Difference between revisions 24447 and 24448 on tewikisource

శుక్లాంబరధరం విష్ణుం శశివర్ణం చతుర్భుజమ్ |<br>
ప్రసన్నవదనం ధ్యాయేత్ సర్వ విఘ్నోపశాంతయే || 1 ||<br>
యస్యద్విరదవక్త్రాద్యాః పారిషద్యాః పరశ్శతమ్ |<br>
విఘ్నం నిఘ్నంతి సతతం విశ్వక్సేనం తమాశ్రయే || 2 ||<br>
వ్యాసం వసిష్ఠ నప్తారం శక్తేః పౌత్రమకల్మషమ్ |<br>
పరాశరాత్మజం వందే శుకతాతం తపోనిధిమ్ || 3 ||<br>
వ్యాసాయ విష్ణు రూపాయ వ్యాసరూపాయ విష్ణవే |<br>
నమో వై బ్రహ్మనిధయే వాసిష్ఠాయ నమో నమః || 4 ||<br>
అవికారాయ శుద్ధాయ నిత్యాయ పరమాత్మనే |<br>
సదైక రూప రూపాయ విష్ణవే సర్వజిష్ణవే || 5 ||<br>
యస్య స్మరణమాత్రేణ జన్మ సంసార బంధనాత్ |<br>
విముచ్యతే నమస్తస్మై విష్ణవే ప్రభవిష్ణవే || 6 ||<br>
ఓం నమో విష్ణవే ప్రభవిష్ణవే |<br>
శ్రీ వైశంపాయన ఉవాచ<br>
శ్రుత్వా ధర్మా నశేషేణ పావనాని చ సర్వశః |<br>
యుధిష్ఠిరః శాంతనవం పునరేవాభ్య భాషత || 7 ||<br>
యుధిష్ఠిర ఉవాచ<br>
కిమేకం దైవతం లోకే కిం వాஉప్యేకం పరాయణం<br>
స్తువంతః కం కమర్చంతః ప్రాప్నుయుర్-మానవాః శుభమ్ || 8 ||<br>
కో ధర్మః సర్వధర్మాణాం భవతః పరమో మతః |<br>
కిం జపన్-ముచ్యతే జంతుర్-జన్మసంసార బంధనాత్ || 9 ||<br>
శ్రీ భీష్మ ఉవాచ<br>
జగత్ప్రభుం దేవదేవ మనంతం పురుషోత్తమమ్ |<br>
స్తువన్నామ సహస్రేణ పురుషః సతతోత్థితః || 10 ||<br>
తమేవ చార్చయన్నిత్యం భక్త్యా పురుషమవ్యయమ్ |<br>
ధ్యాయన్ స్తువన్నమస్యంశ్చ యజమానస్తమేవ చ || 11 ||<br>
అనాది నిధనం విష్ణుం సర్వలోక మహేశ్వరమ్ |<br>
లోకాధ్యక్షం స్తువన్నిత్యం సర్వ దుఃఖాతిగో భవేత్ || 12 ||<br>
బ్రహ్మణ్యం సర్వ ధర్మఙ్ఞం లోకానాం కీర్తి వర్ధనమ్ |<br>
లోకనాథం మహద్భూతం సర్వభూత భవోద్భవమ్|| 13 ||<br>
ఏష మే సర్వ ధర్మాణాం ధర్మోஉధిక తమోమతః |<br>
యద్భక్త్యా పుండరీకాక్షం స్తవైరర్చేన్నరః సదా || 14 ||<br>
పరమం యో మహత్తేజః పరమం యో మహత్తపః |<br>
పరమం యో మహద్-బ్రహ్మ పరమం యః పరాయణమ్ | 15 ||<br>
పవిత్రాణాం పవిత్రం యో మంగళానాం చ మంగళమ్ |<br>
దైవతం దేవతానాం చ భూతానాం యోஉవ్యయః పితా || 16 ||<br>
యతః సర్వాణి భూతాని భవంత్యాది యుగాగమే |<br>
యస్మింశ్చ ప్రలయం యాంతి పునరేవ యుగక్షయే || 17 ||<br>
తస్య లోక ప్రధానస్య జగన్నాథస్య భూపతే |<br>
విష్ణోర్నామ సహస్రం మే శ్రుణు పాప భయాపహమ్ || 18 ||<br>
యాని నామాని గౌణాని విఖ్యాతాని మహాత్మనః |<br>
ఋషిభిః పఋగీతాని తాని వక్ష్యామి భూతయే || 19 ||<br>
ఋషిర్నామ్నాం సహస్రస్య వేదవ్యాసో మహామునిః ||<br>
ఛందోஉనుష్టుప్ తథా దేవో భగవాన్ దేవకీసుతః || 20 ||<br>
అమృతాం శూద్భవో బీజం శక్తిర్-దేవకి నందనః |<br>
త్రిసామా హృదయం తస్య శాంత్యర్థే వినియుజ్యతే || 21 ||<br>
విష్ణుం జిష్ణుం మహావిష్ణుం ప్రభవిష్ణుం మహేశ్వరమ్ ||<br>
అనేకరూప దైత్యాంతం నమామి పురుషోత్తమమ్ || 22 ||<br>
పూర్వన్యాసః<br>
అస్య శ్రీ విష్ణోర్దివ్య సహస్రనామ స్తోత్ర మహామంత్రస్య ||<br>
శ్రీ వేద వ్యాసో భగవాన్ ఋషిః |<br>
అనుష్టుప్ ఛందః |<br>
శ్రీ మహావిష్ణుః పరమాత్మా శ్రీమన్నారాయణో దేవతా |<br>
