Revision 77224 of "Stoelematter" on zeawiki

[[Plaetje:Charles Rennie Mackintosh - Chair - 1903.jpg|200px|rechts|thumb|Stoel mee biezen zitting]]
[[Plaetje:Flechten Sitzfläche Stuhl.JPG|200px|rechts|thumb|Een stoelematter an't werrek]]
'''Stoelematter''' is een oud ambacht, wat tehewoordig nie zo vee meer vokomt. 

Voor 't matten mos je zoete, zoute of bast'rdbiez'n gebruuk'n (uit de [[Biesbos]] of het [[IJsselmeer]] bij [[Genemuiden]]). Twêê of drie beiz'n meeje viengers in mekaore draoj'n tot'n stresse (streng van overal gelijke dikte), en de stress'n rond de zittienge van de stoel legg'n töddattie 'êêl bedekt was. Dan pakte je 't stop'outje, om de ruumte onder de biez'n zittienge vol te stamp'n mi dunne afvalbiez'n: zó" kreeg je'n 'arde matte. Vö gaotjesmatt'n of kannêérwèrk nam je vlechtband en 'n lange vlechtnaolde (50 cm. lang en 1 cm. breed) en, dan waz't vlecht'en liek op kleuterschöóle; êêst d'óófdliggers mi'out'n propp'n vastzett'n in't out van de stoel; dan dichtvlecht'n en de uutènd'n van't vlechtband vastmaok'n. In [[Wòstburg]] op de Soosjaole Werkplaots doen de dad 'andwerk nog liet zó az vroeger de stoelematters 't bie 'ulder eih'n tuus deej'n.

==Mandemaeker==
Vaek kó j' ok aller'ande bennetjes, gróót en klein op maot laot'n maoken bie een stoelematter. Ie begon allied meej'n kruus van wiss'n te maok'n, en vlocht dan êêst de bóóm (bodem). Vö z'n'uus stoeng'n d'r altied 'n'êêle bende, en az uut'angborretje 'ieng d'r'n bosse wiss'n (wilgetenen) en 'n stik wisband. 

[[Categorie:Beroep]]

[[fr:Cannage]]
[[nds-nl:Stoelnmatter]]
[[nl:Stoelenmatter]]