Difference between revisions 68607 and 73579 on tcywiki

[[ಮಾರಿ]] ನಲಿಕೆಂದ್ ಪುದರ್ ಪೋಯಿನ ಪರಪೋಕುದ [[ನಲಿಕೆ]] ಬೈಲ ಮಾರಿ ನಲಿಕೆ.  [[ತುಳುನಾಡ್|ತುಳುನಾಡ್ಂ]]ದ್ ಲೆಪ್ಪುನ [[ಒಡಿಪು]], [[ಕುಡ್ಲ]], [[ಕಾಸರ್ಗೋಡ್|ಕಾಸರಗೋಡು]] ಪ್ರದೇಸೊಡು [[ತುಳು]] ಜನಪದೆರೆನ ಬಾಯಿಪಾತೆರೊದ ಈ ಸಾಹಿತ್ಯೊ ಬುಕ್ಕೊ ನಲಿಕೆ ಜನಜನಿತೊ ಆತುಂಡು.  ಉಂದೊಂಜಿ ಇಸೇಸೊ ನಲಿಕೆ.  [[ಸುಗ್ಗಿ]] ಬೇಸಾಯೊದ ಸಮಯೊಡು ಮಾರಿ ಕಲೆಯೆರ [[ಕೊರಗ ತನಿಯೆ]] ಇಲ್ಲಡೆ ಇಲ್ಲಡೆಗ್ ಬರ್ಪೆ.  ಬೈಲ ‘ಮಾರಿನ್ ಕೊಂಡೋಪೆ’ ಪನ್ಪುನ ಕೊರಗ ತನಿಯ [[ಕಂಡೊ]]ದ ಮಾರಿನ್ ಕೊಂಡುಪೋಪೆ.<ref>https://www.facebook.com/BeautyOfTulunad/posts/394345420684872</ref> ಬೈಲ ಮಾರಿ ನಲಿಕೆನ್ ನಲಿತೊಂದು ಬನ್ನಗ ಒಟ್ಟೂಗೆ [[ತೆಂಬರೆ]] ಬೊಟ್ಟೊಂದು ಪದೊ ಪನ್ಪೆರ್.  ಈ ಪದೊಟು ಬರ್ಪುನ ದಿಂಜ ಪದೊಕುಲೆನ ಅರ್ತೊ ಮಲ್ತೊನೊಡಾತೆ.  ಉಂದೊಂಜಿ ಬಾಯಿಡ್ದ್ ಬಾಯಿಗ್ ಪರಡ್‍ನ ಪದೊ ಆಯಿನೆಡ್ದಾವರೊ ಮೂಲೊ ರೂಪೊದ ಬದೊಕುಲು ಮಾಜಿದ್ ಪೋತ್ಂಡ್.  ಉಂದು ಕೊರಗ ತನಿಯ [[ಭೂತ ಕೋಲ|ಬೂತೊ]]ಗು ಸಂಬಂದೊ ಪಟ್ಟ್‌ನವಾಂಡಲಾ ಇಂದೆನ್ ಕಟ್ಟುನ ಅಜಲಾಯೆರ್‍ನಕುಲು ದಿನೊನಿತ್ಯೊ ಬದ್‍ಕ್‍ಡ್ ತೋಜುನ ಇಚಾರೊಲೆನ್ ಪಂಡೊಂದು ಪೋಪೆರ್.  ಬೈಲ ಮಾರಿದ ಬಗೆಟ್ ಸಂಸೋದನೆ ಮಲ್ಪುನಕುಲೆಗ್ ಉಂದೊಂಜಿ ಮೂಲೊ ಆಕರೊ.<ref>ಜಾನಪದ ಕರ್ನಾಟಕ, ಸಂಪುಟ-7, ಸಂಚಿಕೆ-2, ಪ್ರಸಾರಾಂಗ, [[ಕನ್ನಡ ವಿಶ್ವವಿದ್ಯಾಲಯ]], [[ಹಂಪಿ]]</ref><ref>http://www.kanaja.in/%E0%B2%A6%E0%B2%95%E0%B3%8D%E0%B2%B7%E0%B2%BF%E0%B2%A3-%E0%B2%AD%E0%B2%BE%E0%B2%B0%E0%B2%A4%E0%B3%80%E0%B2%AF-%E0%B2%9C%E0%B2%BE%E0%B2%A8%E0%B2%AA%E0%B2%A6-%E0%B2%95%E0%B3%8B%E0%B2%B6-%E0%B2%95-37/</ref>   