అమృతాం శూద్భవో భానురితి బీజమ్ |<br>
దేవకీ నందనః స్రష్టేతి శక్తిః |<br>
ఉద్భవః, క్షోభణో దేవ ఇతి పరమోమంత్రః |<br>
శంఖభృన్నందకీ చక్రీతి కీలకమ్ |<br>
శాంగ ధన్వా గదాధర ఇత్యస్త్రమ్ |<br>
రథాంగ పాణి రక్షోభ్య ఇతి నేత్రమ్ |<br>
త్రిసామా సామగః సామేతి కవచమ్ |<br>
ఆనందం పరబ్రహ్మేతి యోనిః |<br>
ఋతుః సుదర్శనః కాల ఇతి దిగ్బంధః ||<br>
శ్రీ విశ్వరూప ఇతి ధ్యానమ్ |<br>
శ్రీ మహావిష్ణు ప్రీత్యర్థే సహస్ర నామ జపే వినియోగః |<br>
కరన్యాసః<br>
విశ్వం విష్ణుర్-వషట్కార ఇత్యంగుష్ఠాభ్యాం నమః<br>
అమృతాం శూద్భవో భానురితి తర్జనీభ్యాం నమః<br> 
బ్రహ్మణ్యో బ్రహ్మకృత్ బ్రహ్మేతి మధ్యమాభ్యాం నమః<br>
సువర్ణబిందు రక్షోభ్య ఇతి అనామికాభ్యాం నమః<br>
నిమిషోஉనిమిషః స్రగ్వీతి కనిష్ఠికాభ్యాం నమః<br>
రథాంగపాణి రక్షోభ్య ఇతి కరతల కరపృష్ఠాభ్యాం నమః<br>
అంగన్యాసః<br>
సువ్రతః సుముఖః సూక్ష్మ ఇతి ఙ్ఞానాయ హృదయాయ నమః<br>
సహస్రమూర్తిః విశ్వాత్మా ఇతి ఐశ్వర్యాయ శిరసే స్వాహా<br>
సహస్రార్చిః సప్తజిహ్వ ఇతి శక్త్యై శిఖాయై వషట్<br>
త్రిసామా సామగస్సామేతి బలాయ కవచాయ హుం<br>
రథాంగపాణి రక్షోభ్య ఇతి నేత్రాభ్యాం వౌషట్<br>
శాంగధన్వా గదాధర ఇతి వీర్యాయ అస్త్రాయఫట్<br>
ఋతుః సుదర్శనః కాల ఇతి దిగ్భంధః<br>
ధ్యానమ్<br>
క్షీరోధన్వత్ ప్రదేశే శుచిమణి విలసత్ సైకతే మౌక్తికానామ్ |<br>
మాలాక్లుప్తా సనస్థః స్ఫటికమణి నిభైర్-మౌక్తికైర్-మండితాంగః |<br> 
శుభ్రైరభ్రై రదభ్రై రుపరివిరచితైర్-ముక్త పీయూష వర్షైః<br>
ఆనందీ నః పునీయా దరినలిన గదా శంఖపాణిర్-ముకుందః || 1 ||<br>
భూః పాదౌ యస్య నాభిర్-వియదసుర నిలశ్చంద్ర సూర్యౌ చ నేత్రే |<br>
కర్ణావాశాః శిరోద్యౌర్-ముఖమపి దహనో యస్య వాస్తేయ మబ్ధిః |<br>
అంతస్థం యస్య విశ్వం సుర నరఖగగో భోగి గంధర్వ దైత్యైః |<br>
చిత్రం రం రమ్యతే తం త్రిభువన వపుశం విష్ణుమీశం నమామి || 2 ||<br>
ఓం నమో భగవతే వాసుదేవాయ !<br>
శాంతాకారం భుజగశయనం పద్మనాభం సురేశమ్ |<br>
విశ్వాధారం గగన సదృశం మేఘవర్ణం శుభాంగమ్ |<br>
లక్ష్మీకాంతం కమలనయనం యోగి హృద్ధ్యాన గమ్యమ్ |<br>
వందే విష్ణుం భవ భయ హరం సర్వ లోకైక నాథమ్ || 3 ||<br>
మేఘ శ్యామం పీత కౌశేయ వాసం శ్రీవత్సాకం కౌస్తుభోద్భాసితాంగమ్ |<br>
పుణ్యోపేతం పుండరీకాయతాక్షం విష్ణుం వందే సర్వలోకైక నాథమ్|| 4 ||<br>
నమః సమస్త భూతానామ్ ఆది భూతాయ భూభృతే |<br>
అనేకరూప రూపాయ విష్ణవే ప్రభవిష్ణవే || 5||<br>
సశంఖచక్రం సకిరీట కుండలం సపీతవస్త్రం సరసీరుహేక్షణమ్ |<br>
సహార వక్షఃస్థల శోభి కౌస్తుభం నమామి విష్ణుం శిరసా చతుర్భుజమ్ | 6||<br>
ఛాయాయాం పారిజాతస్య హేమసింహాసనోపరి<br>
ఆసీనమంబుదశ్యామ మాయతాక్ష మలంకృతమ్ || 7 ||<br>
చంద్రాననం చతుర్బాహుం శ్రీవత్సాంకిత వక్షసమ్<br>
రుక్మిణీ సత్యభామాభ్యాం సహితం కృష్ణమాశ్రయే || 8 ||<br>
పంచపూజ<br>
లం – పృథివ్యాత్మనే గంథం సమర్పయామి<br>
హం – ఆకాశాత్మనే పుష్పైః పూజయామి<br>
యం – వాయ్వాత్మనే ధూపమాఘ్రాపయామి<br>
రం – అగ్న్యాత్మనే దీపం దర్శయామి<br>
