Difference between revisions 89262 and 89272 on thwikisource

๒. อายตนวิภโงฺค-สัมโมหวิโนทนี
'''๒. อายตนวิภโงฺค'''

'''๑. สุตฺตนฺตภาชนียวณฺณนา'''

๑๕๔. อิทานิ ตทนนฺตเร อายตนวิภงฺคนิเทฺทเส สุตฺตนฺตภาชนียํ ตาว ทเสฺสโนฺต ทฺวาทสายตนานิ จกฺขายตนํ รูปายตนนฺติอาทิมาหฯ ตตฺถ ปาฬิมุตฺตเกน ตาว นเยน –



(contracted; show full)จตฺตาโร ขนฺธา สปฺปจฺจยาว สงฺขตาว ธมฺมายตนํ ปน ‘‘สิยา อปฺปจฺจยํ, สิยา อสงฺขต’’นฺติ อาคตํฯ อารมฺมณตฺติเกสุ จ อนารมฺมณํ สุขุมรูปสงฺขาตํ ธมฺมายตนํ น-วตฺตพฺพโกฎฺฐาสํ ภชติฯ ตญฺจ โข อนารมฺมณตฺตา น ปริตฺตาทิภาเวน นวตฺตพฺพธมฺมารมฺมณตฺตาติ อยเมตฺถ วิเสโสฯ เสสํ ตาทิสเมวฯ อิธาปิ หิ จตฺตาโร ขนฺธา วิย ทฺวายตนา ปญฺจปณฺณาส กามาวจรธเมฺม อารพฺภ รชฺชนฺตสฺส ทุสฺสนฺตสฺส มุยฺหนฺตสฺส สํวรนฺตสฺส สมฺมสนฺตสฺส ปจฺจเวกฺขนฺตสฺส จ ปริตฺตารมฺมณาติ สพฺพํ ขเนฺธสุ วุตฺตสทิสเมวาติฯ

สโมฺมหวิโนทนิยา วิภงฺคฎฺฐกถาย

อายตนวิภงฺควณฺณนา นิฎฺฐิตาฯ
⏎
⏎
[[หมวดหมู่:พระไตรปิฎก]]