== ನಲಿಕೆದ ಇದೊಕುಲು ==
[[ಮಾದಿರ|ಮಾದಿರ ನಲಿಕೆ]], [[ಚೆನ್ನು ನಲಿಕೆ]], [[ಕಂಗೀಲು]], [[ಕರಂಗೋಲು]], [[ಆಟಿಕಳೆಂಜೆ|ಆಟಿ ಕಲೆಂಜ]], [[ಸೋಣದ ಜೋಗಿ]] ಇಂಚಿತ್ತಿ ಜನಪದೊ ನಲಿಕೆಲು ಉಂಡು.  ಇಂಚಿತ್ತಿನೆಟ್ ಬೈಲ ಮಾರಿ ನಲಿಕೆಲಾ ಒಂಜಿ ಜನಪದ ನಲಿಕೆ.   

== ಪ್ರಾದೇಸಿಕ ಇವರೊ ==
ಬೈಲ ಮಾರಿ ನಲಿಕೆ ಸುಗ್ಗಿ ಬೆನ್ನಿದ ಸಮಯೊಡು ನಲಿಪುನ ನಲಿಕೆ.  ಉಂದು [[ಸುಳ್ಯ]] ತಾಲೂಕುದ ಕೋಟೆ ಮುಂಡುಗಾರ್, ನೆಟ್ಟಾರ್ [[ಚಾವಡಿ]] ಬಾಗಿಲು, ಮುರುಳ್ಯಡ್ ಇತ್ತೆ ತೋಜಿದ್ ಬರ್ಪುಂಡು.  ಆಂಡ ಇತ್ತೆ ಈ ಇಸೇಸೊ ನಲಿಕೆದ ಬಗೆಟ್ ಸಂಸೋದನೆ ನಡತ್‍ಜಿ.   ಇತ್ತೆ ಈ ಪ್ರದೇಸೊಡು ಬೆನ್ನಿ ಬೇಸಾಯೊ ಇದ್ಯಾಂದಿನೆಡ್ತಾವರೊ ಸುಗ್ಗಿ ಬೇಸಾಯೊ ಸಮಯೊದ ಈ ನಲಿಕೆ ಜನೊಕ್ಲೆಡ್ದ್ ದೂರೊ ಆವೊಂದುಂಡು.  