వం – అమృతాత్మనే నైవేద్యం నివేదయామి<br>
సం – సర్వాత్మనే సర్వోపచార పూజా నమస్కారాన్ సమర్పయామి
స్తోత్రమ్<br>

హరిః ఓం<br>
విశ్వం విష్ణుర్-వశట్కారో భూతభవ్య భవత్ ప్రభుః |<br>
భూతకృద్ భూతభృద్-భావో భూతాత్మా భూత భావనః || 1 ||<br>
పూతాత్మా పరమాత్మా చ ముక్తానాం పరమాగతిః |<br>
అవ్యయః పురుషః సాక్షీ క్శేత్రఙ్ఞోஉక్షర ఏవ చ || 2 ||<br>
యోగో యోగ విదాం నేతా ప్రధాన పురుషేశ్వరః |<br>
నారసింహవపుః శ్రీమాన్ కేశవః పురుషోత్తమః || 3 ||<br>
సర్వః శర్వః శివః స్థ్రాణుర్-భూతాదిర్-నిధిరవ్యయః |<br>
సంభవో భావనో భర్తా ప్రభవః ప్రభురీశ్వరః || 4 ||<br>
స్వయంభూః శంభురాదిత్యః పుష్కరాక్షో మహాస్వనః |<br>
అనాది నిధనో ధాతా విధాతా ధాతురుత్తమః || 5 ||<br>
అప్రమేయో హృషీకేశః పద్మనాభోஉమరప్రభుః |<br>
విశ్వకర్మా మనుస్త్వష్టా స్థవిష్ఠః స్థవిరో ధ్రువః || 6 ||<br>
అగ్రాహ్యః శాశ్వతో కృష్ణో లోహితాక్షః ప్రతర్దనః |<br>
ప్రభూత-స్త్రికకుబ్ధామ పవిత్రం మంగలం పరమ్ || 7 ||<br>
ఈశానః ప్రాణదః ప్రాణో జ్యేష్ఠః శ్రేష్ఠః ప్రజాపతిః |<br>
హిరణ్యగర్భో భూగర్భో మాధవో మధుసూదనః || 8 ||<br>
ఈశ్వరో విక్రమీధన్వీ మేధావీ విక్రమః క్రమః |<br>
అనుత్తమో దురాధర్షః కృతఙ్ఞః కృతిరాత్మవాన్|| 9 ||<br>
సురేశః శరణం శర్మ విశ్వరేతాః ప్రజాభవః |<br>
అహ-స్సంవత్సరో వ్యాళః ప్రత్యయః సర్వ దర్శనః || 10 ||<br>
అజ-స్సర్వేశ్వరః సిద్ధః సిద్ధిః సర్వాదిరచ్యుతః |<br>
వృషా కపిరమేయాత్మా సర్వయోగ వినిసృతః || 11 ||<br>
వసుర్-వసుమనాః సత్యః సమాత్మా-స్సమ్మితః సమః |<br>
అమోఘః పుండరీకాక్షో వృషకర్మా వృషాకృతిః || 12 ||<br>
రుద్రో బహుశిరా బభ్రుర్-విశ్వయోనిః శుచిశ్రవాః |<br>
అమృతః శాశ్వత స్థాణుర్-వరారోహో మహాతపాః || 13 ||<br>
సర్వగః సర్వ విద్భానుర్-విష్వక్సేనో జనార్దనః |<br>
వేదో వేద విదవ్యంగో వేదాంగో వేదవిత్-కవిః || 14 ||<br>
లోకాధ్యక్షః సురాధ్యక్షో ధర్మాధ్యక్షః కృతాకృతః |<br>
చతురాత్మా చతుర్-వ్యూహః చతుర్దంష్ఠ్రః చతుర్భుజః || 15 ||<br>
భ్రాజిష్నుర్-భోజనం భోక్తా సహిష్నుర్-జగదాదిజః |<br>
అనఘో విజయో జేతా విశ్వయోనిః పునర్వసుః || 16 ||<br>
ఉపేంద్రో వామనః ప్రాంశురమోఘః శుచిరూర్జితః |<br>
అతీంద్రః సంగ్రహః సర్గో ధృతాత్మా నియమో యమః || 17 ||<br>
వేద్యో వైద్యః సదాయోగీ వీరహా మాధవో మధుః |<br>
అతీంద్రియో మహామాయో మహోత్సాహో మహాబలః || 18 ||<br>
మహాబుద్ధిర్-మహావీర్యో మహాశక్తిర్-మహాద్యుతిః |<br>
అనిర్-దేశ్యవపుః శ్రీమానమేయాత్మా మహాద్రి ధృక్ః || 19 ||<br>
మహేశ్వాసో మహీభర్తా శ్రీనివాసః సతాంగతిః |<br>
అనిరుద్ధః సురానందో గోవిందో గోవిదాం పతిః || 20 ||<br>
మరీచిర్-దమనో హంసః సుపర్నో భుజగోత్తమః |<br>
హిరణ్యనాభః సుతపాః పద్మనాభః ప్రజాపతిః || 21 ||<br>
అమృత్యుః సర్వదృక్-సింహః సంధాతా సంధిమాన్ స్థిరః |<br>
అజో దుర్మర్షణః శాస్తా విశ్రుతాత్మా సురారిహా || 22 ||<br>
గురుర్-గురుతమో ధామః సత్య-స్సత్య పరాక్రమః |<br>
నిమిషోஉనిమిషః స్రగ్వీ వాచస్పతి రుదారధీః || 23 ||<br>
