Difference between revisions 1006977 and 1007052 on zh_yuewiki

{{生平明細
| 名   = 黃勝
| 相   = Wong Shing.jpg
| 大   = 180px
| 旁述 = 
| 籍貫 = 廣東省香山縣
| 出世 = 1827年
| 出生地 = [[File:Flag of the Qing Dynasty (1862-1889).svg|25px]]大清帝國澳門地區<small>（大清廣東省香山縣）</small>
| 死   = {{death date and age|1902|8|5|1827|1|1}}
| 死地 = [[File:Flag_of_Hong_Kong_(1876-1910).png|25px]]英屬香港
| 國籍 = [[File:Flag_of_Hong_Kong_(1876-1910).png|25px]]英屬香港
| 信仰 = [[基督教]]
| 職業 = [[傳媒]]工作者、[[定例局]]非官守議員
| 配偶 = 
| 出名 = 
}}

'''黃勝'''（'''Wong Shing'''，{{生死|1827年||1902年|8月5號}}），名'''達權'''（'''Wong Tat-kuen'''），小名'''勝'''，字'''平甫'''，小名'''黃勝'''為後人熟悉。佢係[[香港]]學者、[[新聞界]]人、[[商人]]同[[政治人]]。黃勝幼年就讀[[馬禮遜學堂|馬禮遜紀念學校]]，校由[[倫敦傳道會]]創辦。後尾同[[容閎]]及[[黃寬]]一齊獲選去[[美國]]留學，返港後先後事於《[[德臣西報]]》及[[英華書院]]印刷所，主搞[[印刷]]同[[翻譯]]，曾參與創辦《[[中外新報]]》、《[[華字日報]]》同《[[循環日報]]》，亦同[[王韜]]合編譯《[[火器說略]]》一書。

黃係香港首位獲政府認可唐人做[[陪審員]]，一八七零年有份創立[[東華醫院]]，後曾協助[[大清]]率領第二批學童出洋[[留學]][[美國]]。一八八三年十二月，黃勝委任爲[[太平紳士]]，係華人首位。一八八四年到一八九零年獲委[[定例局]]非官守議員，係局上第二位唐人議員。另外佢亦係首批[[潔淨局]]非官守議員嘅華人。黃勝亦曾從商，喺香港透過買賣[[土地]]致富，係香港早期華商。

==生平==
===早年出國===
黃勝一八二七年生於當時仍歸屬於[[清朝|大清]][[廣東]][[香山縣]]管治嘅[[澳門城]]外一帶[[澳門|澳門地區]]。籍貫係廣東省香山縣。一八四一年前，入讀喺沙梨頭村嘅[[馬禮遜學堂|馬禮遜紀念學校]]（Morrison Memorial School），同校同學計有[[容閎]]、[[黃寬]]同[[唐廷樞]]等人。佢哋後尾學有所成。翌年，[[清廷]]喺[[第一次鴉片戰爭]]中，敗於[[英國]]，並簽訂《[[南京條約]]》，割讓[[香港島]]畀英國，黃勝遂隨校搬到香港。

到[[1846年]]，馬禮遜紀念學校校長[[包朗|包朗牧師]]（Rev. Samuel Robbins Brown）因身體欠佳，決意辭職返美國。外界贊助下，佢好希望攜同校內數名優秀學生負笈美國，畀佢哋受正規西式[[教育]]。據記載，包朗牧師將消息告知全體學生，有興趣同學可起立。[[容閎]]首先起立，第二位黃勝，最後一位[[黃寬]]。

包朗牧師帶住三人，一八四七年一月四號搭船[[上海]]出發，同年四月十二號抵[[美國]]，入讀[[麻省]][[孟松學院]]（Monson Academy），但黃勝僅讀咗一年，水土不服，被迫一八四八年返香港。黃勝去美國時，正式受浸為[[基督徒]]，返港後則成為[[倫敦傳道會]]會眾。

===返港發展===
黃勝返港後，贊助佢到美國留學嘅[[蕭德銳]]（Andrew Shortrede），係《[[德臣西報]]》創辦人。佢請咗黃，學[[印刷]]，後尾參加過[[編輯]]工作。無耐一八五三年，[[英華書院]]印刷所請佢做監督，以協助倫敦傳道會承印及[[翻譯]]新創辦《[[遐爾貫珍]]》。此外，黃勝亦有份協助書院[[理雅各|理雅各牧師]]翻譯《[[四書]]》成[[英文]]，一八六一年印行時，理雅各牧師喺序言中向黃勝致謝。

