Alang kdusan 格督善部落
Pnyahan hangan Kdusan sun nii o pnlnglung ta 1914 hngkawas mnhdu tmgjiyal Nihung ka Truku, mkkyayung sbiki tmabuy ka mrata Nihung, qtaan dha ka kingal alang ga siyaw yayung Sbiki yaa bi 900tnegkalan dgiyaq paah gsilung, qmita alang Truku ka mrata Nihung do aji hmut saang ka lnglungan dha, kiya do tqdugun dha peekan psaan psahu ka idaw, phqilun dha pyipayi, bkbaki lqlaqi bilaq mkngari mniq sapah ini usa qmpahka. Qmita saw nii ka kingal rudan Yadu Jiyun sun ka hangan na mniq hiya, mkla lnglungan mrata Nihung nasi mkan idaw psaan psahu bnegay nii ka seejiq alang do ida mha mhuqil da msa lmnglung, kiya do asi usa rmngaw kingal duri rudan Karaw Wacih sun ka hangan na,“sai rmngaw nhari seejiq ga mniq sapah gaga, iya bi uqi ka idaw bnegay mrata Nihung gaga, yaasa mkan namu do ida namu emphuqil da”msa. Kiya ka kiyaq ni yaasa malu qtaan ni aji dha qnqan ka bhgay bi idaw saw nii,duri o meuray bi dhiya siida uri, kiya do ini qbahang kari pndakar Yadu Jiyun ni Karaw Wach ka dhiya,mangal ni wada dha uqun ka idaw, ini qbsiyaq qnqan dha do asi lu wada kritun nbuyas ni wada mhuqil da. Qmita saw nii mkbaax mhuqil kana ka mkngari sapah hini dhuq pnaah qmpahan duma dha seejiq alang do naqih bi kuxul dha ni rmngaw, “tayal balay nngari pnhuqil kai ta nii, pnkeudus ta paah rhngun hqilan ka ita nii,”msa. Paah siida ngalan dha “Pnkeudus得生命” 之意 ka dxgal nii. paah jiyax siida seejiq mniq alang Sbiki o brahan dha ptngahan“Kdusan生命之地”bitaq saying.
資料來源:口述者Yudaw Pisaw（1925.08.05生）原居格督善部落（Alang Kdusan），現移居景美村加灣部落，轉述他母親Lituk Awi敘述Alang Sbiki 所發生的故事，如何使Alang Sbiki 變為被族人稱格督善部落緣由。2008.08.21. 加灣自宅 Iyuq Ciyang 整理
[[Snakun:Truku(太魯閣語)]]
This site is not affiliated with or endorsed in any way by the Wikimedia Foundation or any of its affiliates. In fact, we fucking despise them.
|