అగ్రణీః గ్రామణీః శ్రీమాన్ న్యాయోనేతా సమీరణః<br> 
సహస్రమూర్ధా విశ్వాత్మా సహస్రాక్షః సహస్రపాత్ || 24 ||<br>
ఆవర్తనో నివృత్తాత్మా సంవృతః సంప్రమర్దనః |<br>
అహః సంవర్తకో వహ్ని-రనిలో ధరణీధరః || 25 ||<br>
సుప్రసాదః ప్రసన్నాత్మా విశ్వధృగ్-విశ్వభుగ్-విభుః |<br>
సత్కర్తా సత్కృతః సాధుర్-జహ్నుర్-నారాయణో నరః || 26 ||<br>
అసంఖ్యేయోஉప్రమేయాత్మా విశిష్టః శిష్ట కృచ్ఛుచిః |<br>
సిద్ధార్థః సిద్ధ సంకల్పః సిద్ధిదః సిద్ధి సాధనః || 27 ||<br>
వృషాహీ వృషభో విష్ణుర్-వృషపర్వా వృషోదరః |<br>
వర్ధనో వర్ధమానశ్చ వివిక్తః శ్రుతిసాగరః || 28 ||<br>
సుభుజో దుర్ధరో వాగ్మీ మహేంద్రో వసుదో వసుః |<br>
నైకరూపో బృహద్-రూపః శిపివిష్టః ప్రకాశనః || 29 ||<br>
ఓజస్తేజో ద్యుతిధరః ప్రకాశాత్మా ప్రతాపనః |<br>
ఋద్దః స్పష్టాక్షరో మంత్ర-శ్చంద్రాంశుర్-భాస్కరద్యుతిః || 30 ||<br>
అమృతాం శూద్భవో భానుః శశబిందుః సురేశ్వరః |<br>
ఔషధం జగతః సేతుః సత్యధర్మ పరాక్రమః || 31 ||<br>
భూతభవ్య భవన్నాథః పవనః పావనోஉనలః |<br>
కామహా కామకృత్-కాంతః కామః కామప్రదః ప్రభుః || 32 ||<br>
యుగాది కృద్యుగావర్తో నైకమాయో మహాశనః |<br>
అదృశ్యో వ్యక్తరూపశ్చ సహస్రజిదనంతజిత్ || 33 ||<br>
ఇష్టోஉవిశిష్టః శిష్టేష్టః శిఖండీ నహుషో వృషః |<br>
క్రోధహా క్రోధ కృత్కర్తా విశ్వబాహుర్-మహీధరః || 34 ||<br>
అచ్యుతః ప్రథితః ప్రాణః ప్రాణదో వాసవానుజః |<br>
అపాం నిధిరధిష్ఠాన మప్రమత్తః ప్రతిష్ఠితః || 35 ||<br>
స్కందః స్కందధరో ధుర్యో వరదో వాయువాహనః |<br>
వాసుదేవో బృహద్-భానురాదిదేవః పురంధరః || 36 ||<br>
అశోకస్తారణ స్తారః శూరః శౌరిర్-జనేశ్వరః |<br>
అనుకూలః శతావర్తః పద్మీ పద్మ నిభేక్షణః || 37 ||<br>
పద్మనాభోஉరవిందాక్షః పద్మగర్భః శరీరభృత్ |<br>
మహర్ధిర్-ఋద్ధో వృద్ధాత్మా మహాక్షో గరుడధ్వజః || 38 ||<br>
అతులః శరభో భీమః సమయఙ్ఞో హవిర్హరిః |<br>
సర్వలక్షణ లక్షణ్యో లక్ష్మీవాన్ సమితింజయః || 39 ||<br>
విక్షరో రోహితో మార్గో హేతుర్-దామోదరః సహః |<br>
మహీధరో మహాభాగో వేగవాన మితాశనః || 40 ||<br>
ఉద్భవః, క్షోభణో దేవః శ్రీగర్భః పరమేశ్వరః |<br>
కరణం కారణం కర్తా వికర్తా గహనో గుహః || 41 ||<br>
వ్యవసాయో వ్యవస్థానః సంస్థానః స్థానదో ధ్రువః |<br>
పర్ధిః పరమస్పష్టః తుష్టః పుష్టః శుభేక్షణః || 42 ||<br>
రామో విరామో విరజో మార్గోనేయో నయోஉనయః |<br>
వీరః శక్తిమతాం శ్రేష్ఠో ధర్మోధర్మ విదుత్తమః || 43 ||<br>
వైకుంఠః పురుషః ప్రాణః ప్రాణదః ప్రణవః పృథుః |<br>
హిరణ్యగర్భః శత్రుఘ్నో వ్యాప్తో వాయురధోక్షజః || 44 ||<br>
ఋతుః సుదర్శనః కాలః పరమేష్ఠీ పరిగ్రహః |<br>
ఉగ్రః సంవత్సరో దక్షో విశ్రామో విశ్వదక్షిణః || 45 ||<br>
విస్తారః స్థావర స్థాణుః ప్రమాణం బీజమవ్యయమ్ |<br>
అర్థోஉనర్థో మహాకోశో మహాభోగో మహాధనః || 46 ||<br>
అనిర్విణ్ణః స్థవిష్ఠో భూద్ధర్మయూపో మహామఖః |<br>
నక్షత్రనేమిర్-నక్షత్రీ క్షమః, క్షామః సమీహనః || 47 ||<br>
యఙ్ఞ ఇజ్యో మహేజ్యశ్చ క్రతు-స్సత్రం సతాంగతిః |<br>
సర్వదర్శీ విముక్తాత్మా సర్వఙ్ఞో ఙ్ఞానముత్తమమ్ || 48 ||<br>