黃勝喺英華書院翻譯，深得[[香港政府]]賞識。一八五八年成為首位獲認可為[[陪審員]]嘅[[華人]]。同時高等法院願意出月薪一百二十圓聘請佢出任法庭[[通事]]，當時[[法院註冊官]]更表示，如黃勝不接受聘用，佢願意每月畀多十圓月薪，以示誠意。儘管黃勝當時喺英華書院月薪，得三十圓，但佢以服務[[教會]]為樂，拒絕法院重金禮聘。

理雅各牧師令佢識到[[王韜]]。王韜來港避難，係[[洋務]]學者。王韜曾協助理雅各翻譯《[[尚書 (經)|尚書]]》，又同黃勝合作，翻譯《[[火器說略]]》，專門介紹西方兵器，並分別講授煉鐵、造模、置爐、鑽炮及驗藥各大範疇。《火器說略》一書，後來由王韜進呈[[曾國藩]]幕僚[[丁日昌]]及[[淮軍]]統領[[李鴻章]]，深受賞識。

丁日昌引薦下，黃勝有機會喺一八六四年前往[[上海]]，喺[[同文館]]掌教英文。一八六七年，黃勝協同[[唐廷樞]]到[[香港國家大書院]]招攬學生，安排學生去[[福州]][[船政學堂]]深造，無耐因故辭職返港，重新去英華書院印刷所做嘢。

===創辦報紙===
{{see also|中外新報|循環日報|華字日報}}
[[File:Xunhuanribao.jpeg|thumb|[[1882年]]的《[[循環日報]]》。]]
佢喺《[[德臣西報]]》及[[英華書院]]印刷所做嘢，有唔少經驗累積，知印刷同辦報。一八五八年，黃勝同[[伍廷芳]]租用《[[孖剌西報]]》唐字[[鉛字]]，創辦《[[中外新報]]》，並以《孖剌西報》唐字晚刊名義印行，係香港第一份全唐字報紙。

一八七二年四月，黃勝又有份辦另一份報紙。呢次同《德臣西報》副主編[[陳靄庭]]合作，將原本附屬《德臣西報》嘅《[[中外新聞七日報]]》，獨立出來，成立《[[華字日報]]》。《華字日報》由黃勝出任主筆，亦係繼《中外新報》後，香港第二份唐字報紙。

另一方面，英華書院一八七一年因故一度停辦，並將印刷所嘅印刷設備出售。黃勝就同[[王韜]]合共出資一萬圓[[墨西哥鷹洋]]，購入設備，並成立[[中華印務總局]]，專門承印各類中西[[書籍]]。後來得[[洪幹甫]]及[[錢昕伯]]等人協助，王韜一八七四年二月四號創辦《[[循環日報]]》，並由中華印務總局承印。黃勝本身支持王韜創辦《循環日報》，但由於佢身在[[美國]]，所以《循環日報》由王韜主持。有別於《中外新報》及《華字日報》，《循環日報》係香港首份由[[華人]]自資及自行打理嘅唐字[[報紙]]，曾經係香港通行報紙，惟於一九四七年停辦。

===推動洋務===
{{see also|洋務運動}}
[[File:Zongli Yamen.jpg|thumb|[[總理各國事務衙門]]]]
一八七三年，[[大清]][[洋務派]]向一度停辦嘅英華書院，購入兩副大小[[鉛字]]，用喺[[北京|京師]][[武英殿]][[衙門]]前嘅[[西法印書局]]，當時黃勝獲書院委派，親自將鉛字帶到京師[[總理各國事務衙門]]，為西法印書局奠下基礎。

同年，負責大清學童留學[[美國]]事務嘅正監督[[陳蘭彬]]、副監督[[容閎]]，邀請黃勝帶領第二批學童去美國留學。黃勝有見受舊同學委託，放棄香港工作，一八七三年六月帶卅名學童赴美。喺得到陳蘭彬保奏下，黃勝又喺清廷駐美使館充任通事，協助清廷同美方人員交涉，並喺美國處理留學學童事務。黃勝一直到一八七六年任滿返港，同時獲大清保舉以[[同知]]升任[[知府]]，並獲賞戴[[花翎]]。