== ನಲಿಕೆದ ಪದೊ ==
ಬೈಲ ಮಾರಿನ್ ಕೊಂಡೊತ್ ಪೋಯೆರ ಇಲ್ಲಡೆ ಇಲ್ಲಡೆಗ್ ಬರ್ಪುನ ಕೊರಗ ತನಿಯ ಬೂತೊ ಕಟ್ಟ್‌ನಾಯೆ ಒಂಜಿ ಪದೊ ಪಂಡೊಂದು ನಲಿಪುವೆ.  ಆಯನೊಟ್ಟುಗು ಬತ್ತ್‌ನ ಒರಿ ತೆಂಬರೆನ್ ಬೊಟ್ಟೊಂದು ಪದ್ಯೊ ಪನ್ಪೆ.  ಸುಳ್ಯೊ ತಾಲೋಕುದ [[ಬೆಳ್ಳಾರೆ]]ದ ಕೈತಕ್ದ ಪಾಜಪಳ್ಳದ ಬಾಬು ಅಜಿಲೆರೆ ಕುಟುಂಬದಕುಲು ಈ ನಲಿಕೆತ ಪದೊನೊ ಪನ್ಪೆರ್.<ref>ಶ್ರೀ ಕಾಂತು ಅಜಿಲೆರ್ ಸಂಗ್ರಹೊ ಮಲ್ತಿನ ಬೈಲ ಮಾರಿ ನಲಿಕೆದ ಪದೊ</ref> 
=== ಪದೊ ===
:ಈಯಿಲಾ ಬಲ್ಲಗ ಈಯಿ ಬಲ ದಿಕ್ಕನೆ
:ಓ ಲೇಲೆ ಲೇಲೇ ಲಾ
:ನಾಲುವೆರೆ ನಡುಟೆ ಗಿರಿ ಬಲ ದಿಕ್ಕನೆ
:ಓ ಲೇಲೆ ಲೇಲೇ ಲಾ
:ಆಕಾಸೊಟು ಅರಂತೋಡೆ ಬೂಮಿಟ್ ಬೈಕುಡೆ
:ಓ ಲೇಲೆ ಲೇಲೇ ಲಾ
:ಮೈರು ಕೆಲೆತ್ತುನನ್ ಕೇಂಡರೊಲ್ಲಾಯ
:ಓ ಲೇಲೆ ಲೇಲೇ ಲಾ
:ಆಯಿರೆ ಈಯಿರೆ ನೀರ್ಲಾ ಏರುಂಡುಗಾ
:ಓ ಲೇಲೆ ಲೇಲೇ ಲಾ
:ಬಾಣರೆಪ್ಪೆಲ್ಲೊನ್ ಬೈಪೆ ನೋತುಂಡೆ
:ಓ ಲೇಲೆ ಲೇಲೇ ಲಾ
:ಗಾಣತ್ತೆರು ಕೈಯಿ ತಿನ್ಪುಂಡು ಕೆಬಿಲಾ ಪಂದುಜಿಗಾ
:ಓ ಲೇಲೆ ಲೇಲೇ ಲಾ
:ಕೈಪುಡ್ದಿಕ್ಕಾಲ್ ಪಜೆ ಮುಡೆಪುಂಡು ಕೈಲಾ ಪಂದುಜಿ
:ಓ ಲೇಲೆ ಲೇಲೇ ಲಾ
:ಕಾಂತಾರದ ಪದವುಡೆ ನಾಯಿ ಬರ್ಪುಂಡು
:ಓ ಲೇಲೆ ಲೇಲೇ ಲಾ
:ನಾಯಿ ಬರ್ಪುಂಡು ಮುಂಗುಲಿ ಪಾರ್ದ್ ಬದುಕೋನು
:ಓ ಲೇಲೆ ಲೇಲೇ ಲಾ
:ದಂಬೆಲಾ ಜಾರ್ಂಲಡ್ ದಂಬೆ ಜಾರ್ಂಡ್ ದಿಕ್ಕನೆ
:ಓ ಲೇಲೆ ಲೇಲೇ ಲಾ
:ಕಂಚಿ ದಂಬೆ ಜಾರುಂಡು ಬೈಲ್‍ಗ್ ದಲಾ ಬೂರುಂಡೆ
:ಓ ಲೇಲೆ ಲೇಲೇ ಲಾ
:ಜೋಡುಲಾ ದೆಪ್ಪೊಡೆ ಜೋಡು ದೆಪ್ಪುಡು ದಿಕ್ಕನೆ
:ಓ ಲೇಲೆ ಲೇಲೇ ಲಾ
:ಜೋಡುನಾರ್ ಕಡಪ್ಪುನ ಜೋಡೂಲಾ ದೆಪ್ಪೊಡೇ