సువ్రతః సుముఖః సూక్ష్మః సుఘోషః సుఖదః సుహృత్ |<br>
మనోహరో జితక్రోధో వీర బాహుర్-విదారణః || 49 ||<br>
స్వాపనః స్వవశో వ్యాపీ నైకాత్మా నైకకర్మకృత్| |<br>
వత్సరో వత్సలో వత్సీ రత్నగర్భో ధనేశ్వరః || 50 ||<br>
ధర్మగుబ్-ధర్మకృద్-ధర్మీ సదసత్-క్షరమక్షరమ్||<br>
అవిఙ్ఞాతా సహస్త్రాంశుర్-విధాతా కృతలక్షణః || 51 ||<br>
గభస్తినేమిః సత్త్వస్థః సింహో భూత మహేశ్వరః |<br>
ఆదిదేవో మహాదేవో దేవేశో దేవభృద్-గురుః || 52 ||<br>
ఉత్తరో గోపతిర్-గోప్తా ఙ్ఞానగమ్యః పురాతనః |<br>
శరీర భూతభృద్ భోక్తా కపీంద్రో భూరిదక్షిణః || 53 ||<br>
సోమపోஉమృతపః సోమః పురుజిత్ పురుసత్తమః |<br>
వినయో జయః సత్యసంధో దాశార్హః సాత్వతాం పతిః || 54 ||<br>
జీవో వినయితా సాక్షీ ముకుందోஉమిత విక్రమః |<br>
అంభోనిధిరనంతాత్మా మహోదధి శయోంతకః || 55 ||<br>
అజో మహార్హః స్వాభావ్యో జితామిత్రః ప్రమోదనః |<br>
ఆనందో నందనోనందః సత్యధర్మా త్రివిక్రమః || 56 ||<br>
మహర్షిః కపిలాచార్యః కృతఙ్ఞో మేదినీపతిః |<br>
త్రిపదస్-త్రిదశాధ్యక్షో మహాశృంగః కృతాంతకృత్ || 57 ||<br>
మహావరాహో గోవిందః సుషేణః కనకాంగదీ |<br>
గుహ్యో గభీరో గహనో గుప్తశ్చక్ర గదాధరః || 58 ||<br>
వేధాః స్వాంగోஉజితః కృష్ణో దృఢః సంకర్షణోஉచ్యుతః |<br>
వరుణో వారుణో వృక్షః పుష్కరాక్షో మహామనాః || 59 ||<br>
భగవాన్ భగహాஉஉనందీ వనమాలీ హలాయుధః |<br>
ఆదిత్యో జ్యోతిరాదిత్యః సహిష్నుర్-గతిసత్తమః || 60 ||<br>
సుధన్వా ఖండపరశుర్-దారుణో ద్రవిణప్రదః |<br>
దివస్పృక్-సర్వ దృగ్వాసో వాచస్పతిరయోనిజః || 61 ||<br>
త్రిసామా సామగః సామ నిర్వాణం భేషజం భిషక్ |<br>
సన్యాస కృచ్ఛమః శాంతో నిష్ఠా శాంతిః పరాయణమ్| 62 ||<br>
శుభాంగః శాంతిదః స్రష్ఠా కుముదః కువలేశయః |<br>
గోహితో గోపతిర్-గోప్తా వృషభాక్షో వృషప్రియః || 63 ||<br>
అనివర్తీ నివృత్తాత్మా సంక్షేప్తా క్షేమకృచ్ఛివః |<br>
శ్రీవత్సవక్షాః శ్రీవాసః శ్రీపతిః శ్రీమతాంవరః || 64 ||<br>
శ్రీదః శ్రీశః శ్రీనివాసః శ్రీనిధిః శ్రీవిభావనః |<br>
శ్రీధరః శ్రీకరః శ్రేయః శ్రీమాన్ లోకత్రయాశ్రయః || 65 ||<br>
స్వక్షః స్వంగః శతానందో నందిర్-జ్యోతిర్-గణేశ్వరః |<br>
విజితాత్మా విధేయాత్మా సత్కీర్తి-చ్ఛిన్న సంశయః || 66 ||<br>
ఉదీర్ణః సర్వతశ్చక్షు రనీశః శాశ్వతస్థిరః |<br>
భూశయో భూషణో భూతిర్-విశోకః శోకనాశనః || 67 ||<br>
అర్చిష్మా నర్చితః కుంభో విశుద్ధాత్మా విశోధనః |<br>
అనిరుద్ధోஉప్రతిరథః ప్రద్యుమ్నోஉమిత విక్రమః || 68 ||<br>
కాలనేమినిహా వీరః శౌరిః శూరః జనేశ్వరః |<br>
త్రిలోకాత్మా త్రిలోకేశః కేశవః కేశిహా హరిః || 69 ||<br>
కామదేవః కామపాలః కామీ కాంతః కృతాగమః |<br>
అనిర్దేశ్యవపుర్-విష్ణుర్-విరోஉనంతో ధనంజయః || 70 ||<br>
బ్రహ్మణ్యో బ్రహ్మకృత్ బ్రహ్మా బ్రహ్మ బ్రహ్మవివర్ధనః |<br>
బ్రహ్మవిద్-బ్రాహ్మణో బ్రహ్మీ బ్రహ్మఙ్ఞో బ్రాహ్మణప్రియః || 71 ||<br>
మహాక్రమో మహాకర్మా మహాతేజా మహోరగః |<br>
మహాక్రతుర్-మహాయజ్వా మహాయఙ్ఞో మహాహవిః || 72 ||<br>