===公職生涯===
[[File:HK PoYanStreet.JPG|thumb|[[普仁街]]嘅東華醫院。]]

一八五八年，[[港督]][[寶靈|寶靈爵士]]委任佢做陪審員。一八七零年，黃勝代表[[英華書院]]，聯同其他唐人紳商，興辦[[東華醫院]]，成為該院興建總理。東華醫院喺一八七零年奠基，一八七二年落成，係香港最早嘅唐人[[慈善機構]]，為唐人贈醫施藥。佢一八八六年到一八八七年一屆，出任該院[[丙戌|丙戌年]]主席。

一八七六年，佢自美返港，投身商界，憑藉其過往經歷，佢喺香港唐人之中，聲譽日隆，獲港府重用。一八七六年三月，黃勝獲港督[[堅尼地|堅尼地爵士]]委任為華文考試委員會委員。一八八三年十二月廿八號，黃勝入籍[[英國]]獲批，正式成為[[英籍人士]]。翌日，黃勝旋即獲港督寶雲爵士奉委為非官守[[太平紳士]]，係香港早期少有唐人太平紳士之一，喺唐人社會具一定地位。

香港史上首位[[定例局]]華人議員[[伍廷芳]]，時爲一八八零年到一八八二年。不過，伍廷芳當時僅以臨時議員身份，持續代表一位長期缺席嘅議員，出席定例局會議。一八八二年，佢走咗之後，局內再無唐人，一八八三年四月，港督寶雲爵士上任後，情況先改變。

寶雲爵士希望定例局內，有個永久唐人議席，得唐人意見能夠反映，因此佢任內向英廷提出，改組定例局，以增加其代表性。英廷接納寶雲爵士提議，一八八四年二月廿八號，新一屆定例局，議席好大變化。當中，官守議席增加兩席，由過往以非官守議員名義出席定例局嘅[[總量地官]]及[[華民政務司|總登記官]]兼撫華道出任。另一方面，非官守議席，由四席增到五席，當中兩席，由[[香港總商會]]及[[太平紳士|太平局紳]]互選產生，另外三席，由港督委任，而五席之中，必須有一席由唐人出任。

由於出任定例局議員嘅唐人，必須英籍，兼通曉[[英文]]，[[文化]]水平同社會地位俱佳，先至理想，適合人選，寥寥無幾，港督難以決定。寶雲考慮委任[[何啟|何啟醫生]]入局，但基於何啟醫生太年輕，而且生活好西化，擔心佢代表唔到唐人。最尾，揀咗黃勝出任。佢認為，黃勝「完全勝任以英國人眼光觀察華人事務，並以華人眼光觀察英國人事務」，加上佢係[[基督徒]]及英籍人士，華洋社區皆關係密切，是爲最合適人選。

不過，黃勝首次出席定例局會議，就出現次插曲。由於黃勝填補過往由政府官員擁有嘅非官守議席，[[律政司]][[柯馬理]]發現有關議席，依例須由總商會或太平局紳互選產生出任，變相令黃勝唔符合資格填補議席。為及時解決有關嘅技術性問題，總商會界別非官守議員[[昃臣]]，自願放棄議席，畀黃勝填補其席位，然後再畀政府委任佢入局。呢次事件，搞到政府、昃臣及黃勝相當尷尬，唔少唐人面目無光。

黃勝在任定例局非官守議員期間，於一八八八年六月十一號，同何啟醫生齊齊獲委為潔淨局非官守議員，成為首批出任潔淨局議員嘅華人。至於喺定例局內，黃勝曾任[[常務法律委員會]]委員，但喺議會以甚少發言著稱，並為人詬病。黃勝未能反映唐人利益，結果唐人社區有時甚至要尋求外籍議員協助，而唔接觸黃勝。例如唐人團體同政府商討《一八八九年建築物條例》時，唐人團體就揀[[遮打]]，而非黃勝，作為中介人爭取權益。黃勝喺一八九零年七月以商業業務繁忙為理由，辭去定例局職務，其議席遂由[[何啟|何啟醫生]]接替。

===晚年===
離開[[定例局]]後，黃勝仍任[[潔淨局]]非官守議員，一八九二年先卸任。黃勝早年曾購入唔少土地，儘管後尾地價上漲，但佢仍堅持回饋社會，無加租，再加上要應付日增嘅家庭開支，佢晚年仍然過著儉樸生活，頗受稱許。