:ಓ ಲೇಲೆ ಲೇಲೇ ಲಾ
:ಕೋರಿ ತೂಯರ ಪೋಕಲ್ ಕೊಲಿಂದ ಮರ ಕೋರಿಗ್ಗಡ
:ಓ ಲೇಲೆ ಲೇಲೇ ಲಾ
:ಉತ್ತೊಡುಪ್ಪು ದೆಪೆÇ್ಪೀಡು ಕೋರಿಗುಲಾ ಪೋವೋಡೆ
:ಓ ಲೇಲೆ ಲೇಲೇ ಲಾ
:ಎನ್ನ ಉಳ್ಳಾಯ ಪಾಡಿನ ಸಣ್ಣ ಕಂಗು ಮಾಸಡಿ
:ಓ ಲೇಲೆ ಲೇಲೇ ಲಾ
:ಉತ್ತುಡುಪು ಉಳ್ಳಾಯೆಡ ಕೇಣೊಡೇ
:ಓ ಲೇಲೆ ಲೇಲೇ ಲಾ
:ಕೋರಿಗೆಂದ್ ಪೋವೋಡು ಕೊಕ್ಕಡದ ಕೋರಿಗಂದಮಲೆ
:ಓ ಲೇಲೆ ಲೇಲೇ ಲಾ
:ಉತ್ತೋಡುಪು ದೆಪ್ಪೊಡೇ ಕೋರಿಗುಲಾ ಪೋವೊಡೇ
:ಓ ಲೇಲೆ ಲೇಲೇ ಲಾ
:ಕಾಂತರ ಕದಿರೊಡು ಕಡುಪಾಡುನಂದಮಲೆ
:ಓ ಲೇಲೆ ಲೇಲೇ ಲಾ
:ಪುಚ್ಚೆ ಬೊಲುವಾಲುಡು ಮೀನ ಇತ್ತುಂಡೊಲ್ಲಾಯ
:ಓ ಲೇಲೆ ಲೇಲೇ ಲಾ
:ಚೀಪೆಕಳಿ ಗಂಗಸರ ಜೋರುಲಾ ಗುಡ್ಡೆಡೆಲಾ
:ಓ ಲೇಲೆ ಲೇಲೇ ಲಾ
:ಬೋರುಗುಡ್ಡೆ ಇರಂಗುಯೆನೇ ಜವ್ವನ್ ಜೇರುಳು
:ಓ ಲೇಲೆ ಲೇಲೇ ಲಾ
:ಕಳಿಪರಿ ಮುಟ್ಟಾಲೆ ಮಂಜಲ್ಲಾ್ ಒರಿಂಡುಗಾ
:ಓ ಲೇಲೆ ಲೇಲೇ ಲಾ
:ಕೊರುಂದ್ ಗದ್ದಾಗೋ ಕೊಪ್ಪೊಟೊಡೊರಿಂದ
:ಓ ಲೇಲೆ ಲೇಲೇ ಲಾ
:ಆಯೆ ಜೆರ್ಪುನ ಉಳಾಯಿ ಏನ್ ಜೆರ್ಪುನ ಪಿದಾಯಿ
:ಓ ಲೇಲೆ ಲೇಲೇ ಲಾ
:ನ್ಯಾಯ ಪಾತೆರುನೇನ್ ಬುಡುಪುಜಿ ಬೊನ್ಯತ ಗುಡ್ಡೆಡ್ತೆ
:ಓ ಲೇಲೆ ಲೇಲೇ ಲಾ
:ಉತ್ಯೆರುಲ್ಲೆಯೇ ಪಾಡುನ ಒಂಜಿಗೋನ್ ಬೆನ್ಪುನ
:ಓ ಲೇಲೆ ಲೇಲೇ ಲಾ
:ಕಣ್ಣಿರುತ್ತಣ್ಣ ಕಣ್ಣ್ಮ‍ಲ್ಲೆ ದೂಜಿಟ್ಲಾ ಕುತ್ತೊಂಡುಗಾ
:ಓ ಲೇಲೆ ಲೇಲೇ ಲಾ
:ಪುತ್ತೂರುತ್ತುಣ್ಣ ಮುಂಡ ಮಲ್ಲೆ ಬಾಜಿಟ್ಲಾ ಕೆತ್ತೊಡೆ
:ಓ ಲೇಲೆ ಲೇಲೇ ಲಾ
:ಕಾಂತುಶೆಟ್ಟಿ ದೂಮಶೆಟ್ಟಿ ಜಪ್ಪಲಾ ಪೋಪೆರ್‍ಗಾ
:ಓ ಲೇಲೆ ಲೇಲೇ ಲಾ
:ಓಡೆಗ್ ಪೋಪಲೆ ಕುಂಞಿ ಮೊಡಂಡೂರು ದಿಕ್ಕಾಲೇ
:ಓ ಲೇಲೆ ಲೇಲೇ ಲಾ