స్తవ్యః స్తవప్రియః స్తోత్రం స్తుతిః స్తోతా రణప్రియః |<br>
పూర్ణః పూరయితా పుణ్యః పుణ్య కీర్తి రనామయః || 73 ||<br>
మనోజవ-స్తీర్థకరో వసురేతా వసుప్రదః |<br>
వసుప్రదో వాసుదేవో వసుర్-వసుమనా హవిః || 74 ||<br>
సద్గతిః సత్కృతిః సత్తా సద్భూతిః సత్పరాయణః |<br>
శూరసేనో యదుశ్రేష్ఠః సన్నివాసః సుయామునః || 75 ||<br>
భూతావాసో వాసుదేవః సర్వాసు నిలయోஉనలః |<br>
దర్పహా దర్పదో దృప్తో దుర్ధరోஉథాపరాజితః || 76 ||<br>
విశ్వమూర్తిర్-మహామూర్తిర్-దీప్తమూర్తి రమూర్తిమాన్ |<br>
అనేక మూర్తిరవ్యక్తః శతమూర్తిః శతాననః || 77 ||<br>
ఏకో నైకః సవః కః కిం యత్తత్-పదమ నుత్తమమ్ |<br>
లోకబంధుర్-లోకనాథో మాధవో భక్తవత్సలః || 78 ||<br>
సువర్ణవర్ణో హేమాంగో వరాంగశ్చందనాంగదీ |<br>
వీరహా విషమః శూన్యో ఘృతా శీరచలశ్చలః || 79 ||<br>
అమానీ మానదో మాన్యో లోకస్వామీ త్రిలోకధృత్|<br>
సుమేధా మేధజో ధన్యః సత్యమేధా ధరాధరః || 80 ||<br>
తేజోవృషో ద్యుతిధరః సర్వశస్త్ర భృతాంవరః |<br>
ప్రగ్రహో నిగ్రహో వ్యగ్రో నైకశృంగో గదాగ్రజః || 81 ||<br>
చతుర్మూర్తి శ్చతుర్బాహు శ్చతుర్వ్యూహ శ్చతుర్గతిః |<br>
చతురాత్మా చతుర్భావః చతుర్వేద విదేకపాత్ || 82 ||<br>
సమావర్తోஉనివృత్తాత్మా దుర్జయో దురతిక్రమః |<br>
దుర్లభో దుర్గమో దుర్గో దురావాసో దురారిహా || 83 ||<br>
శుభాంగో లోకసారంగః సుతంతుః తంతువర్ధనః |<br>
ఇంద్రకర్మా మహాకర్మా కృతకర్మా కృతాగమః || 84 ||<br>
ఉద్భవః సుందరః సుందో రత్ననాభః సులోచనః |<br>
అర్కో వాజసనః శృంగీ జయంతః సర్వవిజ్జయీ || 85 ||<br>
సువర్ణబిందు రక్షోభ్యః సర్వవాగీ శ్వరేశ్వరః |<br>
మహాహృదో మహాగర్తో మహాభూతో మహానిధిః || 86 ||<br>
కుముదః కుందరః కుందః పర్జన్యః పావనోஉనిలః |<br>
అమృతాశోஉమృతవపుః సర్వఙ్ఞః సర్వతోముఖః || 87 ||<br>
సులభః సువ్రతః సిద్ధః శత్రుజిచ్ఛత్రుతాపనః |<br>
న్యగ్రోధో దుంబరోஉశ్వత్థః ఛాణూరాంధ్ర నిషూదనః || 88 ||<br>
సహస్రార్చిః సప్తజిహ్వః సప్తైధాః సప్తవాహనః |<br>
అమూర్తి రనఘోஉచింత్యో భయకృద్-భయనాశనః || 89 ||<br>
అణుర్-బృహత్-కృశః స్థూలో గుణభృన్నిర్గుణో మహాన్ |<br>
అధృతః స్వధృతః స్వాస్యః ప్రాగ్వంశో వంశవర్ధనః || 90 ||<br>
భారభృత్-కథితో యోగీ యోగీశః సర్వకామదః |<br>
ఆశ్రమః శ్రమణః, క్షామః సుపర్ణో వాయువాహనః || 91 ||<br>
ధనుర్ధరో ధనుర్వేదో దండో దమయితా దమః |<br>
అపరాజితః సర్వసహో నియంతాஉనియమోஉయమః || 92 ||<br>
సత్త్వవాన్ సాత్త్వికః సత్యః సత్య ధర్మ పరాయణః |<br>
అభిప్రాయః ప్రియార్హోஉర్హః ప్రియకృత్-ప్రీతివర్ధనః || 93 ||<br> 
విహాయ సగతిర్-జ్యోతిః సురుచిర్-హుతభుగ్విభుః |<br>
రవిర్-విరోచనః సూర్యః సవితా రవిలోచనః || 94 ||<br>
అనంతో హుతభుగ్ భోక్తా సుఖదో నైకజోஉగ్రజః |<br>
అనిర్విణ్ణః సదామర్షీ లోకధిష్ఠాన మద్భుతః || 95 ||<br>
సనాత్ సనాతనతమః కపిలః కపిరవ్యయః |<br>
స్వస్తిదః స్వస్తికృత్-స్వస్తిః స్వస్తిభుక్ స్వస్తిదక్షిణః || 96 ||<br>
అరౌద్రః కుండలీ చక్రీ విక్రమ్యూర్జితశాశనః |<br>
శబ్దాతిగః శబ్దసహః శిశిరః శర్వరీకరః || 97 ||<br>
