Difference between revisions 335718 and 335747 on sourceswiki

{{সপ্তকাণ্ড ৰামায়ণ}}

::<big><big><big><big>'''''ৰামায়ণ ।'''''<big><big><big><big>


::<big><big><big>'''''অযোধ্যাকাণ্ড ।'''''<big><big><big>
========================================

(contracted; show full)
আগবাঢ়ি সুমন্ত্ৰ যুৰিলা যোৰহাত ।

ৰাজ ৰাজেশ্বৰ বুলি নমিলন্ত মাথ ॥৩৬

দশৰথে আজ্ঞা কৰিলন্ত সুমন্ত্ৰক ।

শীঘ্ৰে গৈয়া আন ক
ূুল নন্দন ৰামক ॥৩৭

মাথে ধৰি মন্ত্ৰী নৃপতিৰ আজ্ঞা বাণী ।

ৰাম সীতা লক্ষ্মণক মিলাইলন্ত আনি ॥৩৮

থাপিলন্ত গৃহত সুবৰ্ণময় ঘট ।

কন্যা সবে পাৰিল বাটত নেতপট ॥৩৯

আপোনাৰ আচাৰ কৰিল নাৰীগণে ।

দশৰথ থিত ভৈলা সহৰিষ মনে ॥৪০

ৰামসীতা প্ৰবেশিলা ৰাজাৰ মন্দিৰি ।

ভাৰ্য্যা সমে সূৰ্য্য যেন থিত অস্তগিৰি ॥৪১

নমিলন্ত বাপক আৱৰ নিজ মাৱ ।

কৈকেয়ীৰ সুমিত্ৰাৰ নমিলন্ত পাৱ ॥৪২

ছয় শত মাৱ আৰ পঞ্চাশ বেকতি ।

একে একে সবাহাক কৰিলা প্ৰণতি ॥৪৩

শ্ৰীৰাম লক্ষ্মণ আদি কৰি চাৰি ভাই ।

চাৰি কন্যা লৈয়া চলি গৈলা নিজ ঠাই ॥৪৪

নাৰী মিলিলন্ত যত কৌশল্যাৰ ঘৰ ।

সীতাৰ ৰূপক কেহো নোহে সমসৰ ॥৪৫

সীতাৰ প্ৰভাৱে মুখ মলিন সবাৰ ।

পূৰ্ণচন্দ্ৰ উদয়ে নজ্বলে যেন তাৰ ॥৪৬

কাশ্যপক অদিতিক যেন সুৰপতি ।

বাপক মাৱক নিতে কৰিলা ভকতি ॥৪৭

দেৱ দ্বিজ আৰাধিয়া সন্তোষণ কৰি ।

নিজগুণে ৰঞ্জিলন্ত সমস্তে নগৰী ॥৪৮

চাৰি ভাই মিলি ধৰ্ম্মপথ অনুসৰি ।

হৰিষে আছন্ত নানাবিধ ভোগ কৰি ॥৪৯

মাতুলক দেখো ভৰতৰ ভৈলা মন ।

তুলত লৈলন্ত প্ৰাণ ভাই শত্ৰুঘন ॥৫০

ৰামৰ চৰণ দুই নমস্কাৰ কৰি ।

অনুজ্ঞা মাগিলা পাচে পুটাঞ্জলি ধৰি ॥৫১

প্ৰণমিলা বাপক আৱৰ নিজ মাৱ ।

পাইলন্ত ভৰত গৈয়া যুদ্ধাজিত ঠাৱ ॥৫২

ৰাজা যুদ্ধাজিতে তাঙ্ক ভালে সাদৰিল ।

মাস কতিপয় তথা ভৰতে বঞ্চিল ॥৫৩

বিবিধ সম্বাদ তথা মিলিল বহুত ।

ৰামৰ কাহিনী আবে শুনিয়ো প্ৰস্ত্তত ॥৫৪