Difference between revisions 63000 and 63001 on zeawiki

[[Plaetje:Johannes Vermeer - The lacemaker (c.1669-1671).jpg|thumb|''De kantwerkster'', 'eschilderd deu [[Johannes Vermeer]]]]

Vroeger wier op [[Zeêuws-Vlaonderen]] uëk wel kaant geklost. De mênse — die vur 'n gruët gedeelte stroatêrm waore — dee'n d«i mêêst om wa bij te verdiene. 't Gebeurden uëk wel da se d'r 'n volledige bruëwinning van moakte, lèk as Fiekske en Lie van Roeyen, mar da woare twêê ongetraade vraa'n en die moeste d'r uldere kost mi verdiene. Da Fiekske en die Lie dé sin wel de leste gewist die 'ier kaant geklost èn. Da sal zuë wa tot de joare twintig gewist zijn. Tot veur de lesten oorlog is 'r nog wel kaant geborduurd, mar doarmee is uëk wel gestopt. De gezusters Burm zin wel de leste gewist.

De kaant — zuëwel de geklosten as de geborduurde — wier gemoakt in opdracht van 'ne kantboas. ('Ier op de Kaater waade Bossart (Bosschaert) en Van Immerzêêl (Van Immerzeel) en op Kieldrecht Werkers (Werkers). Die werkten op bestelling. De kaant wier deur 'êêl [[Nederland|'Ollaand]] geleverd, mar 'ier toch veel vur [[Zuud-Beveland|Zeüd-Bevelaand]]. In 'uëfdzoak diende die vur de mutse van de klêêderdrachte.

De gekloste kaant wier gemoakt op 'n kantkusse. Da was 'n kusse van 'ne sentemeter of sestig in 't vierkaant dad op 'n 'aaten (houten) oonderstel gemoakt was en scheün sting, van achter zuë 35 en van veur 5 tot 10 sentemeter 'üeg. In d'n 'aaten onderbaa (onderbouw) zaate scheüfkes (laden), woar as z'ulder gerief in lee'n (legden). Da kantkusse sting op 'n soort standard en die noemde ze 'ne linder. Die koste ze verstelle, zuëdè 't kantkussen 'uëger en lêêger (lager) kost komme nar gelang die gruëtte van de kantwerkster en 'oe vêr ze mi 't wérk gekomme was. Boven op 't kussen zaat de frazijn; da was de patruën (patroon, voorbeeld). Da frazijn was mar iets van viftien tot twintig sentemeter in ' vierkant of recht'oekig, mar ze koste de kaant zuë laank en zuë brêêd moake a se wilde, mar dèn kwam dèselfde figuur iedere kêêr trug vanêge (natuurlijk), 't Frazijn was gemoakt van perkament.

De soort kaant 'ing af van 't figuur (blommekes, bekskes en andere figuurkes). „Oeveel soorten a t'r woare da's nie te zégge, 'êl veel aalt zeker, mar bekende soorte zin wel: [[Vlaonderen (gewest)|Vloamse]] ('ier 't mêêst gemoakt), [[Rijssel]]se ('ier Beverse genoemd). [[Mèchelen|Mèchel]]se, [[Brussel]]se, {{Brugge|Brugse]] kaant, en uëk nog potte- en stropkaant. Mi stropkaant begoste ze te léêre, da was de makkelèkste. De frazijn vur de verschillige soorte moeste (mochten) de kantwerksters beeze (gebruiken) van de kantboas.

(contracted; show full)[[ru:Кружево]]
[[sh:Čipka]]
[[simple:Lace]]
[[sk:Paličkovaná čipka]]
[[sv:Spetsar]]
[[tr:Dantel]]
[[uk:Мереживо]]
[[vls:Kant]]