అక్రూరః పేశలో దక్షో దక్షిణః, క్షమిణాం వరః |<br>
విద్వత్తమో వీతభయః పుణ్యశ్రవణ కీర్తనః || 98 ||<br>
ఉత్తారణో దుష్కృతిహా పుణ్యో దుఃస్వప్ననాశనః |<br>
వీరహా రక్షణః సంతో జీవనః పర్యవస్థితః || 99 ||<br>
అనంతరూపஉనంత శ్రీర్-జితమన్యుర్-భయాపహః |<br>
చతురశ్రో గభీరాత్మా విదిశో వ్యాదిశో దిశః || 100 ||<br>
అనాదిర్-భూర్భువో లక్ష్మీః సువీరో రుచిరాంగదః |<br>
జననో జనజన్మాదిర్-భీమో భీమ పరాక్రమః || 101 ||<br>
ఆధార నిలయోஉధాతా పుష్పహాసః ప్రజాగరః |<br>
ఊర్ధ్వగః సత్పథాచారః ప్రాణదః ప్రణవః పణః || 102 ||<br>
ప్రమాణం ప్రాణనిలయః ప్రాణభృత్ ప్రాణజీవనః |<br>
తత్త్వం తత్త్వ విదేకాత్మా జన్మమృత్యు జరాతిగః || 103 ||<br>
భూర్భువః స్వస్తరుస్తారః సవితా ప్రపితామహః |<br>
యఙ్ఞో యఙ్ఞపతిర్-యజ్వా యఙ్ఞాంగో యఙ్ఞవాహనః || 104 ||<br>
యఙ్ఞభృత్ యఙ్ఞకృత్ యఙ్ఞీ యఙ్ఞభుక్ యఙ్ఞసాధనః |<br>
యఙ్ఞాంతకృత్ యఙ్ఞ గుహ్య మన్నమన్నాద ఏవ చ || 105 ||<br>
ఆత్మయోనిః స్వయంజాతో వైఖానః సామగాయనః |<br>
దేవకీనందనః స్రష్ఠా క్షితీశః పాపనాశనః || 106 ||<br>
శంఖభృన్నందకీ చక్రీ శాంగ ధన్వా గదాధరః |<br>
రథాంగపాణి రక్షోభ్యః సర్వప్రహరణాయుధః || 107 ||<br>
శ్రీ సర్వప్రహరణాయుధ ఓం నమ ఇతి |<br>
వనమాలీ గదీ శాంగీ శంఖీ చక్రీ చ నందకీ |<br>
శ్రీమాన్నారాయణో విష్ణుర్-వాసుదేవోஉభిరక్షతు || 108 ||<br>
ఉత్తర భాగం

ఫలశ్రుతిః
ఇతీదం కీర్తనీయస్య కేశవస్య మహాత్మనః |<br>
నామ్నాం సహస్రం దివ్యానా మశేషేణ ప్రకీర్తితమ్| || 1 ||<br>
య ఇదం శృణుయాన్నిత్యం యశ్చాపి పరికీర్తయేత్||<br>
నాశుభం ప్రాప్నుయాత్ కించిత్-సోஉముత్రేహ చ మానవః || 2 ||<br>
వేదాంతగో బ్రాహ్మణః స్యాత్ క్షత్రియో విజయీ భవేత్ |<br>
వైశ్యో ధనసమృద్ధః స్యాత్ శూద్రః సుఖ మవాప్నుయాత్ || 3 ||<br>
ధర్మార్థీ ప్రాప్నుయాద్ధర్మ మర్థార్థీ చార్థ మాప్నుయాత్ |<br>
కామాన వాప్నుయాత్ కామీ ప్రజార్థీ చాప్నుయాత్ ప్రజామ్| || 4 ||<br>
భక్తిమాన్ యః సదోత్థాయ శుచిః సద్గతమానసః |<br>
సహస్రం వాసుదేవస్య నామ్నామేతత్ ప్రకీర్తయేత్ || 5 ||<br>
యశః ప్రాప్నోతి విపులం యాతి ప్రాధాన్యమేవ చ |<br>
అచలాం శ్రియమాప్నోతి శ్రేయః ప్రాప్నోత్య నుత్తమమ్| || 6 ||<br>
న భయం క్వచిదాప్నోతి వీర్యం తేజశ్చ విందతి |<br>
భవత్యరోగో ద్యుతిమాన్ బలరూప గుణాన్వితః || 7 ||<br>
రోగార్తో ముచ్యతే రోగాద్-బద్ధో ముచ్యేత బంధనాత్ |<br>
భయాన్-ముచ్యేత భీతస్తు ముచ్యేతాపన్న ఆపదః || 8 ||<br>
దుర్గాణ్యతితర త్యాశు పురుషః పురుషోత్తమమ్| |<br>
స్తువన్నామ సహస్రేణ నిత్యం భక్తి సమన్వితః || 9 ||<br>
వాసుదేవాశ్రయో మర్త్యో వాసుదేవ పరాయణః |<br>
సర్వపాప విశుద్ధాత్మా యాతి బ్రహ్మ సనాతనమ్| || 10 ||<br>
న వాసుదేవ భక్తానా మశుభం విద్యతే క్వచిత్ |<br>
జన్మ మృత్యు జరావ్యాధి భయం నైవోపజాయతే || 11 ||<br>
ఇమం స్తవమధీయానః శ్రద్ధాభక్తి సమన్వితః |<br>
యుజ్యేతాత్మ సుఖక్షాంతి శ్రీధృతి స్మృతి కీర్తిభిః || 12 ||<br>
న క్రోధో న చ మాత్సర్యం న లోభో నాశుభామతిః | <br>
భవంతి కృతపుణ్యానాం భక్తానాం పురుషోత్తమే || 13 || <br>
