಿಯ ಬೂತೊ ಕಟ್ಟ್‌ನಾಯೆ ಒಂಜಿ ಪದೊ ಪಂಡೊಂದು ನಲಿಪುವೆ.  ಆಯನೊಟ್ಟುಗು ಬತ್ತ್‌ನ ಒರಿ ತೆಂಬರೆನ್ ಬೊಟ್ಟೊಂದು ಪದ್ಯೊ ಪನ್ಪೆ.  ಸುಳ್ಯೊ ತಾಲೋಕುದ [[ಬೆಳ್ಳಾರೆ]]ದ ಕೈತಕ್ದ ಪಾಜಪಳ್ಳದ ಬಾಬು ಅಜಿಲೆರೆ ಕುಟುಂಬದಕುಲು ಈ ನಲಿಕೆತ ಪದೊನೊ ಪನ್ಪೆರ್.  <ref>ಶ್ರೀ ಕಾಂತು ಅಜಿಲೆರ್ ಸಂಗ್ರಹೊ ಮಲ್ತಿನ ಬೈಲ ಮಾರಿ ನಲಿಕೆದ ಪದೊ</ref>

== ಪದೊ ==
:ಈಯಿಲಾ ಬಲ್ಲಗ ಈಯಿ ಬಲ ದಿಕ್ಕನೆ
:ಓ ಲೇಲೆ ಲೇಲೇ ಲಾ
(contracted; show full):ಓ ಲೇಲೆ ಲೇಲೇ ಲಾ

== ಉಲ್ಲೇಕೊ ==
<references />

[[ವರ್ಗೊ:ತುಳು ಜಾನಪದ]]
[[ವರ್ಗೊ:ನಲಿಕೆ]]
[[ವರ್ಗೊ:ಆರಾಧನೆ]]