=== ಕನ್ನಡ ಅನುವಾದ ===
ನೀನಾದರೂ ಬಾರೋ ಬಾ ದಿಕ್ಕನೇ, 
ಓ ಲೇಲೆ ಲೇಲೇ ಲಾ,

ನಾಲ್ಕು ಜನರ ನಡುವಿನಿಂದ ಗಿರಿ(?) ಬಾ ದಿಕ್ಕನೇ,
ಓ ಲೇಲೆ ಲೇಲೇ ಲಾ,

ಆಕಾಶದಲ್ಲಿ ಅರಮನೆಯಲ್ಲಿ ಭೂಮಿಯಲ್ಲಿ ಬೈಹುಲ್ಲಿನ ರಾಶಿಯಲ್ಲಿ,
ಓ ಲೇಲೆ ಲೇಲೇ ಲಾ,

ನವಿಲು ಕೇಕೆ ಹಾಕಿದ್ದನ್ನು ಕೇಳಿದಿರಾ ಒಡೆಯ,
ಓ ಲೇಲೆ ಲೇಲೇ ಲಾ,

ಆ ಬದಿ ಈ ಬದಿ ನೀರಾದರೋ ಏರುತ್ತಿದೆಯಂತೆ,
ಓ ಲೇಲೆ ಲೇಲೇ ಲಾ,

ಬ್ರಾಹ್ಮಣರ ಪೊಲ್ಲನ್ ಬೈಪೇ(?) ಹೊಡೆಯಿತಲ್ಲ,
ಓ ಲೇಲೆ ಲೇಲೇ ಲಾ,

ಗಾಣದ ಕೋಣ ಪೈರು ತಿನ್ನುತ್ತದೆ ಕಿವಿಯೂ ಅಲುಗಾಡುತ್ತಿಲ್ಲ,
ಓ ಲೇಲೆ ಲೇಲೇ ಲಾ,

ಕೈಪುಡಿ ದಿಕ್ಕಾಲ್ದಿ  ಚಾಪೆ ನೇಯುತ್ತಿದ್ದಾಳೆ ಕೈ ಅಲುಗಾಡುವುದಿಲ್ಲ,
ಓ ಲೇಲೆ ಲೇಲೇ ಲಾ,

ಕಾಂತಾರದ ಪದವಿನಲ್ಲಿ  ನಾಯಿ ಬರುತ್ತಿದೆ,
ಓ ಲೇಲೆ ಲೇಲೇ ಲಾ,

ನಾಯಿ ಬರುತ್ತದೆ ಮುಂಗುಸಿ ಓಡುತ್ತದೆ ಬದುಕಿಗೊಂಡು,
ಓ ಲೇಲೆ ಲೇಲೇ ಲಾ,

ಕೋರಿ ನೋಡಲು ಹೋಗಬೇಕು ಕೊಲಿಂದ್ ಮರ ಕೋರಿಗೆ,
ಓ ಲೇಲೆ ಲೇಲೇ ಲಾ,

ಉಡುವ ಉಡುಪು ತೆಗೆಯಬೇಕು ಕೋರಿಗೆ ಹೋಗಬೇಕು,
ಓ ಲೇಲೆ ಲೇಲೇ ಲಾ,

ನನ್ನ ಉಳ್ಳಾಯ ಉಟ್ಟ ಬಟ್ಟೆ,
ಓ ಲೇಲೆ ಲೇಲೇ ಲಾ,

ಉಡುವ ಉಡುಪು ಒಡೆಯನಲ್ಲಿ ಕೇಳಬೇಕು,
ಓ ಲೇಲೆ ಲೇಲೇ ಲಾ,

ಕೋರಿಗೆಂದು ಹೋಗಬೇಕು ಕೊಕ್ಕಡದ ಕೋರಿಗೆ,
ಓ ಲೇಲೆ ಲೇಲೇ ಲಾ,

ಉಡುವ ಬಟ್ಟೆ ತೆಗೆಯಬೇಕು ಕೋರಿಗೆ ಹೋಗಬೇಕು,