ద్వౌః స చంద్రార్క నక్షత్రా ఖం దిశో భూర్మహోదధిః | <br>
వాసుదేవస్య వీర్యేణ విధృతాని మహాత్మనః || 14 || <br>
ససురాసుర గంధర్వం సయక్షోరగ రాక్షసమ్ | <br>
జగద్వశే వర్తతేదం కృష్ణస్య స చరాచరమ్| || 15 || <br>
ఇంద్రియాణి మనోబుద్ధిః సత్త్వం తేజో బలం ధృతిః | <br>
వాసుదేవాత్మ కాన్యాహుః, క్షేత్రం క్షేత్రఙ్ఞ ఏవ చ || 16 || <br>
సర్వాగమానా మాచారః ప్రథమం పరికల్పతే | <br>
ఆచర ప్రభవో ధర్మో ధర్మస్య ప్రభురచ్యుతిః || 17 || <br>
ఋషయః పితరో దేవా మహాభూతాని ధాతవః | <br>
జంగమా జంగమం చేదం జగన్నారాయణోద్భవమ్ || 18 || <br>
యోగోఙ్ఞానం తథా సాంఖ్యం విద్యాః శిల్పాదికర్మ చ | <br>
వేదాః శాస్త్రాణి విఙ్ఞానమేతత్ సర్వం జనార్దనాత్ || 19 || <br>
ఏకో విష్ణుర్-మహద్-భూతం పృథగ్భూతా న్యనేకశః | <br>
త్రీన్లోకాన్ వ్యాప్య భూతాత్మా భుంక్తే విశ్వభుగవ్యయః || 20 || <br>
ఇమం స్తవం భగవతో విష్ణోర్-వ్యాసేన కీర్తితమ్ | <br>
పఠేద్య ఇచ్చేత్-పురుషః శ్రేయః ప్రాప్తుం సుఖాని చ || 21 || <br>
విశ్వేశ్వరమజం దేవం జగతః ప్రభుమవ్యయమ్| <br>
భజంతి యే పుష్కరాక్షం న తే యాంతి పరాభవమ్ || 22 || <br>
న తే యాంతి పరాభవమ్ ఓం నమ ఇతి | <br>
అర్జున ఉవాచ <br>
పద్మపత్ర విశాలాక్ష పద్మనాభ సురోత్తమ | <br>
భక్తానా మనురక్తానాం త్రాతాభవ జనార్దన || 23 || <br>
శ్రీభగవాన్ ఉవాచ <br>
యో మాం నామ సహస్రేణ స్తోతుమిచ్ఛతి పాండవ | <br>
సోஉహమేకేన శ్లోకేన స్తుత ఏవ న సంశయః || 24 || <br>
స్తుత ఏవ న సంశయ ఓం నమ ఇతి | <br>
వ్యాస ఉవాచ <br>
వాసనాద్-వాసుదేవస్య వాసితం భువనత్రయమ్ | <br>
సర్వభూత నివాసోஉసి వాసుదేవ నమోస్తుతే || 25 || <br>
శ్రీవాసుదేవ నమోస్తుత ఓం నమ ఇతి | <br>
పార్వత్యువాచ <br>
కేనోపాయేన లఘునా విష్ణోర్-నామ సహస్రకమ్ | <br>
పఠ్యతే పండితైర్-నిత్యం శ్రోతు మిచ్ఛామ్యహం ప్రభో || 26 || <br>
ఈశ్వర ఉవాచ <br>
శ్రీరామ రామ రామేతి రమే రామే మనోరమే | <br>
సహస్రనామ తత్తుల్యం రామనామ వరాననే || 27 || <br>
శ్రీరామ నామ వరానన ఓం నమ ఇతి | <br>
బ్రహ్మోవాచ <br>
నమోஉస్త్వనంతాయ సహస్రమూర్తయే సహస్ర పాదాక్షి శిరోరు బాహవే | <br>
సహస్ర నామ్నే పురుషాయ శాశ్వతే సహస్రకోటీ యుగ ధారిణే నమః || 28 || <br>
సహస్ర కోటీ యుగధారిణే నమ ఓం నమ ఇతి | <br>
సంజయ ఉవాచ <br>
యత్ర యోగేశ్వరః కృష్ణో యత్ర పార్థో ధనుర్ధరః | <br>
తత్ర శ్రీర్-విజయో భూతిర్-ధ్రువా నీతిర్-మతిర్-మమ || 29 || <br>
శ్రీ భగవాన్ ఉవాచ <br>
అనన్యాశ్చింత యంతో మాం యే జనాః పర్యుపాసతే | <br>
తేషాం నిత్యాభియుక్తానాం యోగక్షేమం వహామ్యహమ్| || 30 || <br>
పరిత్రాణాయ సాధూనాం వినాశాయ చ దుష్కృతామ్| | <br>
ధర్మ సంస్థాపనార్థాయ సంభవామి యుగే యుగే || 31 || <br>
ఆర్తాః విషణ్ణాః శిథిలాశ్చ భీతాః ఘోరేషు చ వ్యాధిషు వర్తమానాః | <br>
సంకీర్త్య నారాయణ శబ్దమాత్రం విముక్త దుఃఖాః సుఖినో భవంతి || 32 || <br>
కాయేన వాచా మనసేంద్రి యైర్వా బుద్ధ్యాత్మనా వా ప్రకృతేః స్వభావాత్ <br>
కరోమి యద్యత్-సకలం పరస్మై నారాయణాయేతి సమర్పయామి || 33 || <br>