黃勝短暫抱恙後，一九零二年八月五號夜晚，病逝喺[[香港島]][[中環]][[卑利街]]五十五號家中，終年七十五歲。黃勝遺體八月七號出殯，靈柩由一名[[香港警長|警長]]及四名印警護送下，由其故居送到[[香山號]]輪船，沿途吸引大批市民圍觀。黃勝遺體稍後由香山號輪船運返故鄉[[香山縣]]，喺宗族墓園安葬。

==家庭==
黃勝大女喺一八七二年，嫁畀[[韋玉|韋玉爵士]]，韋玉爵士後來一八九六年到一九一七年出任定例局非官守議員。另一方面，黃勝育五子，分別為：

* 黃詠青，大清[[江蘇]][[即補道]]。
* [[黃詠商]]，候選[[同知]]，一八九四年有份立[[興中會]]，並購入香港[[士丹頓街]]十三號，成立[[乾亨行]]，係興中會秘密會所。黃詠商於一八九五年協助[[孫文]]等人發動[[廣州起義]]，後逃匿[[澳門]]，不久病逝。黃詠商有一子[[黃慶修]]，[[中華民國]]立國後，曾任[[廣東銀行]][[暹羅]]分行經理。
* 黃詠仁，清廷候補游擊。
* 黃詠義
* 黃詠德

黃詠青、詠商同詠仁，都早死過黃勝，受黃勝影響，家族唔少後人外國受教育，並投身[[港府]]唔同部門及[[匯豐銀行]]等洋行。

<!-- 學經歷信息框開始 -->
{| class="infobox bordered" style="width: 17em; font-size: 90%; text-align: left; float:right;" cellpadding="3"
|-
! colspan="2" style="background: #CFCFCF; text-align: center" {{!}} 主要經歷
|- 
| colspan="2" style="font-size: 90%" |<div style="text-align: left">
* 《德臣西報》員工<br><span style="color: blue;">(1848年-1853年)</span>
* 英華書院印刷所監督<br><span style="color: blue;">(1853年-1871年)</span>
* 上海同文館英文教習<br><span style="color: blue;">(1864年-1867年)</span>
* 東華醫院興建總理<br><span style="color: blue;">(1870年)</span>
* 清廷駐美使館翻譯官<br><span style="color: blue;">(1873年-1876年)</span>
* 東華醫院丙戌年主席<br><span style="color: blue;">(1886年-1887年)</span>
* 定例局非官守議員<br><span style="color: blue;">(1884年-1890年)</span>
* 潔淨局非官守議員<br><span style="color: blue;">(1888年-1892年)</span>
</div>
|}

==榮譽==
* 保舉[[知府]]、賞戴[[花翎]] ，一八七六年
* [[太平紳士]] ，一八八三年十二月廿九號

==部份著作==
* [[王韜]]撰、黃勝譯，《[[火器說略]]》，一八六二年。
**<small>'''主要版本：'''</small>
**《火器說略》，[[上海]]：鴻文書局，清[[光緒]]廿三年，一八九七年

==睇埋==
* [[倫敦傳道會]]
* [[東華醫院]]
* [[容閎]]
* [[何啟]]

==參攷==
===唐文===
<div style="font-size:small">
* 〈老成凋謝〉，《[[香港華字日報]]》，[[1902年]][[8月6日]]。
* 〈發引之期〉，《香港華字日報》，[[1902年]][[8月7日]]。
* 〈黃君平甫事略〉，《香港華字日報》，[[1902年]][[8月7日]]。
* [[陳學霖]]，〈[http://sunzi1.lib.hku.hk/hkjo/view/7/700058.pdf 黃勝－香港華人提倡洋務事業之先驅]〉，《崇基學報》第3卷第2期，[[1964年]]5月。
* [[黃振權]]，《香港與清季洋務建設運動之關係》，[[香港]]；[[珠海書院]]中國文學歷史研究所，[[1980年]]。
* [[王賡武]]主編，《香港史新編（上冊）》，香港：三聯書店（香港）有限公司，[[1997年]]。
* [[張樹棟]]等，〈[http://www.cgan.net/book/books/print/g-history/big5_12/17_2.htm 第二節：報刊印刷]〉，《中華印刷通史》，[[1998年]]。
* [[史靜寰]]、[[王立新]]，《[http://www.google.com.hk/books?id=W32X8GI2XGoC&hl=en 基督教教育與中國知識份子]》，福建教育出版社，[[1998年]]。
* 〈[http://www.zsnews.cn/Culture/2004/06/23/466896.shtml 黃勝：近代出版業先驅]〉，《中山網》，發佈於[[2004年]][[6月23日]]。
* 〈[http://gdzszx.gov.cn/Backup/2007/05/29/678149.shtml 黃勝－中國近代印刷業開創者]〉，《中山網》，發佈於[[2007年]][[5月29日]]。
* [[梁炳華]]，《[http://www.edb.gov.hk/FileManager/TC/Content_3419/CH_S1-3_AV_19.pdf 孫中山遺蹟與辛亥革命]》，造訪於[[2008年]][[9月13日]]。
* 《[http://www.tungwah.org.hk/?content=591 我們的歷史]》，[[東華三院]]，造訪於[[2008年]][[9月13日]]。
* 李東海主編，《香港太平紳士和申訴專員》，中國文史出版社，2002年。
</div>

