Revision 1409 of "Djonne prétins (Bragard-Mahin)" on wawikisource

{{modeyes|[[Djonne prétins-fel|Feller-Sedyn]]}}
{{header
 | title    = Djonne prétins
 | author   = Henri Bragard
 | override_author   =
 | editor = 
 | override_editor = [[Author:Lucien Mahin|Lucien Mahin]]
 | section  =
 | previous =
 | next     =
 | year     = 1927
 | notes    = 
}}

<poem><center>
Li hoûlant hoursea ki dhoursele
Et spete les nûlêyes e noer cir
Plonke sol vî tiyoû k' i khotele
Et czåbouye, come pol distchåssî.

Ene moite coxhe djemixh et s' distele
Et spite a bokets sol tchåsseye.
Tapant, l' rixhlante walêye tchafele
Les cotiaedjes k' on vént di smincî.

L' oraedje pingne divins, rixh et raxh
Et råye et cfroxhe tot cwè l' ratént.
Måy l' ivier ni fout si waeraxhe.

Mins, schoûte ! E l' avrûle do bouxhnaedje,
D' on sprewe, li reguedé xhuflaedje 
Salowe li forsôlé prétins.
</center></poem>
----
'''Note Wikisourd'''

Arimé eplaidî pol prumî côp dins l' [[w:wa:Li vî Sprewe (rivuwe)|Lu Vî Sprâwe]] l° 1

Li powinme eredjistré sol plake alant avou l' live so tote l' ouve da Hinri Bragard est schoûtåve dins l' mwaisse prononçadje [http://denee.walon.org/~lucyin/tchanson/odio/HBra_ivier.ogg vola].
</div>
[[Category:Walon]]
[[Category:Arimés e walon]]
[[Category:Walon scrît e rfondou]]