ಓ ಲೇಲೆ ಲೇಲೇ ಲಾ,

ಕಾಂತಾರ ಕದ್ರಿಯಲ್ಲಿ ಕಡು ಹಾಕಿದ್ದು ಹೌದೇನೋ ಇವನೆ,
ಓ ಲೇಲೆ ಲೇಲೇ ಲಾ,

ಪುಚ್ಚೆ ಬೊಲುವಾಡದಲ್ಲಿ ಮೀನುಗಳು ಇದ್ದವು ಒಡೆಯ,
ಓ ಲೇಲೆ ಲೇಲೇ ಲಾ,

ಸಿಹಿಕಳ್ಳು ಗಂಗಸರ ಬೋರು ಗುಡ್ಡೆಯಲ್ಲಿ,
ಓ ಲೇಲೆ ಲೇಲೇ ಲಾ,

ಬೋರು ಗುಡ್ಡೆಯಲ್ಲಿ ಇಳಿಸಿದರು ಯುವತಿಯರು,
ಓ ಲೇಲೆ ಲೇಲೇ ಲಾ,

ಕಳ್ಳು ಕುಡಿಯುವ ಮುಟ್ಟಾಲೆ ಮಂಜಲ್ನತಲ್ಲಿಯೇ ಉಳಿಯಿತು,
ಓ ಲೇಲೆ ಲೇಲೇ ಲಾ,

ಕೊರುಂದ್ ಗದ್ದಗ(?) ಕೊಪ್ಪದಲ್ಲಿಯೇ ಉಳಿಯಿತು,
ಓ ಲೇಲೆ ಲೇಲೇ ಲಾ,

ಅವನು ಮಲಗುವುದು ಒಳಗೆ ನಾನು ಮಲಗುವುದು ಹೊರಗೆ,
ಓ ಲೇಲೆ ಲೇಲೇ ಲಾ,

ನ್ಯಾಯ ಮಾತನಾಡುವುದನ್ನು ಬಿಡುವುದಿಲ್ಲ ಬೂದಿಯ ಗುಡ್ದದಿಂದಲೇ,
ಓ ಲೇಲೆ ಲೇಲೇ ಲಾ,

ಒಡೆಯ ಹಾಕಿದ ಒಂದು ಕೆಲಸ ಮಾಡುವ,
ಓ ಲೇಲೆ ಲೇಲೇ ಲಾ,

ಕಣ್ಣುರತ್ತಣ್ಣ ಕಣ್ಣ ಮಲ್ಲೇ(?) ಸೂಜಿಯಲ್ಲಿ ಚುಚ್ಚಿಕೊಂಡನಂತೆ,
ಓ ಲೇಲೆ ಲೇಲೇ ಲಾ,

ಪುತ್ತೂರುತ್ತಣ್ಣ ಮುಂಡ ಮಲ್ಲೆ(?) ಉಳಿಯಲ್ಲಿ ಕೆತ್ತಬೇಕು,
ಓ ಲೇಲೆ ಲೇಲೇ ಲಾ,

ಕಾಂತು ಶೆಟ್ಟಿ ದೂಮ ಶೆಟ್ಟಿ ಇಳಿದುಕೊಂಡು ಹೋಗುವಂತೆ,
ಓ ಲೇಲೆ ಲೇಲೇ ಲಾ,

ಎಲ್ಲಿಗೆ ಹೋಗುವಳು ಕುಂಞಿ ಮೊಡಂದೂರು ದಿಕ್ಕಾಳೇ,
ಓ ಲೇಲೆ ಲೇಲೇ ಲಾ,
ಓ ಲೇಲೆ ಲೇಲೇ ಲಾ

== ಉಲ್ಲೇಕೊ ==
<references />

[[ವರ್ಗೊ:ತುಳು ಜಾನಪದ]]
[[ವರ್ಗೊ:ನಲಿಕೆ]]
[[ವರ್ಗೊ:ಆರಾಧನೆ]]