===英文===
<div style="font-size:small">
* "No. 15 of 18", ''[http://sunzi1.lib.hku.hk/hkgro/view/g1883/677617.pdf (L.S.) G. F. Bowen.]'', 29 December, 1883.
* "No. 428", ''[http://sunzi1.lib.hku.hk/hkgro/view/g1883/677623.pdf GOVERNMENT NOTIFICATION]'', 29 December, 1883.
* "Issue 25327", ''[http://www.gazettes-online.co.uk/ViewPDF.aspx?pdf=25327&geotype=London&gpn=1212&type=ArchivedIssuePage&all=&exact=Wong&atleast=&similar= London Gazette]'', 11 March, 1884, p.&nbsp;38.
* "Local and General", ''The China Mail'', 3 March, 1890.
* "No. 21.", ''[http://www.legco.gov.hk/1890/h900721.pdf LEGISLATIVE COUNCIL]'', 21 July, 1890.
* ''[http://sunzi1.lib.hku.hk/hkgro/view/s1896/1522.pdf Paper Respecting the Reconstitution of the Sanitary Board]'', HONGKONG GENERAL CHAMBER OF COMMERCE, 19 October, 1894.
* T. H. WHITEHEAD, ''[http://sunzi1.lib.hku.hk/hkgro/view/s1896/1525.pdf Report on the Tung Wa Hospital]'', 17 October, 1896.
* "Death of a Well-known Chinaman", ''The China Mail'', 7 August, 1902.
* ''Who Was Who 1916-1928'', A & C Black, 1950.
* G. B. ENDACOTT, ''Government and People in Hong Kong, 1841-1962: A Constitutional History'', Hong Kong University Press, 1964.
* T. C. CHENG, "[http://sunzi1.lib.hku.hk/hkjo/view/44/4401147.pdf CHINESE UNOFFICIAL MEMBERS OF THE LEGISLATIVE AND EXECUTIVE COUNCILS IN HONG KONG UP TO 1941]", ''Journal of the Hong Kong Branch of the Royal Asiatic Society'', Vol. 9, 1969.
* Carl T. SMITH, "[http://sunzi1.lib.hku.hk/hkjo/view/44/4401208.pdf THE EMERGENCE OF A CHINESE ELITE IN HONG KONG]", ''Journal of the Hong Kong Branch of the Royal Asiatic Society'', Vol. 11, 1971.
* John Mark CARROLL, ''[http://www.google.com.hk/books?id=D37ijXG-FykC&hl=en A Concise History of Hong Kong]'', Rowman & Littlefield, 2007.
* YUNG Wing, ''[http://books.google.com.hk/books?id=C2cs3BK9gkYC My Life in China and America]'', READ BOOKS, 2007.
</div>

==出面網頁==
* [http://www.google.com.hk/books?id=W32X8GI2XGoC&hl=en 基督教教育與中國知識份子]
* [http://books.google.com.hk/books?id=C2cs3BK9gkYC My Life in China and America]（《西學東漸記》），[[容閎]]

[[Category:香港企業家]]
[[Category:東華三院]]
[[Category:香港太平紳士]]
[[Category:前香港立法局議員]]
[[Category:作家]]
[[Category:香港傳媒人]]
[[Category:香港報人]]
[[Category:澳門人]]
[[Category:中山人]]
[[Category:大清人]]
[[Category:黃氏|勝#REDIRECT [[黃達權]]